វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3066 នាក់
ម្សិលមិញ 5378 នាក់
សរុប 14082359 នាក់
ភ្នំពេញ៖ ក្រសួងសុខាភិបាលបានចេញសេចក្តីប្រកាស តម្រូវឱ្យក្រុមអ្នកតវាយកសំណាកក្នុងរយៈពេលបីថ្ងៃ គិតចាប់ពីថ្ងៃជូនដំណឹង។ សាលារាជធានីភ្នំពេញក៏បានចេញសេចក្តីប្រកាសនាយប់ថ្ងៃទី៤ ខែកុម្ភៈ ឆ្នាំ២០២២ ស្តីពី ការបិទខ្ទប់មិនឱ្យមានការជួបជុំ និងមិនឲ្យកូដករបន្តធ្វើកូដកម្មទៀត ដោយយោងហេតុផលថា ក្រុមអ្នកតវា នៅតែរឹងរូស មានៈ មិនព្រមសហការឲ្យយកសំណាក។
បន្ទាប់ពីមានប្រកាសខាងលើក្រុមអ្នកតវា បានឱ្យដឹងថា ពួកគេប្រកាសជំហរសហការក្នុងការយកសំណាក ហើយស្នើក្រសួងសុខាភិបាលបន្តចុះមកយកសំណាករបស់ ពួកគេនៅទីតាំងដដែលនាថ្ងៃទី៥ ខែកុម្ភៈ ឆ្នាំ២០២២ ដើម្បីបញ្ចៀសការរីករាលដាលនៅក្នុងសហគមន៍ ហើយចូលរួមទប់ស្កាត់ទាំងអស់គ្នា។ ការបិទខ្ទប់ដោយមិនយកសំណាកមិនមែនជាវិធានការទប់ស្កាត់នោះឡើយ។ ការទប់ស្កាត់ គាំពារប្រជាពលរដ្ឋពិតប្រាកដ គឺការផ្តល់សេវាដោយការពិនិត្យ និងព្យាបាល នោះគឺជាសេវាសុខភាពសាធារណៈ ដែលលពួកគេត្រូវទទួលបានដោយមិនមានការរើសអើង។
ទន្ទឹមនឹងនេះពួកគេ ក៏ស្នើដល់ក្រុមគ្រូពេទ្យឱ្យប្រើវិជ្ជាជីវៈរបស់ខ្លួនដោយសុចរឹត ស្មោះត្រង់ជាមួយតួនាទីរបស់ខ្លួន ក្នុងការពិនិត្យសំណាកមកលើ។ ករណីពិនិត្យ អ្នកពិនិត្យឃើញ វិជ្ជមានសុំយកពួកគេទៅថែទាំ និងព្យាបាលតាមវិជ្ជាជីវៈ អនុវត្តតាមវិធានការរបស់ក្រសួងសុខាភិបាល រួមទាំងអង្គការសុខភាពពិភពលោក។ ចំពោះអ្នកដែលពិនិត្យឃើញ អវិជ្ជមាន ពួកគេនឹងនៅតែបន្តធ្វើកូដកម្មដដែល។សូមបញ្ជាក់ថា នៅយប់ថ្ងៃទី៤ ខែកុម្ភៈ ឆ្នាំ២០២២ អាជ្ញាធរ ព្រមានចាត់វិធានការច្បាប់ លើក្រុមអ្នកតវានៅមុខក្រុមហ៊ុនណាហ្គាវើលដ៍ ដែលមិនព្រមអនុវត្តវិធានការសុខាភិបាល បន្ទាប់ពីរកឃើញម្នាក់ ឆ្លងកូវីដ-១៩ ប្រភេទអូមីក្រុង ក្រុមអតីតបុគ្គលិកក្រុមហ៊ុនណាហ្គាវើលដ៍ មិនព្រមឱ្យគ្រូពេទ្យយកសំណាកឡើយ.។មូលហេតុដោយសារស្ត្ត្រីដែលឆ្លងកូវីតមិនបានមកចូលរួមកូដ្ឋកម្មច្រើនជាង១៥ថ្ងៃមុនពេលឆ្លងដោយសារនាងមានផ្ទៃពោះ។
ទោះជាយ៉ាងណាមានអតីតបុគ្គលិកក្រុមហ៊ុនណាហ្កាវើលដ៍ចំនួន ៤នាក់ទៀត ត្រូវបានកម្លាំងនគរបាល នៃស្នងការដ្ឋាននគរបាលរាជធានីភ្នំពេញ បន្តឃាត់ខ្លួន កាលពីថ្ងៃទី៥ ខែកុម្ភៈ ឆ្នាំ២០២២ ក្រោមបទចោទប្រកាន់ពាក់ព័ន្ធនឹងការរារាំង ការអនុវត្តវិធានការទប់ស្កាត់ជំងឺកូវីដ-១៩។ ដីការបស់សាលាដំបូងរាជធានីភ្នំពេញ របស់លោក សេង ហៀង ព្រះរាជអាជ្ញារងអមសាលាដំបូងរាជធានីភ្នំពេញ បានគូសបញ្ជាក់ថា៖ មនុស្ស ៤នាក់ដែលត្រូវបានឃាត់ខ្លួននោះ៖ ទី១ឈ្មោះ ម៉េង កាក់នីកា ភេទស្រី អាយុ ៣៥ឆ្នាំ ស្នាក់នៅផ្ទះលេខ៤៣៤ សង្កាត់ស្ទឹងមានជ័យ៣ ខណ្ឌមានជ័យ ,ទី២ ឈ្មោះ អេង ស្រីបូ ភេទស្រី អាយុ ៣២ឆ្នាំ ស្នាក់នៅផ្ទះលេខ១៩៩៤ សង្កាត់គីឡូម៉ែត្រលេខ៦ ខណ្ឌឫស្សីកែវ,។
ទី៣ ឈ្មោះ អ៊ុក សុភ័ក្រ ភេទស្រី អាយុ ៣៤ឆ្នាំ ស្នាក់នៅផ្ទះលេខ ៤៩E3 ផ្លូវលេខ៣០១ ភូមិ១៣ សង្កាត់បឹងកក់ទី២ ខណ្ឌទួលគោក, និងទី៤ឈ្មោះ ខេង ចិន្ថា ភេទស្រី អាយុ ៣៩ឆ្នាំ ស្នាក់នៅផ្ទះលេខ៣៩ ផ្លូវលេខ១២៥ ភូមិព្រៃដូនអុក សង្កាត់ត្រពាំងក្រសាំង ខណ្ឌពោធិ៍សែនជ័យ ត្រូវបាលកម្លាំងនគរបាលឃាត់ខ្លួន កាលពីយប់ថ្ងៃទី៥ ខែកុម្ភៈ ឆ្នាំ២០២២។ក្រោយឃាត់ខ្លួនជនសង្ស័យទាំង ៤នាក់ ត្រូវបាននាំខ្លួន និងបើកការសួរនាំនៅការិយាល័យប្រឆាំងភេរវកម្ម និងឧក្រិដ្ឋកម្មឆ្លងដែន នៃស្នងការដ្ឋាននគរបាលរាជធានីភ្នំពេញ ដើម្បីចាត់វិធានការបន្តនីតិវិធី។