សមយុទ្ធនាគមាសជាឱកាសសម្រាប់ចិនបង្ហាញឥទ្ធិពលសព្វាវុធយោធា!

តើករណី ការដេញអ្នកកាសែតចេញក្រៅពីសាលាឃុំល្ងៀង ជាកំហុសមន្ត្រីថ្នាក់ក្រោម ឬជាការទទួលខុសត្រូវរបស់លោកចៅហ្វាយខេត្តត្បូងឃ្មុំ ?

ការចរចាពន្ធកម្ពុជា-អាមេរិកជុំទី១អត់ទាន់បានអីទេការចរចាជុំទី២ ធ្វើឡើងនៅសប្តាហ៍ទី១ ខែមិថុនា

លោក ម៉ឹង ដាវីន មេការិយាល័យគយច្រកទ្វារព្រំដែនអន្តរជាតិត្រពាំងផ្លុង ពង្រាយមន្ត្រីគយ និងប្រើជនសុីវិល អង្គុយចាំរាប់ក្បាលឡាន ឈ្មួញតូច ធំ ដឹកជញ្ជួនតំឡូងមី ទៅប្រទេសវៀតណាម និងទំនិញខុសច្បាប់ចេញពីប្រទេសវៀតណាមចូលប្រទេសខ្មែរ!

ជំទាវឧកញ៉ាតីវ៉ាវណ្ណថនលែងឯកឧត្តមឆាតសុឆេតអ្នកនាំពាក្យក្រសួងធម្មការហើយ!

អ្នកនាងមាស សុខសោភា ស្នើមហាជនទុកផ្លូវឱ្យខ្លួននិងតាសក់សដើរផង!

តើជាការរំលោភសេពសន្ធវ:ឬជាការរៀបចំផែនការធ្វើស៊ីតួប្រុស?

ជាច្រើនទៀត

ចំនួនអ្នកទស្សនា

ថ្ងៃនេះ 5585 នាក់

ម្សិលមិញ 12556 នាក់

សរុប 16778921 នាក់

ក្រុមហ៊ុនភីអិនធី របស់ឈ្មួញ ឡេង ប្ញទ្ធី បំពានកាប់ឈើក្នុងតំបន់ព្រៃឡង់ ស្រុករវៀងទាំងយប់ទាំងថ្ងៃសមត្ថកិច្ចពាក់ព័ន្ធរក្សាភាពស្ងៀមស្ងាត់ !

11-May-2025 / ព័ត៌មានជាតិ

ខេត្តព្រះវិហ៊ារ៖ប្រជាពលរដ្ឋក្នុងឃុំរៀបរយ ស្រុករវៀង ខេត្តព្រះវិហារ បានឲ្យដឹងថា បច្ចុប្បន្នក្រុមហ៊ុនភីអិនធី (PNT Co.,Ltd) របស់មេឈ្មួញ ឡេង ប្ញទ្ធី បានដាក់ពង្រាយកម្លាំងកម្មករជាច្រើនក្រុមឲ្យធ្វើសកម្មភាពកាប់ឈើនៅក្នុងតំបន់ស្នូលនៃព្រឡង់ក្នុងស្រុករវៀង យ៉ាងអនាធិបតេយ្យដោយគ្មានញញើតអ្វីទាំងអស់។ ចំណែកលោក ពឹង ទ្រីដា ប្រធានមន្ទីរកសិកម្មខេត្តព្រះវិហារ និងលោក សុង ច័ន្ធសុជាតិ ប្រធានមន្ទីរបរិស្ថានខេត្តព្រះវិហារ ព្រមទាំងលោក គីម រិទ្ធី អភិបាលខេត្តថ្មីសម្ងំឈឹងមិនដឹងថាហេតុអី។មិនដឹងថាតើថ្នាក់ដឹកនាំគណៈកម្មការជាតិដើម្បីទប់ស្កាត់និងបង្ក្រាបបទល្មើសធនធានធម្មជាតិដឹកនាំដោយលោកនាយឧត្តមសេនីយ៍សៅសុខាដឹងដែរឬអត់នោះទេ?។ a dpm

