វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5494 នាក់
ម្សិលមិញ 8227 នាក់
សរុប 14132375 នាក់
ប្រទេសហុងគ្រី៖ លោក វិចទ័រ អ័របាន(Viktor Orban)បន្តកាន់អំណាចជានាយករដ្ឋមន្ត្រីប្រទេសហុងគ្រីសំរាប់អាណត្តិទីបួនក្រោយឈ្នះការបោះឆ្នោតសកល ជាមួយនឹងសម្លេងគាំទ្រភ្លូកទឹកភ្លូកដីនៅពេលការរាប់សន្លឹកឆ្នោតជិតចប់។
គណបក្សហ្វ៊ីដេស(Fidesz)ស្តាំនិយមរបស់លោក ទទួលបានសម្លេងគាំទ្រ៥៣,១ភាគរយ នៅពេលសន្លឹកឆ្នោតរាប់បាន៩៨ភាគរយ ហើយសម្ពន្ធភាពប្រឆាំងនៅពីក្រោយឆ្ងាយគឺទទួលបានសម្លេងឆ្នោតតែ៣៥ភាគរយ។គណៈកម្មាធិការរៀបចំការបោះឆ្នោតប្រកាសជាផ្លូវការ វានឹងជាជោគជ័យនេះទីបួនជាប់ៗគ្នារបស់គណបក្សFideszចាប់តាំងពីឆ្នាំ២០១០មក។គណៈកម្មាធិការរៀបចំការបោះឆ្នោតប្រទេសហុងគ្រីបាននិយាយថា គណបក្ស Fideszនឹងទទួលបាន១៣៥អាសនៈ គឺពីរភាគបីនៃកៅអីសភា នៅពេលក្រុមប្រឆាំងនឹងទទួលបាន៥៦អាសនៈដដែល ដោយផ្អែកលើលទ្ធផលជំហានដំបូង។
លោកអ័របានមាន វ័យ៥៨ឆ្នាំ មានទំនាក់ទំនងមិនសូវល្អជាមួយសហភាពអឺរ៉ុប ដែលចាត់ទុកគណបក្ស Fideszបានបំផ្លាញស្ថាប័នប្រជាធិបតេយ្យរបស់ហុងគ្រី។ក្នុងការកាន់អំណាចអស់១២ឆ្នាំ លោកអ័របានបានសរសេររដ្ឋធម្មនុញ្ញឡើងវិញ ដាក់មនុស្សរបស់លោកនៅតាមតុលាការនិងបានដូរប្រព័ន្ធបោះឆ្នោតតាមរបៀបមួយដែលផ្តល់ផលចំណេញដល់លោក។កាលពីយប់ថ្ងៃអាទិត្យទី៤មេសាក្នុងសុន្ទរកថាអបអរជ័យជម្នះ លោកអ័របាន បានរិះគន់ពួកការិយាធិបតេយ្យអង្គគឋារណាតូនៅក្រុងព្រុចសែល និងប្រធានាធិបតីអ៊ុយក្រែនលោក វ៉ូឡូឌីមៀ ហ្សេលេនស្គី ដោយហៅពួគេថាជា«ពួកប្រឆាំង»។
លោកថាគណបក្សរបស់លោក បានទទួលជ័យជម្នះ បើទោះបីជាប្រឈមមុខ នឹងការជ្រៀតជ្រែកពីកងកម្លាំងឆ្វេងនិយម នៅក្នុងស្រុក និង “ពួកប្រឆាំង” នៅជុំវិញពិភពលោក រួមទាំងប្រធានាធិបតីអ៊ុយក្រែន Volodymyr Zelensky និងសកម្មជននយោបាយមហាសេដ្ឋី George Soros ក៏ដោយ។ប្រទេសហុងគ្រី មានព្រំដែនជាន់អ៊ុយក្រែនបានទទួលយកជនភៀសខ្លួនប្រមាណកន្លះលាននាក់តាំងពីមុនមក។លោកអ័របាន អះអាងថា ដោយសុខចិត្តទទួលជនភៀសខ្លួនតែមិនផ្តល់សព្វាវុធទៅកាន់អ៊ុយក្រែន លោកថាកំពុងរក្សាទុកហុងគ្រីអោយចាកផុតសង្គ្រាម។
ក្នុងអំឡុងពេលធ្វើយុទ្ធនាការបោះឆ្នោត ក្រុមប្រឆាំងបង្កើតពាក្យស្លោកមួយគឺជ្រើសយក«ប័របាន ឬ អឺរ៉ុប»។បេក្ខជននាយករដ្ឋមន្ត្រីខាងក្រុមប្រឆាំងលោក ផេធឺ ម៉ាគី-ហ្សេយ (Peter Marki-Zay)បាននិយាយថា ហុងគ្រីគួរចូលរួមជាមួយប៉ូឡូញ អង់គ្លេសនិងប្រទេសដទៃទៀតក្នុងការផ្គត់ផ្គង់អាវុធទៅអោយអ៊ុយក្រែន។លោកអ័របាន ក៏បានប៉ះទង្គិចជាមួយរដ្ឋាភិបាលក្រុងព្រុយសែលប្រទេសប៊ែលហ្សិក អំពីបញ្ហានីតិរដ្ឋ ដូចជាសេរីភាពសារព័ត៌មាននិងការចំណាកស្រុក។លោកក៏មានទំនាក់ទំនងល្អជាមួយប្រធានាធិបតីរុស្ស៊ីលោក វ្ល៉ាឌីមៀពូទីន ។លោកគាំទ្រទណ្ឌកម្មលោកខាងលិច តែមិនព្រមបញ្ជូនអាវុធទៅអ៊ុយក្រែន។លោកជាមេដឹកនាំសហភាពអឺរ៉ុបតែម្នាក់គត់ដែលរិះគន់លោក ហ្សេលេនស្គី។
កក្តាប៉ុន្មានខាងលើបានធ្វើអោយហុងគ្រីកាន់តែឯកោនៅក្នុងសហភាពអឺរ៉ុបនិងអង្គការណាតូ តែលោកដឹងថាស្ថានប័នទាំងពីរនេះគ្មានមួយណាចង់បណ្តេញប្រទេសលោកចេញទេ ដោយសារពួកគេចង់បង្ហាញឯកភាពរបស់លោកខាងលិចចំពោះរុស្ស៊ី។លោក ប្រធានាធិបតីប្រទេសអ៊ុយក្រេនហ្សេលេនស្គីធ្លាប់ បានរិះគន់គោលនយោបាយរបស់លោកអ័របាន ម្តងជាពីរដងផងដែរ។