វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3762 នាក់
ម្សិលមិញ 10264 នាក់
សរុប 14142944 នាក់
ភ្នំំពេញៈ ប្រធានច្រកទ្វេភាគី កម្ពុជា-វៀតណាម ស្ថិតក្នុង ទឹកដីខេត្តត្បូងឃ្មុំ ចំនួន៥រូប ត្រូវបានក្រសួងមហាផ្ទៃ សម្រេច ដកហូតតួនាទី ជាប្រធានច្រកទ្វារនៅក្នុងពាក់កណ្តាលអាណត្តិឲ្យទៅនៅអង្គភាព ដើមវិញហើយបានដាក់ជំនួសចូលវិញ នៅមន្ត្រីសាលាខេត្តត្បូងឃ្មុំ៣រូប និងប្រជាជន សុទ្ធសាធ ចំនួន១រូប។
យោងតាមប្រកាសរបស់ក្រសួងមហាផ្ទៃ ចុះថ្ងៃទី២៦ ខែកញ្ញា ឆ្នាំ២០១៨ ដែលបោះត្រា និងចុះហត្ថលេខា ដោយសម្តេចក្រលាហោម ស ខេង ដែលទើបត្រូវបានអនុវត្តកាលពីថ្ងៃ ទី ៣ ខែតុលា ឆ្នាំ២០១៨ នៅសាលាខេត្តត្បូងឃ្មុំ ដោយ លោក លី ឡេង អភិបាលខេត្តត្បូងឃ្មុំ នេះបានសម្រេចផ្លាស់ប្តូរ មន្ត្រីរាជការចំនួន ៥រូប ជាប្រធានទីស្នាក់ការ ត្រួតពិនិត្យច្រកទ្វារព្រំដែន នៅក្នុងខេត្តត្បូងឃ្មុំ មានដូចជា ១៖ លោក ឯម បញ្ញារិទ្ធ ប្រធានច្រកទ្វារ ដារ ឲ្យទៅនៅកន្លែងដើមវិញ ២ ៖ លោក សុន ស ប្រធានច្រកទ្វារចាន់មូល ឲ្យទៅនៅកន្លែងដើមវិញ ៣ លោកហ៊េង សុភី ប្រធានច្រកទ្វារដូនរត្ន័ ឲ្យទៅនៅអង្គភាពដើមវិញ ៤លោ វ៉ា ចាន់នឿន ប្រធានច្រទ្វារទន្លេចាម ឲ្យទៅនៅកន្លែងដើមវិញ និង៥លោក កែវ សុខា ប្រធានច្រកទ្វារទន្លូងផ្ទេរ ទៅកាន់ប្រធានច្រកទ្វារទន្លេចាម វិញ។
ប្រកាសរបស់សម្តេសចក្រឡាហោម ក៏បានចាត់តាំងមន្ត្រី ៤រូប ដាក់ចូលជំនួសមន្ត្រី ដែលត្រូវដកចេញ ១.លោក ស្រ៊ុន ណាត មន្ត្រីសាលាខេត្តត្បូងឃ្មុំ ឲ្យទៅកាន់ ប្រធានច្រកទ្វារដូនរ័ត្ន ២.លោក អ៊ុ ផាឡូត មន្ត្រីសាលាខេត្តត្បូងឃ្មុំ ឲ្យទៅកាន់ប្រធាន ច្រកទ្វារ ចាន់មូល ៣.លោក មួន សុខតារ៉ា មន្ត្រីសាលាខេត្តត្បូងឃ្មុំ ឲ្យទៅកាន់ជាប្រធានច្រកដា និង៤.លោក ភួង សុភា ឲ្យទៅកានប្រធាន ច្រកទ្វារទន្លួង។
សូមបញ្ជាក់ថាច្រកព្រុំដែនទ្វេភាគីទាំង៥ខាងលើដែលគ្រេប់គ្រងដោយប្រធានគណបញ្ជាការឯកភាពខេត្តត្បូងឃ្មុំគឺជាច្រកដែលឈ្មួញប្រព្រឹត្តបទល្មើសព្រៃឈើឆ្លងកាត់ តែមិនដែលឃើញមានការបង្ក្រាបបានម្តងណាឡើងដោយពួកគេតែងតែឃុបឃិត ជាមួយឈ្មួយ ទុច្ចរិតរកស៊ីឈើខុសច្បាប់ ឲ្យដឹកឈើ ឆ្លងទៅប្រទេសវៀតណាម ស្ទើរៀងរាល់ថ្ងៃ ដើម្បីប្រយោជន៍ផ្ទាល់ខ្លួនតែប៉ុណ្ណោះ។យ៉ាងណាក៏ដោយគេមិនដឹងថាតើ ការ តែងតាំង មេថ្មីនៃច្រកនេះមានចាយសេវាប៉ុន្មានដែរនោះទេ?៕