» មនុស្ស​៤​នាក់​បាន​បាត់​បង់ជីវិត និង​មនុស្ស​២​នាក់​ទៀត ត្រូវ​រងរបួស​ធ្ងន់​ពេល ដើរ​រើស​ជ័រ កាច់​ផ្ដៅ​ក្នុងព្រៃ » ក្រសួង​ការងារ ចុះ​កិច្ចព្រមព្រៀង​ជាមួយ​អង្គភាព​អភិវឌ្ឍន៍​ធនធានមនុស្ស​កូរ៉េ ដើម្បី​ពង្រឹង​កិច្ចសហប្រតិបត្តិការ និង​ប្រសិទ្ធភាព​នៃ​ការបញ្ជូន​ពលករ​ » ជញ្ជីង​ថ្លឹង​រថយន្ត​នៅ​ផ្លូវជាតិ​លេខ ៤​ក្នុងស្រុក​អង្គស្នួល​ក្លាយជា​កន្លែង​ថ្លឹង​លុយ​របស់លោក​ប្រធាន​ស្ថានីយ៍​!? » មានការ​វាយ​ប្រយុទ្ធ​គ្នា​ជាថ្មី​នៅ​តំបន់​ព្រំដែន​ថៃ​-​មី​យ៉ាន់​ម៉ា​បន្ទាប់ការអំពាវនាវរដ្ឋមន្ត្រីការបរទេសអាស៊ាន » ស្ត្រី​ម្នាក់​ត្រូវ​បុរស​ម្នាក់ យក​កាំបិត​ចុង​ស្រួច​ចូលទៅ​ចាក់​សម្លាប់​ ​ដល់​ក្នុងផ្ទះ រួច​អារ​.​ក សម្លាប់​ខ្លួនឯង តែ​មិន​ស្លាប់​ » នាយករដ្ឋមន្ត្រី ណា​រិ​ន្ទ្រ មូ​ឌី និង​មេដឹកនាំ​បក្សប្រឆាំង​បញ្ចប់​យុទ្ធនាការ​ឃោសនាបោះឆ្នោត​ » ទាហាន​ឈុតខ្មៅ​ថៃ​ដើរល្បាត​តាម​ព្រំដែន​ក្នុង​ដី​ខ្មែរ​យ៉ាង​គឃ្លើន តែ​ទាហាន​ខ្មែរ​បែរជា​ហាម​ពលរដ្ឋ​ខ្មែរ​កុំ​បង្ហោះ​ព័ត៌មាន​ឬ Videos ស្តីពី​សកម្មភាព​របស់​ទាហាន​ថៃ​ទៅវិញ !? » ពលរដ្ឋ​ខ្មែរ​ម្នាក់​ត្រូវ​សមត្ថកិច្ច​ឃាត់ខ្លួន​ជាមួយ​ទឹកប្រាក់​៦១៨,០០០ បាត​ » យុវជន​ពីរ​នាក់​បាន​ស្លា​.​ប់​ភ្លាមៗ​នៅ​កន្លែងកើតហេតុ​ដោយសារ​ជិះ​ម៉ូតូឌុប​គ្នា​ទៅបុក​រថយន្ដ​មួយគ្រឿង បើក​ដោយ​នារី​ម្នាក់​ » សំណុំរឿង​ក្រុមហ៊ុន​ប្រ៊ី​លាន​អតីត​ឧកញ៉ា​ឡេង ចាន់ណា តុលាកា​សម្រេច​បង្កក​គ​ណ​នី​ធនាគារ​ចំនួន​១៨៣ និង​ទ្រព្យសម្បត្តិ​មួយចំនួន​, » អធិការបតី​អាល្លឺម៉ង់​ទៅ​ចិន​លើក​ទី​២​បង្ក​ឲ្យ​មានការ​ចាប់អារម្មណ៍​និង​តាមដាន​ » សប្បាយ​និង​ទុក្ខ​កើតឡើង​ពេល​ចូលឆ្នាំ​ប្រពៃណី​យ៍​ជាតិខ្មែរ​ឆ្នាំរោង​ » អ៊ីរ៉ង់ ព្រមាន​អ៊ីស្រាអែល​ថា​នឹង «​រង​ការវាយប្រហារ​ខ្លាំង​ជាង​នេះ​» ប្រសិនបើ​ចាត់វិធានការ​ឆ្លើយតប​មកលើ​ខ្លួន​វិញ​ដែល​ជាការ​បង្ហាញថា​អ៊ីរ៉ង​ចង់​ចប់​ត្រឹមហ្នឹង​?! » នៅ​ខេត្ត​ព្រះសីហនុ​អ្នក​រៀប​កម្មវិធី Miss Grand Cambodia 2024​ធ្វើ​សន្និសីទកាសែត​ប្រាប់​ពី​កម្មវិធី​បន្ត​ » អភិបាលខេត្ត​កំពង់ស្ពឺ​ប្រគល់​ម៉ូតូ​៤​គ្រឿង​ជូន​ក្រុមការងារ​បរិស្ថាន​ដែល​រង​ការដុត​បំផ្លាញ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 6187 នាក់

