វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 749 នាក់
ម្សិលមិញ 4140 នាក់
សរុប 14163139 នាក់
វេណេហ្ស៊ូអ៊ីឡា៖បេក្ខភាពអនាគតប្រធានាធិបតីរបស់បក្សប្រឆាំងក្នុងប្រទេសវេណេហ្ស៊ូអេឡា លោកស្រី ម៉ារិយ៉ាកូនរីណាម៉ាកាដូ(Maria Corina Machado) បានថ្លែងជំទាស់នឹងការប៉ុនប៉ងឱ្យមានការផ្លាស់ប្តូរបេក្ខភាពប្រធានាធិបតីរបស់លោកស្រីបន្ទាប់ពីការបោះឆ្នោតជុំទីមួយមានលទ្ធផលល្អ។
ស្ថាប័នតុលាការកំពូលរបស់វេណេហ្ស៊ូអ៊ីឡាបានសម្រេចហាមប្រាមសិទ្ធិនយោបាយរបស់លោកស្រី ក្រោមបទចោទប្រកាន់ថា៖អ្នកនយោបាយវ័យ ៥៦ឆ្នាំរូបនេះ បានគាំទ្រដល់ការដាក់ទណ្ឌកម្មរបស់សហរដ្ឋអាម៉េរិក និងបានប្រព្រឹត្តិអំពើពុករលួយដែលបានធើ្វឱ្យខាតបង់ថវិកាក្រុមហ៊ុនអាជីវកម្មរបស់រដ្ឋនៅក្រៅប្រទេស រួមមាន ក្រុមហ៊ុនចម្រាញ់ប្រេងកាត Citgo នៅសហរដ្ឋអាម៉េរិក និងក្រុមហ៊ុនផលិតសារធាតុគីមី Monomeros ក្នុងប្រទេសកូឡុំប៊ី។
សេចក្តីសម្រេចដកបេក្ខភាពរបស់លោកស្រីរបស់តុលាការកំពូលវេណេហ្ស៊ូអ៊ីឡា បានធើ្វឡើងនៅបន្ទាប់ពីលោកស្រីMachadoឈ្នះការបោះឆ្នោតបឋមយ៉ាងភ្លូកទឹកភ្លូកដីកាលពីខែតុលាកន្លងទៅ ខណៈដំណើរការចចារគ្នារវាងភាគីគណបក្សកាន់អំណាចនិងគណបក្សប្រឆាំងក្នុងប្រទេសនេះនៅតែបន្តធើ្វឡើងដើម្បីស្វែងរកកិច្ចសម្របសម្រួលសម្រាប់ដំណើរការបោះឆ្នោតនៅថ្ងៃខាងមុខដែលនឹងគ្រោងធើ្វឡើងនៅពាក់កណ្ដាលឆ្នាំ ២០២៤ ។
មន្ត្រីដឹកនាំក្រុមការងារចចារកិច្ចសម្របសម្រួលរបស់ភាគីរដ្ឋាភិបាល លោក Rodriguez បានថ្លែងបញ្ជាក់ថា រដ្ឋាភិបាលរបស់ប្រធានាធិបតីម៉ាឌុយរ៉ូ( Maduro )នៅតែរក្សាការពិភាក្សាគ្នាជាមួយភាគីអ្នកនយោបាយប្រឆាំង ដើម្បីអនុញ្ញាតិឱ្យការបោះឆ្នោតមួយអាចប្រព្រឹតិ្តទៅបានស្របតាមការគ្រោងទុក។ ទោះបីយ៉ាងណា ជោគវាសនារបស់លោកស្រី Machado នៅពេលនេះ ស្ថិតនៅក្រោមការសម្រេចដោយស្ថាប័នតុលាការកំពូលនិងទំនងជាមិនអាចកែប្រែបានឡើយ ។ករណិយ៍នេះដែរមេដឹកនាំរដ្ឋការអាមេរិករួមជាមួយមេដឹកនាំប្រទេស៣០ដទៃទៀតក្នុងពីភពលោកបានថ្កោលទោសសេចក្តីសម្រេចរបស់តុលាការកំពូលរបស់ប្រទេសវេណេហ្សុយអេឡា។ប្រធានាធិបតីបានព្រមានពីការដាក់ទណ្ឌកម្មឡើងវិញប្រសិនបើប្រទេសនេះបរាជ័យក្នុងការបោះឆ្នោតសេរីយុត្តិធម៍។