វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4108 នាក់
ម្សិលមិញ 5467 នាក់
សរុប 14163685 នាក់
ប្រទេសប៉ាគិស្ថាន៖នៅថ្ងៃអាទិត្យ ទី៣ ខែមីនាលោក Shehbaz Sharif ត្រូវបានសមាជិកសភានៃសភាជាតិប៉ាគីស្ថាន បោះឆ្នោតជ្រើសរើសជានាយករដ្ឋមន្ត្រីថ្មី របស់ប្រទេស ។នេះជាលើកទី២ដែលលោកបានកាន់តំណែងកំពូលមួយនេះ។
ទីភ្នាក់ងារសារព័ត៌មាន Reutersបានឲ្យដឹងថា៖ប្រធានសភាជាតិប៉ាគីស្ថាន លោក Ayaz Sadiq បានឲ្យដឹងថា៖លោក Shehbaz Sharif ទទួលបានសំឡេងគាំទ្រពីសមាជិកសភា ២០១រូប ដោយយកឈ្នះលើ គូប្រជែងរបស់លោក គឺលោក Omar Ayub ដែលទទួលបានសំឡេងគាំទ្រ ៩២។ លោក Sharif ត្រូវការសំឡេងគាំទ្រចាំបាច់ ១៦៩ ដើម្បីទទួលបានសំឡេង គាំទ្រភាគច្រើន។ប៉ុន្តែ ព្រមពេលជាមួយគ្នា សម្ព័ន្ធមិត្តរបស់លោកអតីតនាយករដ្ឋមន្ត្រីអ៊ីមរ៉ានខាន់(Imran Khan) នៅក្នុងសភាជាតិប៉ាគីស្ថាន បាននាំគ្នាស្រែកប្រឆាំងនឹងការបោះឆ្នោតតែងតាំង លោក Sharif និងចោទប្រកាន់ថាការបោះឆ្នោតសកលកាលពីខែកុម្ភៈកន្លងទៅត្រូវបានលួចបន្លំ។ លោក Sharif មានអាយុ ៧២ឆ្នាំក៏ធ្លាប់បានកាន់តំណែងជា នាយករដ្ឋមន្ត្រីប៉ាគីស្ថានផងដែរ កាលពីឆ្នាំ២០២២ ដល់ខែសីហា ឆ្នាំ២០២៣បន្ទាប់ពីសភាបោះឆ្នោតទម្លាក់លោកអ៊ីមរ៉ានខាន់(Imran Khan)ពីនាយករដ្ឋមន្ត្រីដែលមានទំនោរកប្រទេសចិន ៕