វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1609 នាក់
ម្សិលមិញ 10264 នាក់
សរុប 14140791 នាក់
ខេត្តបន្ទាយមានជ័យ ៖ កសិករគ្រួសារមានប្តីឈ្មោះលាង ប៊ុនធាវ អាយុ២៤ឆ្នាំ និងប្រពន្ធឈ្មោះម៉ុន សុផន អាយុ២៤ឆ្នាំ រស់នៅភូមិក្បាលទន្សោង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ដែលមានជីវភាពខ្វះខាត បាននិងកំពុងប្រឈមបញ្ហាគ្មានទឹកដោះគោឲ្យ កូនដំបូងជាកូនភ្លោះប្រុសដល់ទៅ៣នាក់បៅ។
ឪពុកម្តាយ កូនភ្លោះទាំង៣នាក់បានឱ្យកាសែតដឹងថា កូនភ្លោះទាំង៣នាក់នេះជាកូនដំបូងរបស់ពួកគាត់ បានសម្រាលនៅមន្ទីរពេទ្យគន្ធបុប្ផាខេត្តសៀមរាប កាលពីព្រឹកថ្ងៃទី៩ ខែមេសា ឆ្នាំ២០២០ កូនភ្លោះប្រុសទាំង៣នាក់ ហើយមានសុខភាពល្អ បន្ទាប់ពីបានសម្រាលនៅក្នុងមន្ទីរពេទ្យអស់រយៈពេលជាង១០ថ្ងៃមកនោះ។ថ្ងៃទី២០ ខែមេសា ឆ្នាំ២០២០ បានចេញពីមន្ទីរពេទ្យមកលំដ្ឋានវិញនៅភូមិក្បាលទន្សោង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យវិញ។
គ្រួសាររបស់ពួកគាត់មានជីវភាពខ្វះខាត ពីមួយថ្ងៃទៅមួយថ្ងៃកាន់តែយ៉ាប់យ៉ឺនទៅ ដោយពួកគាត់គ្មានលុយទិញទឹកដោះគោឲ្យកូនភ្លោះទាំង៣នាក់បៅទៀត ។ សព្វថ្ងៃនេះ ពួកគាត់រំពឹងលើញាតិជិតខាងផ្តល់ចំណីបន្តិចបន្តួចដល់គ្រួសាររបស់ពួកគាត់តែប៉ុណ្ណោះ ។ ម្យ៉ាងទៀត ដោយសារសព្វថ្ងៃកំពុងផ្ទុះជំងឺកូវីដ១៩ ធ្វើឱ្យពួកគាត់ជួបប្រទះការខ្វះខាតយ៉ាងខ្លាំង ព្រោះប្តីមិនមានការងារធ្វើ។សូមបញ្ជាក់ថាកូនភ្លោះបីត្រូវបានសម្តេចហ៊ុនសែនចាត់ទុកជាកូនរបស់លោកដោយចេញលុយជួយចិញ្ចឹម។តែមិនដឹងថាហេតុអ្វីបានជាអ្នកដែលទទួលការងារនេះមិនដឹងបានជាមិនបានជួយឧបត្ថម្ភចឹង?ឬក៏គ្រួសារហ្នឹងចាយអស់?។