សមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាមត្រុវបានប្រកាសឲ្យប្រើប្រាស!

ជនជាតិកាមេរ៉ូនម្នាក់ធ្លាប់ជាប់គុកតែដោះលែងទុកឲ្យប្រព្រឹត្ត ករណីជម្រឹតទាប្រាកស្ត្រីឡាវ២០ម៉ឺនដុល្លារទៀត!

អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

ទីតាំងសិប្បកម្មកែច្នៃឈើដុះស្លែចំនួនជិត២០កន្លែង នៅក្នុងភូមិសាស្ត្រ សង្កាត់អូរស្មាច់ នៅតែដំណើរការយ៉ាងរលូន!?

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

ក្រុមហ៊ុនតៃវ៉ាន់មួយបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង ១ឆ្នាំ!

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

ជាច្រើនទៀត

ចំនួនអ្នកទស្សនា

ថ្ងៃនេះ 2440 នាក់

ម្សិលមិញ 3250 នាក់

សរុប 16500864 នាក់

ឈ្វេងយល់ពីការផ្ទេតំណែងនិងការដឹកនាំគ្រប់គ្រងក្នុងប្រទេសសឹង្ហបុរី!

30-March-2025 / ព័ត៌មានអន្តរជាតិ

ប្រទេសសឹង្ហបុរី៖លោក ឡរ៉ឺនវ៉ុង(Lawrence Wong )បានស្បថចូលកាន់តំណែងជានាយករដ្ឋមន្ត្រីថ្មីរបស់ប្រទេសសិង្ហបុរីកាលពីថ្ងៃទី ១៥ ខែឧសភា ។លោកវ៉ុងបានក្លាយជានាយករដ្ឋមន្ត្រីថ្មីដំបូងរបស់ប្រទេសនេះក្នុងរយៈពេល ២០ ឆ្នាំកន្លងទៅ និងជាមេដឹកនាំទី ៤ ចាប់តាំងពីប្រទេសសិង្ហបុរីទទួលបានឯករាជ្យមក។ a singapor

លោកវ៉ុង( Wong) មានវ័យ ៥១ ឆ្នាំស្ថិ តក្នុងចំណោមមនុស្សសម្រិតសម្រាំងមួយក្រុមតូច ដែលគេហៅថាជាក្រុមមេដឹកនាំ «4G» ដែលជាក្រុមអ្នកនយោបាយជំនាន់ថ្មីមួយ ដែលត្រូវបានជ្រើសរើសដោយផ្ទាល់ ក្នុងចំណោមគណបក្សកាន់អំណាចដែលគ្រប់គ្រងប្រទេសសិង្ហបុរីអស់រយៈពេលជាយូរមកហើយ គឺគណបក្សសកម្មភាពប្រជាជន ឬ People's Action Party (PAP) ដើម្បីដឹកនាំអំណាចបន្តទៅមុខទៀត នៅក្នុងប្រទេសសឹង្ហបុរីដែលជាមជ្ឈមណ្ឌលហិរញ្ញវត្ថុនិងពាណិជ្ជកម្មអាស៊ីមួយនេះ។

លោកវ៉ុង( Wong )ជាមេដឹកនាំសិង្ហបុរីទី ១ ដែលបានកើតក្រោយប្រទេសនេះទទួលបានឯករាជ្យក្នុងឆ្នាំ ១៩៦៥។ លោកក៏នឹងរក្សាតំណែងបច្ចុប្បន្នជារដ្ឋមន្ត្រីក្រសួងហិរញ្ញវត្ថុផងដែរ និងដឹកនាំប្រទេសនេះបន្តពីលោក Lee Hsien Loong ដែលបានដឹកនាំប្រទេសសិង្ហបុរីអស់រយៈពេល ២០ ឆ្នាំកន្លងទៅ។ លោក Lee Hsien Loong ដែលមានអាយុ ៧២ ឆ្នាំនោះ ជាកូនប្រុសរបស់លោក Lee Kuan Yew ដែលជាស្ថាបនិកនៃប្រទេសសិង្ហបុរីទំនើប ដែលបានស្ថិតនៅក្នុងឆាកនយោបាយរហូតដល់លោកទទួលមរណភាពកាលពីឆ្នាំ ២០១៥។

