ចាំអ៊ុតមើលថាតើកញ្ញាសេងធាំរីមានក្នុងបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោសក្នុងឱកាសពិធីបុណ្យជាតិដែរអត់?
21-September-2026 / ព័ត៌មានជាតិ
ភ្នំពេញ៖នៅ ទីស្តីការក្រសួងយុត្តិធម៌៖ព្រឹកថ្ងៃអង្គារទី៧ ខែវិច្ឆិកា ឆ្នាំ២០២៣, លោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានគណៈកម្មការថ្នាក់ជាតិ ពិនិត្យ និងវាយតម្លៃ បញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស ដឹកនាំកិច្ចប្រជុំគណៈកម្មការថ្នាក់ជាតិ ដើម្បីពិនិត្យលើបញ្ជីឈ្មោះទណ្ឌិតដែលបានស្នើសុំបន្ធូរបន្ថយទោស និងលើកលែងទោសសម្រាប់ឱកាសពិធីបុណ្យឯករាជ្យជាតិ (០៩ វិច្ឆិកា) និងពិធីបុណ្យអុំទូក បណ្តែតប្រទីប និងសំពះព្រះខែ អកអំបុក (២៦-២៧-២៨ វិច្ឆិកា) ឆ្នាំ២០២៣។កិច្ចប្រជុំនេះ ក៏មានការអញ្ជើញចូលរួមពីសំណាក់ លោក លោកស្រី ជាអនុប្រធាន និងសមាជិកគណៈកម្មការថ្នាក់ជាតិ ដែលជាតំណាងមកពីក្រសួង ស្ថាប័នតុលាការ និងស្ថាប័នផ្សេងទៀត។
ការពិនិត្យលើបញ្ជីឈ្មោះទណ្ឌិតដែលបានដាក់ក្នុងរបៀបវារៈនៃកិច្ចប្រជុំរបស់គណៈកម្មកាថ្នាក់ជាតិនេះគឺទទួលបានមកពីមណ្ឌលអប់រំកែប្រែចំនួន ៤ និងពន្ធនាគារ រាជធានី-ខេត្តចំនួន ២៣។ បើតាមលោក គឹម សន្តិភាព រដ្ឋលេខាធិការ ក្រសួងយុត្តិធម៌ បានឲ្យដឹងថា៖ការ លើកលែងទោសសម្រាប់ឱកាសនៃពិធីបុណ្យឯករាជ្យជាតិ ០៩ ខែវិច្ឆិកា និងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកខាងមុខនេះ ដែលក្នុងនោះគណៈកម្មការជាតិ បានទទួលសំណើរពីគណៈកម្មការរាជធានី-ខេត្ត(ពន្ធនាគាររាជធានី-ខេត្ត ចំនួន ២៣) និងពីគណៈកម្មការក្រសួងមហាផ្ទៃ(មណ្ឌលអប់រំកែប្រែទាំង០៤) ស្នើសុំបន្ធូរបន្ថយទោស និងលើកលែងទោសដល់ទណ្ឌិតនៃពិធីបុណ្យទាំងពីរនេះសរុបចំនួន ៩០២ នាក់ (ស្រី ៦១ នាក់) រួមមានដូចខាងក្រោម៖ ១~ពិធីបុណ្យឯករាជ្យជាតិ (០៩ វិច្ឆិកា) បញ្ជីទណ្ឌិតចំនួន ៤៦៤ នាក់ (ស្រី ៣៤ នាក់) រួមមាន៖ស្នើសុំបន្ធូរបន្ថយទោស ចំនួន ៤៣២ នាក់ (ស្រី ២៩ នាក់)។ស្នើសុំលើកលែងទោស ចំនួន ៣២ នាក់ (ស្រី ០៥ នាក់) ។
២~ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក បញ្ជីទណ្ឌិតចំនួន ៤៣៨ នាក់ (ស្រី ២៧ នាក់) រួមមាន៖ស្នើសុំបន្ធូរបន្ថយទោស ចំនួន ៤១៨ នាក់ ( ស្រី ២៦ នាក់)
ស្នើសុំលើកលែងទោស ចំនួន ២០ នាក់ ( ស្រី ០១ នាក់) ៕ទាក់ទងការលើកលែងទោសនេះលោក កើត រិទ្ធ ធ្លាប់បានថ្លែង ក្នុងកិច្ចប្រជុំស្តីពី «ការផ្សព្វផ្សាយព្រះរាជក្រឹត្យបន្ធូរបន្ថយទោស និងការលើកលែងទោស» និងពង្រឹងការងារស្នើសុំអនុគ្រោះទោស កាលថ្ងៃទី១៧ ខែកុម្ភៈ ឆ្នាំ២០២១ថា៖ «ការលើកលែងទោស និងបន្ធូរបន្ថយទោស មិនមែនជាសិទ្ធិរបស់ទណ្ឌិតទេ, ប៉ុន្តែជាការអនុគ្រោះមួយ ដែលជាព្រះរាជសិទ្ធិរបស់ព្រះមហាក្សត្រឆ្លើយតប ទៅនឹងលក្ខខណ្ឌអ្វីមួយ។ ហើយលក្ខខណ្ឌនោះ គឺជាការទទួលខុសត្រូវទាំងស្រុង របស់គណៈកម្មាធិការយើង»។
បើតាមរដ្ឋមន្ត្រីក្រសួងយុត្តិធម៌, ការសម្រេចថាទណ្ឌិតណាម្នាក់អាចត្រូវបានលើកលែងទោស ឬបន្ធូរបន្ថយទោស គឺជាព្រះរាជសិទ្ធិរបស់ព្រះមហាក្សត្រ តាមការស្នើសុំពីនាយករដ្ឋមន្ត្រី បន្ទាប់ពីមានបញ្ជីឈ្មោះពីគណៈកម្មការថ្នាក់ជាតិពិនិត្យ និងវាយតម្លៃលើបញ្ជីឈ្មោះទណ្ឌិតស្នើបន្ធូរបន្ថយទោស និងការលើកលែងទោស។គេមិនដឹងថាតើការលើកលែងទោសលើកនេះមានអ្នកទោសជាសកម្មជននយោបាយដែរឬអត់នោះទេពិសេសកញ្ញាសេងធារីជនជាតិខ្មែរអាមេរិកកាំងដែលត្រូវដាក់គុកដោយសារតែការតស៊ូមតិ។កញ្ញាសេងធារីទើបនឹងត្រូវបានផ្ទេរចេញពីគុកខេត្តព្រះវិហ៊ារមករាជធានីភ្នំពេញកាលពីពេលថ្មីៗនេះឯង។
សូមបញ្ជាក់ថា កញ្ញា សេង ធារី ត្រូវបានផ្ទេរទៅឃុំខ្លួននៅពន្ធនាគារខេត្តព្រះវិហារ កាលពីថ្ងៃទី១៥ ខែមិថុនា ឆ្នាំ២០២២ ក្រោមហេតុផលធានាសន្តិសុខ សណ្ដាប់ធ្នាប់សាធារណៈ បន្ទាប់ពីតុលាការក្រុងភ្នំពេញបានកាត់ទោសសកម្មជនរូបនេះ ឲ្យជាប់ពន្ធនាគារ ៦ឆ្នាំ ពីបទចោទរួមគំនិតក្បត់ ក្នុងសំណុំរឿងវិលចូលស្រុករបស់លោក សម រង្ស៊ី កាលពីឆ្នាំ២០១៩៕
