អភិបាលខេត្តមណ្ឌលគិរី ស្នើសុំដកតំណែងប្រធានមន្ទីរបរិស្ថានខេត្តមណ្ឌលគិរី

តុលាការសម្រេចបង្កកប្រាក់ក្នុងធនាគារជិត១០០គណនី និងបង្កកទ្រព្យសម្បត្តិជិត ២០០០ក្បាលដី របស់ក្រុមហ៊ុន ជា សារ៉ន

ស្ថាបនិកឌីហ្វីតកំពុងតែបន្តយុទ្ធសាស្ត្រធ្វើឲ្យសមរង្ស៊ីឯកោ

គ្រាន់តែប្រកាសចែកដីត្រូវចាប់ខ្លួនចុះអ្នកឆបោកលុយពលរដ្ឋរាប់លានដុល្លារម៉េចមិនចាប់ផង?

បណ្តេញវៀតណាមនិងចិនរាប់រយនាក់ទៅស្រុកវិញពាក់ព័ន្ធបទល្មើសឆបោកតាមប្រពន្ធ័អនឡាញដោយមិនកាត់ទោស?

ជញ្ជីងថ្លឹងរថយន្តនៅផ្លូវជាតិលេខ ៤ក្នុងស្រុកអង្គស្នួលក្លាយជាកន្លែងថ្លឹងលុយរបស់លោកប្រធានស្ថានីយ៍!?

ទាហានឈុតខ្មៅថៃដើរល្បាតតាមព្រំដែនក្នុងដីខ្មែរយ៉ាងគឃ្លើន តែទាហានខ្មែរបែរជាហាមពលរដ្ឋខ្មែរកុំបង្ហោះព័ត៌មានឬ Videos ស្តីពីសកម្មភាពរបស់ទាហានថៃទៅវិញ !?

ជាច្រើនទៀត

ចំនួនអ្នកទស្សនា

ថ្ងៃនេះ 2914 នាក់

ម្សិលមិញ 3184 នាក់

សរុប 14177083 នាក់

រដ្ឋាភិបាលថៃអនុម័ត្តគម្រោងបោះឆ្នោតព្រឺទ្ធសភាជាលើកដំបូងចាប់តាំងពីរដ្ឋប្រហារ

18-April-2024 / ព័ត៌មានអន្តរជាតិ

ប្រទេសថៃ៖សារព័ត៌មាន Reuters នៅថ្ងៃទី២៣ ខែមេសា ឆ្នាំ២០២៤ បានផ្សាយថា រដ្ឋាភិបាលថៃបានឱ្យដឹងកាលពីថ្ងៃអង្គារសប្តាហ៍នេះថាខ្លួននឹងរៀបចំការបោះឆ្នោតព្រឹទ្ធសភានៅខែមិថុនាដែលជាការបោះឆ្នោតព្រឹទ្ធសភាលើកដំបូងចាប់តាំងពីរដ្ឋប្រហារយោធាមួយទសវត្សរ៍កន្លងមកនេះ។ខុទ្ទកាល័យរបស់នាយករដ្ឋមន្ត្រីថៃ លោក Srita Thavisin បានគាំទ្រផែនការសម្រាប់ដំណើរការបោះឆ្នោតពហុដំណាក់កាលដ៏ស្មុគស្មាញនេះ។ ក្រៅពីនេះ គណៈរដ្ឋមន្ត្រីក៏បានយល់ព្រមធ្វើប្រជាមតិ ដើម្បីសួរប្រជាជនថៃថា តើពួកគេនឹងគាំទ្រការផ្លាស់ប្តូររដ្ឋធម្មនុញ្ញដែលត្រូវបានគូរឡើងដោយរបបយោធា ដែលកាន់អំណាចកាលពីឆ្នាំ២០១៧ដែរឬទេ?។ a thai senate

ព្រឹទ្ធសភាបច្ចុប្បន្នដែលតែងតាំងដោយរបបលោកប្រាយុទ្ធចាន់អូចាដែលបានកាន់អំណាចក្នុងឆ្នាំ ២០១៤ មានសមាជិកចំនួន២៥០រូប បានដើរតួនាទីយ៉ាងសំខាន់ក្នុងការកំណត់លទ្ធផលនៃការបោះឆ្នោតសកលកាលពីឆ្នាំ២០២៣។គណបក្សចលនាឆ្ពោះទៅមុខ( Move Forward (MFP)បានឈ្នះអាសនៈច្រើនជាងគេនៅក្នុងសភា ប៉ុន្តែមេដឹកនាំរបស់ខ្លួនគឺ លោកភិថាលិមចារើនរ៉ាត់( Pita Limjaroenrat )ត្រូវបានរារាំងមិនឱ្យក្លាយជានាយករដ្ឋមន្ត្រី ដោយសារតែគាត់មិនអាចប្រមូលបានការគាំទ្រគ្រប់គ្រាន់នៅក្នុងព្រឹទ្ធសភា។ អាស្រ័យហេតុនេះ លោក Srita មកពីគណបក្សភឿថៃដែលទទួលបានអាសនៈច្រើនជាងគេទីពីរបានបង្កើតរដ្ឋាភិបាលចម្រុះជាមួយបក្សដែលមានទំនាក់ទំនងជាមួយយោធា។

នៅក្នុងដំណើរការនេះ សមាសភាពនៃសភាជាន់ខ្ពស់ (ព្រឹទ្ធសភា) នឹងត្រូវបានសម្រួលមកត្រឹមចំនួន ២០០រូប ដែលនឹងត្រូវបានជ្រើសរើសពីក្រុមតំណាង២០វិស័យផ្សេងៗនៃសង្គម ដូចជា យុត្តិធម៌ ការអប់រំ សុខភាពសាធារណៈ ឧស្សាហកម្ម សិល្បៈ កីឡា មនុស្សចាស់ និងជនជាតិភាគតិចជាដើម។ទោះយ៉ាងណាក៏ដោយ មានតែបេក្ខជនប្រជែងតំណែងសមាជិកព្រឹទ្ធសភាប៉ុណ្ណោះទើបមានសិទ្ធិចូលរួមក្នុងដំណើរការបោះឆ្នោតដែលនឹងធ្វើឡើងចំនួនបីជុំ គឺនៅថ្ងៃទី ៩ ខែមិថុនា ថ្ងៃទី ១៦ ខែមិថុនា និងថ្ងៃទី ២៦ ខែមិថុនា។អ្នករិះគន់អះអាងថា វិធីសាស្ត្រនេះខ្វះគោលការណ៍ប្រជាធិបតេយ្យ ហើយធ្វើឱ្យដំណើរការស្មុគស្មាញដោយមិនចាំបាច់។ អ្នកនាំពាក្យរបស់គណៈបក្ស Move Forward លោក Parit Wacharasindhu បានថ្លែងប្រាប់ទីភ្នាក់ងារ AFP ថា «នេះមិនមែនជាការបោះឆ្នោតទេ ពីព្រោះសមាជិកព្រឹទ្ធសភា មិនបានមកដោយផ្ទាល់ពីសាធារណជនទេ»។ លទ្ធផលបោះឆ្នោតត្រូវបានគេរំពឹងថា នឹងត្រូវប្រកាសនៅថ្ងៃទី ២ ខែកក្កដា៕ a thai pita