វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9663 នាក់
ម្សិលមិញ 8227 នាក់
សរុប 14136544 នាក់
ខេត្តបន្ទាយមានជ័យ ៖ប្រជាពលរដ្ឋខ្មែរញៀនល្បែងបាននាំគ្នាចូលល្បែងក្នុង កាស៊ីណូ យីហោ អិល ភី ភី ស្កាយ (ហៅកាស៊ីណូស្កាយ) មានទីតាំងស្ថិតនៅក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ដោយគ្មានការទប់ស្កាត់ និងបង្ក្រាប ពីសំណាក់អាជ្ញាធរពាក់ព័ន្ធក្នុងមហាផ្ទៃនិងក្នុងមូលដ្ឋានដែលជាភ្នេកច្រមុះរបស់រដ្ឋាភិបាលនោះឡើយ។ បើតាមការឲ្យដឹងពីអ្នកចូលលេងល្បែងក្នុងកាស៊ីណូយីហោ អិល ភី ភី ស្លាយ (ហៅកាស៊ីណូ ស្លាយ ) បានអោយដឹងថា កាស៊ីណូ យីហោ អិល ភី ភី ស្កាយនេះ គ្មានសមត្ថកិច្ចណាហ៊ានធ្វើការបង្ក្រាបសោះឡើយ បើទោះបីជារាជរដ្ឋាភិបាលកម្ពុជា កំពុងដាក់បទបញ្ជាឲ្យបង្ក្រាបល្បែងស៊ីសងខុសច្បាប់និងហាមប្រជាពលរដ្ឋខ្មែរ នៅទូទាំងប្រទេសមិនឲ្យចូលលេងក៏ដោយ ។
ប្រភពដដែលបានឲ្យដឹងទៀតថា នៅក្នុងកាស៊ីណូខាងលើ មានជនបរទេស ចូលទៅលេងមានចំនួនប្រហែល៣០ទៅ៤០ភាគរយប៉ុណ្ណោះ ក្រៅពីនោះសុទ្ធសឹងតែជាជនជាតិខ្មែរទាំងអស់ បានចូលទៅលេងល្បែងស៊ីសង ដោយមិនញញើតនិងទោសទណ្ឌបន្តិចណាសោះឡើយ។ប្រជាពលរដ្ឋនៅក្នុង ស្រុកអូរជ្រៅ ក្រុងប៉ោយប៉ែត ខេត្តបន្ទាយមានជ័យ បានរិះគន់ថា ការដែលការស៊ីណូយីហោ អិល ភី ភី ស្លាយបើកឲ្យពលរដ្ឋខ្មែរចូលលេងល្បែងស៊ីសង ពពាក់ពពូនដោយខុសច្បាប់បែបនេះបើមិនមានការបិទភ្នែក បិទត្រចៀក ពីសំណាក់អាជ្ញាធរនិងសមត្ថកិច្ចខេត្តបន្ទាយមានជ័យពិសេសសមត្តកិច្ចនៃនាយករដ្ឋានល្បែងស៊ីសងនិងពត៍មានក្រសួងមហាផ្ទៃទេ គឺមិនអាចធ្វើទៅកើតទេព្រោះបើតាមបទបញ្ជារបស់សម្តេចតេជោ ហ៊ុន សែនមិនមានការអនុញ្ញាតបែនហ្នឹងឡើយ ។ប្រជាពលរដ្ឋថាបើលោក បើលោកអ៊ុំរាត្រីអភិបាលនៃគណៈអភិបាលខេត្តបន្ទាយមានជ័យ ជា ពិសេសគណៈកម្មការបង្ក្រាបល្បែងស៊ីសង លោក សិទ្ធិ ឡោះស្នងការខេត្តបន្ទាយមានជ័យដែលបង្ក្រាបប្រជាពលរដ្ឋលេងល្បេងតិចតួចហើយ មិនធ្វើការទប់ស្កាត់កាស៊ីណូនេះតើឲ្យអ្នកណាមកធ្វើ?។តើអនុក្រឹត្យស្តីពីការបង្កើតគណៈកម្មការថ្មីបង្ក្រាបបទល្មើសល្បែងស៊ីសង ដែលមានឯកឧត្តម សុខ ផល ជាប្រធានមានប្រយោជន៍អី?៕