វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7547 នាក់
ម្សិលមិញ 5020 នាក់
សរុប 14122994 នាក់
អាមេរិក(ញូយ៉ក)៖ លោករីស៊ិបតាយិបអេដូហ្កាន់(Recep Tayyip Erdogan) ប្រធានាធិបតីទួរគី បានបរិហារប្រទេសអ៊ីស្រាអែលដែលជាប្រទេសគាំទ្រដោយអាមេរិក ថាគ្មានឡើយទឹកដីប្រទេសអ៊ីស្រាអែលនៅក្នុងផែនទីពិភពលោក កាលពីឆ្នាំ១៩៤៧។
សម្តីលោកប្រធានាធិតីទួគីធ្វើឡើង កាលពីថ្ងៃទី២៤ ខែកញ្ញា ឆ្នាំ២០១៩ នៅក្នុងកិច្ចពិភាក្សាទូទៅនៃសម័យប្រជុំលើកទី ៧៤ នៃមហាសន្និបាតអង្គការសហប្រជាជាតិ នៅក្នុងទីក្រុងញូវយ៉ក។លោកអេដូហ្កាន់បានលើកបង្ហាញផែនទីមួយផ្ទាំងកាលពីឆ្នាំ១៩៤៧ ដោយនិយាយថា “សូមមើលមកផែនទីឆ្នាំ១៩៤៧ ឯណាទៅប្រទេសអ៊ីស្រាអែល?លោកបានបន្តថា នៅឆ្នាំ១៩៤៧ នៅក្នុងផែនទីមានតែទឹកដីប៉ាឡេស្ទីន ប៉ុន្តែមកដល់បច្ចុប្បន្ធទឹកដីប៉ាឡេស្ទីនកាលពីឆ្នាំ១៩៤៧ ត្រូវបានកាន់កាប់ដោយរដ្ឋអ៊ីស្រាអែលហើយ។
លោកប្រធានាធិបតីទួគី បញ្ជាក់ថែមថា “បច្ចុប្បន្នទឹកដីប៉ាឡេស្ទីនដែលនៅសេសសល់ កំពុងត្រូវបានអ៊ីស្រាអែល បន្តបំពានជាបន្តបន្ទាប់… ចុះក្រុមប្រឹក្សាអង្គការសហប្រជាជាតិ មានអ្វីដែលជាដំណោះស្រាយ ហើយតើអង្គការសហប្រជាជាតិដើរតួបែបណាដើម្បីដោះស្រាយបញ្ហានេះ?”។បច្ចុប្បន្ន រលកសង្គ្រាម របស់ប្រជាជនប៉ាឡេស្ទីនប្រឆាំងរដ្ឋអ៊ីស្រាអ៊ែល នៅតែបន្តកើតមាននៅតាមតំបន់ព្រំដែន ដោយបាន មនុស្សរាប់សិបនាក់បានស្លាប់ ។
អ៊ីស្រាអ៊ែល នៅតែបន្តប្រកាសអាធិបតេយ្យភាពរបស់ខ្លួន លើទឹកដីផ្នែកខ្លះរបស់ប៉ាឡេស្ទីន ទើបបង្កជាកំហឹងមិនឈប់។ថ្មីៗនេះដោយមានការគាំទ្រពីអាមេរិកប្រទេសអ៊ីស្រាអែលបានប្រកាសយកទឹកដីខ្ពង់រាបហ្គោឡង់ដែលដណ្តើយយកពីប្រទេសស៊ីរីទោះបីមានការជំទាស់ពីបណ្តាប្រទេសខ្លះនៅអឺរ៉ុបនិងអារ៉ាបក៏ដោយ។តែការឌឹរបស់ទួគីដែលទីញអាវុធធុនs400សម្រាប់ការពារដែនអាកាសពីប្រទេសរុស្ស៊ីក៏បានធ្វើឲ្យអាមេរិកក្តៅស្លឹកត្រចៀកផងដែរ។អាមេរិកក៏បានផ្អាកលែងលក់យន្តហោះធុនf35ឲ្យទួគីវិញផងដែរ។
សូមបញ្ជាក់ថា នៅក្រោយការបង្កើតរដ្ឋអ៊ីស្រាអែល នៅឆ្នាំ១៩៤៨ បង្កឲ្យមានការក្តៅក្រហាយពីបណ្តាប្រទេសអារ៉ាប។សង្គ្រាមបានកើតមានឡើងជាច្រើនលើក រវាងអ៊ីស្រាអែល និងបណ្តាប្រទេសអារ៉ាប់ ដែលប្រឆាំងនឹងការបែងចែកទឹកដីប៉ាឡេស្ទីនជាពីររដ្ឋ គឺរដ្ឋអ៊ីស្រាអែល សម្រាប់ពួកជ្វីហ្វ និងរដ្ឋប៉ាឡេស្ទីន សម្រាប់ពួកអារ៉ាប់ ទៅតាមសេចក្តីសម្រេចរបស់អង្គការសហប្រជាជាតិ។
សង្គ្រាមលើកទី១ ដែលអ៊ីស្រាអែលហៅថា “សង្គ្រាមឯករាជ្យ” បានកើតមានឡើងនៅឆ្នាំ១៩៤៨ មួយថ្ងៃក្រោយពីអ៊ីស្រាអែលប្រកាសបង្កើតរដ្ឋឯករាជ្យ ដោយនៅពេលនោះ កងទ័ពអារ៉ាប់មកពីប្រទេសអេហ្ស៊ីប ហ្សកដានី លីបង់ ស៊ីរី និងអ៊ីរ៉ាក់ ព្រមទាំងកងកម្លាំងប្រដាប់អាវុធរបស់ប៉ាឡេស្ទីន បានរួមដៃគ្នាបើកការវាយប្រហារទៅលើអ៊ីស្រាអែល។
នៅក្នុងសង្គ្រាមនេះ អ៊ីស្រាអែលថ្វីដ្បិតតែមានតែម្នាក់ឯង ក៏ប៉ុន្តែ មានកម្លាំងទ័ពខ្លាំងជាងប្រទេសអារ៉ាប់ ហើយក្រោយពីបានវាយប្រយុទ្ធគ្នាអស់រយៈពេលជាង ៩ខែ បណ្តាប្រទេសអារ៉ាប់ក៏សុខចិត្តចុះចាញ់ ហើយចុះកិច្ចព្រមព្រៀងបញ្ចប់សង្គ្រាម នៅឆ្នាំ១៩៤៩។