ទីបំផុតតុលាការកំពូលបើកសវនាការជម្រះទោសអតីតអភិបាលខេត្តនិងស្នងការរងនគរបាលបាលខេត្តតាកែវរឿងសម្លាប់ស្រីកំណាន់ហើយ!
25-December-2024 / ព័ត៌មានជាតិ
ភ្នំពេញ ៖ តុលាការកំពូលនាព្រឹកថ្ងៃទី១០ ខែធ្នូ ឆ្នាំ២០២១ នេះបានបើកសវនាការជំនុំជម្រះក្តីលើបណ្តឹងសារទុករបស់ ឡាយ វណ្ណៈ អតីតអភិបាលខេត្តតាកែវ និងបងប្រុស ឡាយ ណារិទ្ធ អតីតស្នងការរងខេត្តតាកែវដែល កំពុងជាប់ឃុំពន្ធនាគាររយៈពេលជាង៣ឆ្នាំកន្លងមកនោះ ដោយអំណាចសាលក្រមរបស់សាលាដំបូងរាជធានីភ្នំពេញ និងសាលដីកាសាលាឧទ្ទរណ៍ ពាក់ព័ន្ធករណីស្លាប់ស្ត្រីមេម៉ាយកូន៣រូបស្រស់នាង ចេវ សុវឌ្ឍនាដែលជាស្រីកំណាន់ ។
សវនាការដឹកនាំដោយលោក និល ណុល ប្រធានក្រុមប្រឹក្សាតុលាការកំពូល ចំពោះមុខជនជាប់ចោទ និងមេធាវីការពារក្តី បានដំណើរការសាកសួរដេញដោលដោយរលូន តាមនីតិវិធីរហូតដល់ចប់ វេលាព្រឹកថ្ងៃដដែល ទើបប្រធានក្រុមប្រឹក្សាអង្គជំនុំជម្រះក្តីលើកពេលប្រកាសសាលក្រម ទៅថ្ងៃទី២៤ ខែធ្នូ ខាងមុខនេះ ។រឿងក្តីមួយនេះត្រូវបានមើលឃើញថាយឺតដូចកៅស៊ូជាក់ស្តែង កាលពីថ្ងៃទី២៩ ខែកញ្ញា ឆ្នាំ២០២១ តុលាការកំពូលបានលើកយកបណ្តឹងសារទុកមួយនេះ មកបើកសវនាការជំនុំជម្រះក្តីម្តងរួចហើយ តែត្រូវបានតុលាការលើកពេល មូលហេតុជនជាប់ចោទ ឡាយ វណ្ណៈ មានបញ្ហាសុខភាព ។
សវនាការលើបណ្តឹងសារទុករបស់ជនជាប់ចោទ ឡាយ វណ្ណៈ នឹង ឡាយ ណារិទ្ធ នៅតុលាការកំពូល ត្រូវបានលើកពេលជាបន្តបន្ទាប់ ជាក់ស្តែងនៅថ្ងៃទី១៣ ខែសីហា ឆ្នាំ២០២១ តុលាការកំពូលបានគ្រោងលើកយកសំណុំរឿងនេះ មកបើកសវនាការម្តងដែរ ប៉ុន្តែពាក់ព័ន្ធបញ្ហាការរាតត្បាតដោយជំងឺវីរុសកូវីដ-១៩ ក៏ត្រូវលើកពេលទៅវិញ ។ មិនមែនតែលើកនេះទេតុលាការកំពូល កាលពីព្រឹកថ្ងៃទី២៥ ខែធ្នូ ឆ្នាំ២០២០ ក៏បានលើកយកសំណុំរឿង ឡាយ វណ្ណៈ អតីតអភិបាលខេត្ត និង ឡាយ ណារិទ្ធ ស្នងការរងខេត្តតាកែវ មកបើកសវនាការជំនុំជម្រះក្តី តាមបណ្តឹងសារទុករបស់ជនជាប់ចោទម្តងដែរ ប៉ុន្តែសវនាការនោះត្រូវបានប្រកាសលើកពេល ដោយមូលហេតុជនជាប់ចោទឈ្មោះ ឡាយ វណ្ណៈ មានសុខភាពមិនល្អ ។
