លោក ភុំ វីរ:ឧត្ដម មន្ត្រីប៉ូលីសជាប្អូនបង្កើតរបស់ លោក ភុំ ផៃឌឿម ស្នងការរងទទួលផែនសេដ្ឋកិច្ចនៃស្នងការដ្ឋាននគរបាលខេត្តពោធិ៍សាត់ បានធ្វើសកម្មភាពប្រដេញរថយន្តប្រជាពលរដ្ឋជម្រិតទាប្រាក់...?????

ខេត្តពោធិ៍សាត់ ÷ប្រភពព័ត៌មានពីប្រជាពលរដ្ឋក្នុងស្រុកវាលវែង ខេត្តពោធិសាត់ បានរាយការណ៍ថា : ប្រជាពលរដ្ឋមានការភ័យខ្លាចខ្លាំងណាស់ ក្នុងការធ្វើតំណើរពេលយប់ ខណ:បច្ចុប្បន្នមានមន្ត្រីប៉ូលីសប្រឆាំងបទល្មើសសេដ្ឋកិច្ចឈ្មោះ ភុំ វីរ:ឧត្ដម ជិះរថយន្តlexus RX300 ពាក់ស្លាកលេខភ្នំពេញ-2P-1204 បានធ្វើសកម្មភាពប្រដេញរថយន្តរបស់ប្រជាពលរដ្ឋយ៉ាងអាណាធិបតេយ្យជាប្រចាំ នៅពេលដែលពួកគេសង្ស័យថារថយន្តនោះមានដឹកបទល្មើស មិនតែប៉ុណ្ណោះពួកគេប្រដេញរថយន្តរបស់ប្រជាពលរដ្ឋស្លូតត្រង់ បានធ្វើការគំរាមកំហែង និងវាយខ្នោះទាំងដែលប្រជាពលរដ្ឋគ្មានកំហុស បង្កធ្វើឲ្យប្រជាពលរដ្ឋមានការភ័យខ្លាចយ៉ាងខ្លាំង។ 

ជាក់ស្ដែងនៅយប់ថ្ងៃទី១៤ ខែវិច្ឆិកា ឆ្នាំ២០២៥ ក្រុមមន្ត្រីប៉ូលលោក ភុំ វីរ:ឧត្ដម បានប្រដេញវាយបំបែកកញ្ចក់រថយន្តរបស់ប្រជាពលរដ្ឋ ព្រមទាំងវាយខ្នោះជាប់នឹងចង្កូតឡានទៀតផង ។

នឹងនៅយប់ថ្ងៃទី១៨ ខែវិច្ឆិកា ឆ្នាំ២០២៥ នៅម៉ោង២ នឹង២៥នាទីយប់ ពួកគេបានបើកបររថយន្តម៉ាក lexus RX300 ពាក់ផ្លាកលេខ ភ្នំពេញ-2P-1204 ប្រដេញតាមកាក់ឡានប្រជាពលរដ្ឋដែលកំពុងតែធ្វើដំណើរពេលយប់នៅត្រង់ណុចជិតរង្វង់មូលប្រមោយ ក្នុងស្រុកវាលវែង ខេត្តពោធិ៍សាត់ ដែលធ្វើឲ្យប្រជាពលរដ្ឋមានការព្រួយបារម្ភយ៉ាងខ្លាំងផងដែរ។

បើតាមប្រជាពលរដ្ឋលោក ភុំ វីរ:ឧត្ដម ជាមន្ត្រីប៉ូលីសប្រឆាំងបទមើលសេដ្ឋកិច្ចខេត្ត ជាប្អូនបង្កើតរបស់ លោក ភុំ ផៃឌឿម ស្នងការរងទទួលផែនប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តពោធិ៍សាត់ ប្រជាពលរដ្ឋសូមអំពាវនាវ តាមរយៈសារព័ត៌មាន សូមគោរពលោកឧត្តមសេនីយ៍ទោ ស ថេង ស្នងការនគរបាល នៃស្នងការដ្ឋាននគរបាលខេត្ត ពោធិ៍សាត់ សូមឱ្យជួយបំភ្លឺផង ពីព្រោះជាប្រជាពលរដ្ឋមានការភ័យខ្លាច ក្នុងការធ្វើតំណើរពេលយប់.? ។ ជុំវិញ សេចក្តីរាយការណ៍ខាងលើនេះ អង្គភាព គេហទំព័រ មាតុភូមិ ពុំអាចសុំការបំភ្លឺពីលោក ភុំ វរ:ឧត្តម បានទេ ព្រោះពុំមានលេខទូរស័ព្ទ ទំនាក់ទំនង ។ អង្គភាព គេហទំព័រ មាតុភូមិ រង់ចាំទទួលស្វាគមន៍ជានិច្ចនូវការ បកស្រាយបំភ្លឺពីគ្រប់ ភាគី ពាក់ព័ន្ធ តាមច្បាប់ស្តីពីរបបសារព័ត៌មាន តាមរយ: Tel:012 953 824 / 016 953 222 ៕ ដោយ: ស៊ុន សុផល