ប្រជាសហគមន៍ការពារព្រៃឡង់ក្នុងឃុំរៀបរយ ស្រុករវៀង ខេត្តព្រះវិហារ បានឲ្យដឹងថា ចាប់តាំងពីដើមខែវិច្ឆិកា ឆ្នាំ២០២២រហូតមកក្រុមហ៊ុនភីអិនធី បានដាក់កម្លាំងកម្មករជាច្រើនក្រុម ឲ្យចូលកាប់ឈើអារឈើនៅក្នុងតំបន់ស្នូលនៃព្រៃឡង់ជាច្រើនទីតាំង។ ទីតាំងដែលកម្មករក្រុមហ៊ុនភីអិនធី កាប់រំលំអារច្រៀកឈើយ៉ាងពេញបន្ទុកនោះ គឺនៅចំណុចបុស្សរាំង ជ្រាប់ ក្បាលដំរី ស្រែកណ្តាល អូរអាចម៍ដែក ភូមិចាស់ ភ្នំចោត ប្រាសាទគោល ព្រៃស្រឡៅ និងចណុចស្រែតាង៉ុត។ ក្រោយពេលកាប់រំលំ និងអារច្រៀករួច ឈើទាំងនោះត្រូវបានក្រុមហ៊ុនភីអិនធី ដឹកចូលទៅកាន់ទីតាំងដីសម្បទានរបស់ខ្លួនដើម្បីឲ្យក្លាយជាឈើស្របច្បាប់។

ក្រុមហ៊ុនភីអិនធី នេះបានប្រើប្រាស់រថយន្តបង្កុង រថយន្តរ៉េវ និងគោយន្តរាប់សិបគ្រឿងដើម្បីដឹកជញ្ជូនឈើចេញពីតំបន់ស្នូលព្រៃឡង់ ស្រុករវៀង ចូលទៅទីតាំងក្រុមហ៊ុនរបស់ខ្លួន។សូមបញ្ជាក់ថាក្រុមហ៊ុន PNT Co.,ltd ទទួលបានសិទ្ធិវិនិយោគពីរដ្ឋាភិបាលលើផ្ទៃដីសម្បទានទំហំ ៧,៩០០ ហិកតានៅក្នុងឃុំរៀបរយ ស្រុករវៀង ហើយក្រុមហ៊ុននេះបានផ្តល់សិទ្ធិឱ្យក្រុមហ៊ុនម៉ាឃល ឡូជីស្ទីក សហការប្រមូលផលអនុផលព្រៃឈើ ក្នុងបរិវេណគម្រោងដីសម្បទានសេដ្ឋកិច្ចក្រុមហ៊ុនរបស់ខ្លួនប៉ុន្តែតាមពិតជាក់ស្តែងគឺពួកគេបានកៀងគរប្រជាពលរដ្ឋឲ្យចូលទៅកាប់ឈើចេញពីតំបន់ព្រៃឡង់ រួចដឹកចូលក្នុងបរិវេណក្រុមហ៊ុនដើម្បីបន្លំជាឈើមានច្បាប់ទៅវិញតែប៉ុណ្ណោះ។ប្រភពបានឲ្យដឹងទៀតថា ប្រសិនបើគ្មានការឃុបឃិតពីសំណាក់មន្ត្រីបរិស្ថាន និងសមត្ថកិច្ចពាក់ព័ន្ធទេនោះ គឺក្រុមហ៊ុនភីអិនធី របស់មេឈ្មួញ ឡេង ប្ញទ្ធី មិនអាចកាប់ឈើ អារច្រៀកឈើនៅក្នុងព្រៃឡង់ ហើយដឹកជញ្ជូនចូលទៅទីតាំងក្រុមហ៊ុនយ៉ាងគគ្រឹកគគ្រេងតាមអំពើចិត្តបានឡើយ។