សំណុំរឿងជនជាប់ចោទ ឡាយ វណ្ណៈ និងបងប្រុសឈ្មោះ ឡាយ ណារិទ្ធ ពាក់ព័ន្ធករណីឃាតក.ម្មលើស្ត្រីមេម៉ាយកូន៣រូបស្រស់ ចេវ សុវឌ្ឍនា កាលពីព្រឹកថ្ងៃទី២ ខែកញ្ញា ឆ្នាំ២០១៩ ត្រូវបានលោក ហម ម៉េងសែ ប្រធានក្រុមប្រឹក្សាចៅក្រមជំនុំជម្រះសាលាដំបូងរាជធានីភ្នំពេញ ប្រកាសសាលក្រមផ្តទន្ទាទោសទាំង២នាក់បងប្អូន គឺលោក ឡាយ វណ្ណៈ ភេទប្រុស អាយុ៤៥ឆ្នាំ អតីតអភិបាលខេត្តតាកែវ ដាក់ពន្ធនាគារកំណត់រយៈពេល១៣ឆ្នាំ ពីបទ.ឃាតក.ម្ម តាមមាត្រា១៩៩ នៃក្រមព្រហ្មទណ្ឌ ។
សាលក្រមនេះ ក៏បានផ្តន្ទាទោសលោក ឡាយ ណារិទ្ធ ភេទប្រុស អាយុ៤៦ឆ្នាំ អតីតតស្នងការរងនគរបាលខេត្តតាកែវ និងជាបងប្រុសបង្កើតរបស់ ឡាយ វណ្ណៈ ដាក់ពន្ធនាគារកំណត់រយៈពេល១០ឆ្នាំ ពីបទ.សមគំនិតក្នុងអំពើឃាតក.ម្ម តាមមាត្រា១៩៩ នៃក្រមព្រហ្មទណ្ឌ ។ឈ្មោះ ម៉េន សាម៉ៃ ភេទប្រុស អាយុ៣៦ឆ្នាំ អ្នកបើកបររថយន្តឲ្យ ឡាយ វណ្ណ: ដាក់ពន្ធនាគារកំណត់២ឆ្នាំ និងផ្តន្ទាទោសលើជនជាប់ចោទឈ្មោះ ជឹម វុធ ហៅថូត ភេទប្រុស អាយុ៤១ឆ្នាំ ជាអ្នកបម្រើផ្ទះស្ត្រី ចែវ សុវឌ្ឍនា ដាក់ពន្ធនាគារកំណត់រយៈពេល២ឆ្នាំ ទាំងពីរនាក់ពីបទលាក់បាំងតម្រុយក្នុងអំពើឃាតក.ម្ម តាមមាត្រា៥៣២ នៃក្រមព្រហ្មទណ្ឌ។
ក្រោយពេលប្រកាសសាលក្រមនេះភ្លាម ជនជាប់ចោទ គឺ ឡាយ វណ្ណៈ និងបងប្រុស ឡាយ ណារិទ្ធ បានប្រតិកម្មកើតទុក្ខមិនសុខចិត្តចំពោះសាលក្រមនោះ ដែលគិតថា ការកាត់ក្តីមិនមានភាពយុត្តិធម៌ ដូច្នោះទើបជនជាប់ចោទ២នាក់បងប្អូន បានប្រកាសប្តឺងឧទ្ធរណ៍តាមច្បាប់កំណត់ ។ ក្នុងនោះលោក ឡាយ វណ្ណៈ និង ឡាយ ណារិទ្ធ ធ្លាប់បានបដិសេធហើយថា ពីរនាក់បងប្អូនមិនបានសម្លា.ប់អ្នកស្រី ចេវ សុវឌ្ឍនា ទេ ហើយបើមានពាក់ព័ន្ធមែននោះ សូមឲ្យវត្ថុស័ក្តិសិទ្ធិបរាមុខឲ្យស្លា.ប់តៃហោងទាំងប្រពន្ធកូន និងធ្លាក់នរក៩ជាន់កុំឲ្យចាប់ជាតិ ។
សូមរំលឹកថា អ្នកស្រី ចេវ សុវឌ្ឍនា ត្រូវគេប្រទះឃើញស្លា.ប់ដោយច.ង.កនៅក្នុងបន្ទប់គេងរបស់នាង ដែលជាផ្ទះលោក ឡាយ វណ្ណៈ ជួលឲ្យស្នាក់នៅ ស្ថិតក្នុងភូមិផ្សារតាកោរ សង្កាត់រការក្នុង ក្រុងដូនកែវ ខេត្តតាកែវ កាលពីល្ងាចថ្ងៃទី២៦ ខែមករា ឆ្នាំ២០១៨ កន្លងទៅ ។ ដែលករណីខាងលើនោះ តាមរបាយការរបស់សមត្ថកិច្ចខេត្តតាកែវ ជាជំហានដំបូងថា សង្ស័យជាករណីជនរងគ្រោះច.ង.កសម្លា.ប់ខ្លួន ប៉ុន្តែក្រោយមកគណៈកម្មការស៊ើបអង្កេត នៃនាយកដ្ឋានកណ្តាលនគរបាលយុត្តិធម៌ក្រសួងមហាផ្ទៃបា នចុះបើកការស្រាវជ្រាវ ក៏បានរកឃើញជាអំពើឃាតក.ម្មទៅវិញ ។មហាជនបាននិងកំពុងរង់ចាំមើលថាតើវាសនាលោក ឡាយ វណ្ណៈ និង ឡាយ ណារិទ្ធ ពីរនាក់បងប្អូន ទទួលបានផ្លែផ្កាយ៉ាងណា?៕
