វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2568 នាក់
ម្សិលមិញ 5020 នាក់
សរុប 14118015 នាក់
ម៉ាឡេស៊ី៖ ភរិយារបស់អតីតនាយករដ្ឋមន្ត្រីម៉ាឡោស៉ី ណាជីប រ៉ាហ្សាក់ គឺលោកស្រី រ៉ូស្មាហ៍ មែនសួរ (Rosmah Mansor) ត្រូវបានអង្គភាពប្រឆាំងអំពើពុករលួយ MACC នៃប្រទេសម៉ាឡេស៊ីឃាត់ខ្លួន ពាក់ព័ន្ធនឹងរឿងអាស្រូវពុករលួយនៃមូលនិធិរដ្ឋ 1MDB។ នេះបើតាមការឲ្យដឹងពីមេធាវីរបស់ស្រី ដកស្រង់សម្តីដោយសារព័ត៌មាន Channel News Asia នៅរសៀលថ្ងៃពុធ ទី០៣ ខែតុលា ឆ្នាំ២០១៨។
លោកស្រីរ៉ូម៉ាស( Rosmah) ត្រូវបាននាំខ្លួនទៅកាន់ទីស្នាក់របស់ MACC ដើម្បីសួរចម្លើយ នៅក្នុងការស៊ើបអង្កេតជុំវិញរឿងអាស្រូវពុករលួយ ទាក់ទិននឹងមូលនិធិរដ្ឋ 1 Malaysia Development Berhad (1MDB) បន្ទាប់ពីក្រុមអ្នកស៉ើបអង្កេតបានចំណាយពេលជិត ១៣ម៉ោង ដើម្បីថតសំឡេងនៃពាក្យសម្តីរបស់លោកស្រីនៅថ្ងៃពុធសប្តាហ៍នោះ។
សូមបញ្ជាក់ថា៖កាលស្វាមីនៅកាន់អំណាចនោះ ពេលលោកស្រី Rosmah បង្ហាញមុខនៅសាធារណៈម្តងៗ តែងត្រូវមហាជនសំឡឹងមើលមិនដាក់ភ្នែកនោះឡើយ ដោយសារតែលោកស្រីប្រើប្រាស់សម្ភារៈ និងគ្រឿងអលង្កាទំនើបៗ ព្រមទាំងឡូយឆាយ ។
គួរជម្រាបថា លោក ណាជីប វិញគិតមកទល់ពេលនេះ បានរងបទចោទប្រកាន់សរុប ៣២ករណី រួមមានទាំងការលាងលុយកខ្វក់ រហូតដល់ការបំពានអំណាច និងការរំលោភទំនុកចិត្ត ដោយព្យាយាមបិទបាំងថា តើលុយរាប់ពាន់លានដុល្លារ បានបាត់ចេញពីមូលនិធិ 1MDB ដែលរូបលោកបានបង្កើតឡើងផ្ទាល់ដោយរបៀបណា៕