វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3543 នាក់
ម្សិលមិញ 5544 នាក់
សរុប 13944640 នាក់
ភ្នំពេញ៖ ភរិយាលោកឧកញ៉ា ម៉េន កានី បានបង្ហាញខ្លួននៅសាលាដំបូងរាជធានីភ្នំពេញកាលពីថ្ងៃទី១២ ខែតុលា ឆ្នាំ២០២១ ដើម្បីតាមសំណុំរឿងដែលលោកស្រីបានប្តឹងស្វាមីពីបទ(ផិតក្បត់)។
លោកស្រី យ៉ាន់ គឹមហួច បានទំលាយរឿងរ៉ាវដែលលោកស្រីមកតុលាការប្តឹងស្វាមី មានស្រីថ្មីក្បត់ប្រពន្ធកូនប្រាប់កាសែតថា៖ មូលហេតុដែលលោកស្រីមកតុលាការនេះ គឺដើម្បីតាមមើលប្ដីលោកស្រី ឈ្មោះ ម៉េន កានី ដែលតំណាងអយ្យការបានកោះហៅឲ្យចូល ខ្លួនមកឆ្លើយបំភ្លឺអំពីសំណុំរឿង « អំពើផិត» ដែលលោកស្រីបានដាក់ពាក្យប្ដឹងរួចហើយនោះ ។ កាលពីថ្ងៃទី១០ ខែសីហា ឆ្នាំ២០២១ លោកស្រីបានដាក់ពាក្យបណ្ដឹងចូលមកកាន់សាលាដំបូងរាជធានីភ្នំពេញ មានកម្មវត្ថុក្នុងបណ្តឹងគឺប្ដឹងប្ដីលោកស្រីឈ្មោះ ម៉េន កានី មានងារជាឧកញ៉ាពីបទ « អំពើផិតក្បត់ » ប្រព្រឹត្តនៅរាជធានីភ្នំពេញ កាលពីអំឡុងចុងឆ្នាំ២០១៩ ដល់ឆ្នាំ២០២១ នេះ ។
លោកស្រីនិងប្ដី ឧកញ៉ាម៉េន កានី បានចាប់ដៃគ្នាជាប្តីប្រពន្ធ ដោយរៀបការតាមផ្លូវច្បាប់អស់រយៈពេល ជាង១៥ឆ្នាំមកហើយ នឹងមានកូនក្នុងបន្ទុកចំនួន៤ នាក់ទៀតផង។ ជាង១៥ ឆ្នាំគ្រួសារមួយនេះរស់នៅក្នុងស្ថានភាពជីវភាពមធ្យម ល្អិកល្អើនមិនដែលមានបញ្ហាអ្វីនោះទេ លុះមកដល់ឆ្នាំ២០១៩ លោកប្ដីឈ្មោះ ម៉េន កានី បានឡើងបុណ្យសក្តិ និងមានងារជាឧកញ៉ា គាត់ចេះតែរករឿងឈ្លោះប្រកែកជាមួយប្រពន្ធកូនជាបន្ត បន្ទាប់ ធ្វើអីមិនត្រូវចិត្តសោះ ។
ដោយមានការសង្ស័យចំពោះទង្វើលោកប្តីខុសប្លែកពីជាង១៥ឆ្នាំមុន លោកស្រីបានឃ្លាំមើលនឹងតាមដានរាល់សកម្មភាពរបស់លោកប្តី ទើបដឹងថាគាត់មានទំនាក់ទំនងស្នេហាជាមួយស្ត្រីម្នាក់ឈ្មោះគីម ក្លាលីតា និងរួមសេវនកិច្ច រស់នៅជាមួយគ្នាដូចប្ដីប្រពន្ធ រួចបាត់ទៅហើយមកដល់សព្វថ្ងៃ ។
នៅពេលលោកប្តីមានលុយកាក់ នឹងមានយសសក្តិជាឧកញ៉ា លោកប្តីលបទៅមានស្រីថ្មីភ្លេចប្រពន្ធកូន ហើយតែងតែរករឿងនិងមិនឈប់ឈរ មិនតែប៉ុណ្ណោះលោកប្តីបានសុំយកស្រីនោះ ធ្វើ ជាប្រពន្ធទី២របស់គាត់ទៀតផង ប៉ុន្តែលោកស្រីបានបដិសេធដាច់អហង្កាមិនយល់ព្រមដាច់ខាត ។ នៅពេលលោកប្តីចង់យកស្រីម្នាក់នោះធ្វើជាប្រពន្ធចុងមិនបាន គាត់ក៏ដាច់ចិត្តចុះចេញពីផ្ទះចោលប្រពន្ធ កូន ទាំង ៤ នាក់ទៅរស់នៅជាមួយស្រីនោះពេញមុខតែម្ដង ដោយគ្មានអាណិតកូនៗ យំសុំអង្វរឲ្យលោកឪពុកមករស់នៅផ្ទះវិញនោះដែរ ។