ការកាន់តំណែងបន្តនេះត្រូវបានគិតគូរអស់ពេលជាយូរមកហើយ ដោយលោកលីសៀនលុង មានគម្រោងថានឹងចុះចេញពីតំណែងមុនពេលលោកមានអាយុ ៧០ ឆ្នាំ តែត្រូវបានផ្អាកដោយជំងឺរាតត្បាតកូវីដ១៩ និងដោយបេក្ខភាពដែលត្រូវទទួលតំណែងជំនួសលោក បានបដិសេធមិនព្រមទទួលតំណែង ដែលធ្វើឱ្យមានការបើកផ្លូវជាថ្មីសម្រាប់អ្នកផ្សេងក្នុងការទទួលយកតំណែងនេះ ក្នុងឆ្នាំ ២០២១។
សម្រាប់យុទ្ធសាស្ត្រដឹកនាំលោកឡរ៉ឹនវ៉ុង បានសន្យាថានឹងដឹកនាំប្រទេសដោយ «សុភាពរាបសានិងមានការទទួលខុសត្រូវខ្ពស់»ចំ ពោះប្រទេសសិង្ហបុរីនិងប្រជាជនរបស់ប្រទេសនេះ ដែលមានចំនួន ៥លាន ៩សែននាក់ និងសន្យាប្រឹងប្រែងឱ្យអស់ពីសមត្ថភាពសម្រាប់ប្រជាជន។

លោកវ៉ុង( Wong) ចាប់មានកេរិ៍្តឈ្មោះល្បីក្នុងឆ្នាំ ២០២០ ក្នុងពេលលោកបំពេញមុខងារជាសហប្រធានថ្នាក់ជាតិសម្រាប់ប្រយុទ្ធប្រឆាំងនឹងជំងឺរាតត្បាតកូវីដ១៩ និងត្រូវបានតែងតាំងជាអ្នកស្នងតំណែងជំនួសលោក Lee កាលពីខែមេសា ឆ្នាំ ២០២២ ក្រោយពីមានការពិគ្រោះយោបល់ជាច្រើនដង រវាងថ្នាក់ដឹកនាំនយោបាយនិងសហការីរបស់លោករួចមក។លោកត្រូវបានតំឡើងតួនាទីទៅជាឧបនាយករដ្ឋមន្ត្រី និងបានដឹកនាំការងារអនុវត្តការពិគ្រោះយោបល់សាធារណៈថ្នាក់ខ្ពស់មួយ ដើម្បីពិនិត្យដោះស្រាយពីផលប៉ះពាល់សង្គមរវាងរដ្ឋាភិបាលនិងប្រជាជន ដែលកំពុងប្រឈមនឹងបញ្ហាមួយចំនួនដូចជាចីរភាព វិសមភាពនិងបញ្ហាការងារជាដើម។

សូមបញ្ជាក់ថាឪពុករបស់លោកលីស៊ានលុង (Lee Hsien Loong )គឺលោកអតីតនាយករដ្ឋមន្ត្រីលីខ្វាន់យូ( Lee Kuan Yew )បានចុះចេញពីតំណែងជាមេដឹកនាំសិង្ហបុរីក្នុងឆ្នាំ ១៩៩០ និងបានស្ថិតក្នុងគណៈរដ្ឋមន្ត្រីនៃអ្នកស្នងតំណែងរបស់លោកអស់ពេល ២១ ឆ្នាំ ដោយដំបូងឡើយធ្វើជាទេសរដ្ឋមន្ត្រីហើយក្រោយមកក៏ធ្វើជា «ព្រឹទ្ធាចារ្យរដ្ឋមន្ត្រី»នៅក្នុងរដ្ឋាភិបាលរបស់លោក Lee Hsien Loong។

តាមរូបភាពផ្ទេរអំណាចនេះវាស្រដៀងប្រទេសកម្ពជាផងដែរ។តែបញ្ហាវានៅត្រង់ថាប្រទេសសឹង្ហបុរីមានសមធម៍យុត្តិធម៍ក្នុងការដឹកនាំគ្រប់គ្រងនិងមានតម្លាភាព។សម្រាប់នាយករដ្ឋមន្ត្រីវិញលោកឡរ៉ឹនវ៉ុងក្រៅពីមានបទពិសោធន៍គឺបុគ្គលឹកលក្ចណ:គាត់មានភាពសាមញ្ញ័មិនក្រអឺតក្រទម។ជាក់ស្តែងយុទ្ធសាស្ត្រដឹកនាំរបស់គាត់ដាក់ចេញគឺសុភាពរាបសានិងមានការទទួលខុសត្រូវខ្ពស់។ទាន់?!៕ a singapor1 a singapor2