មិនតែប៉ុណ្ណោះលោកប្តីតែងតែផ្ញើសារមកថា ចង់យកស្រីឈ្មោះ គីម ក្លាលីតា ធ្វើជាប្រពន្ធទី២ ដែលលោកស្រីមិនព្រមព្រោះវាខុសទាំងច្បាប់ ខុសទាំងសីលធម៍សង្គមទៀតផង ។ នៅពេលលោកប្តីងារ ឧកញ៉ា កំពុងវក់វីនិងស្រីថ្មីនោះ ប្ដីលោកស្រីក៏បានដាក់ពាក្យបណ្ដឹងប្តឹងសុំលែងលះគាត់ជាប្រពន្ធដើម ដើម្បីទៅយកស្រីថ្មីពេញមុខពេញមាត់ និងពេញសិទ្ធតែម្ដង ។លោកស្រីមិនអស់ចិត្តដោយរងនូវភាពអយុត្តិធម៌ ពីសំណាក់លោកឧកញ៉ាជាប្ដីស្របច្បាប់ ប្ដឹងសុំលែងលះប្រពន្ធ ក្នុងពេលលោកស្រីទើបសំរាលកូនស្រីបាន១ខែ ទាំងសរសៃនៅខ្ចី ដែលពុំមានមនុស្សធម៍នោះ ។ មិនតែប៉ុណ្ណោះ ក្នុងបណ្ដឹងសុំលែងលះប្រពន្ធដើម របស់លោកឧកញ៉ា ម៉េន កានី បានបែងចែកទ្រព្យសម្បត្តិមិនស្មើភាពទេ ។
លោកស្រី យ៉ាន់ គឹមហួច បានបន្តថា ដោយរងនូវភាពអយុត្តិធម៌លោកប្តីមានស្រីថ្មី ប្តឹងសុំលែងប្រពន្ធដើមហើយ លាក់បាំងក្នុងការបែងចែកព្រទ្យសម្បត្តិទៀត លោកស្រីបានដាក់ពាក្យប្ដឹងទៅ តុលាការវិញ ដើម្បីរក្សា ការពារទ្រព្យសម្បត្តិរួម ក៏ដូចជាភាគហ៊ុន ដែលលោកឧកញ៉ា ម៉េន កានី ជាម្ចាស់ ក្រុមហ៊ុន ជី អឹម ត្រេឌីង ឯ.ក (GM trading Co. ltd,)ដោយ ហាមឃាត់ជាបណ្ដោះអាសន្ន មិនឲ្យធ្វេីការ លក់ ដូរ ជួល បញ្ចាំ ផ្ទេរកម្មសិទ្ធិ ហ៊ីប៉ូតែក ធ្វ៊ជា អំណោយ បំបែកក្បាលដី និង សាងសង់សំណង់អគារ លេីអចលនទ្រព្យទាំងអស់ឡើយ ។ ដូចជាដីស្ថិតភូមិស្រែដូនតូច សង្កាត់ ពញ្ញាពន់ ខណ្ឌព្រែកព្នៅ រាជធានីភ្នំពេញជាដើម ដែលបច្ចុប្បន្នកំពុងសហការជាមួយលោកឧកញ៉ា ភារម្យវិចិត្រតារា អភិវឌ្ឍន៍អាជីវកម្មលំនៅដ្ឋានលក់ឲ្យអតិថិជននោះ ។
សូមបញ្ជាក់ថា រឿងអ្នកស្រីប្តឹងលោកប្តីមានងារជាឧកញ៉ានេះ ពីបទ អំពើ ផិតក្បត់ គឺរងចាំតែ តុលាការកោះហៅឲ្យចូលខ្លួន ឡើងសវនាការតែប៉ុណ្ណោះ ។
អង្គភាពយើងមិនអាចធ្វើការទំនាក់ទំនងទៅលោក ម៉េនកានីបានទេដោយសារពុំមានលេខទូរស័ព្ទទំនាក់ទំនង៕