ម្សិលមិញ 6359 នាក់

សរុប 14092820 នាក់

កូរ៉េខាងជើង បញ្ជូន​អាវុធ ៦៧០០​កុងតឺន័រ ទៅឱ្យ​រុ​ស្ស៉ី​ក្នុងពេល​អាមេរិក​ទ​ល័​ច្រក​អឺរ៉ុប​បានតែ​និយាយ​

​អ៊ុយ​ក្រែ​ន​៖​ទោះ​រង​ការទាមទា​និង​កៀបសង្កត់​ក៏ដោយ​ក៏​ប្រធានសភា​អាមេរិក​មកពី​គណបក្ស​សាធារណរដ្ឋ គឺ​លោក Mike Johnson បាន​និយាយថា សភា​នឹងមិន​អនុម័ត​កញ្ចប់​ជំនួយ​ថ្មី​សម្រាប់​អ៊ុយ​ក្រែ​ន​ដោយ​គ្មាន​កំណែទម្រង់​ចំពោះ​គោលនយោបាយ​អន្តោប្រវេសន៍​របស់​សហរដ្ឋអាមេរិក​នោះទេ​ដោយ​លោក​បាន​លើក​ហេតុផល​ថា​សន្តិសុខ​របស់​អាមេរិក​ផ្ទាល់​បាន​យក​ជា​អាទិភាព​លើ​ជម្លោះ​ជាមួយ​រុស្ស៊ី​។​a jo republic 

​សារព័ត៌មាន RT ចេញផ្សាយ​នៅ​ថ្ងៃទី​២៨ ខែកុម្ភៈ ឆ្នាំ​២០២៤ បានឱ្យដឹងថា ថ្លែង​បន្ទាប់ពី​ជំនួប​ដ៏​ចម្រូងចម្រាស​មួយ​ជាមួយ​ប្រធានាធិបតី Joe Biden និង​មេដឹកនាំ​សភា​មកពី​ខាង​គណបក្ស​សាធារណរដ្ឋ​នៅ​ព្រឹក​ថ្ងៃ​អង្គារ លោក Mike Johnson បាន​ទទូចថា​សមាជិក​សភាគ​ណ​បក្ស​សាធារណរដ្ឋ​នឹងមិន​ផ្លាស់ប្តូរ​ចំពោះ​ជំនួយ​បរទេស​ទេ ប្រសិនបើ​គណបក្ស​ប្រជាធិបតេយ្យ​មិន​សម្របសម្រួល​នៅតាម​ព្រំដែន​។​

​សមាជិកសភា​របស់​គ​ណ​បក្ស​សាធារណរដ្ឋ (GOP) កំពុង “​បន្ត​ស្វែងរក និង​ស៊ើបអង្កេត​យ៉ាងសកម្ម​នូវ​ជម្រើស​ផ្សេងៗ​ទាំងអស់​” សម្រាប់​ភាពស្របច្បាប់​អ៊ុយ​ក្រែ​ន ប៉ុន្តែ “​អាទិភាព​ទីមួយ​របស់​ប្រទេស​គឺ​ព្រំដែន​របស់​យើង ហើយ​ត្រូវ​ប្រាកដថា​វា​មាន​សុវត្ថិភាព​” នេះ​បើតាម​លោក Johnson បាន​ប្រាប់​អ្នកយកព័ត៌មាន​។​​ប្រធានាធិបតី Biden បាន​ព្រមាន​ថា “​ផលវិបាក​នៃ​ភាព​អសកម្ម​ជា​រៀងរាល់ថ្ងៃ​នៅ​អ៊ុយ​ក្រែ​ន​គឺ​ធ្ងន់ធ្ងរ​” មុនពេល​កិច្ចប្រជុំ​របស់គាត់​ជាមួយ Johnson ។​

​លោក John Kirby អ្នកនាំពាក្យ​ក្រុមប្រឹក្សាសន្តិសុខ​ជាតិ​សេត​វិមាន បាន​ព្រមាន​ថា​អ៊ុយ​ក្រែ​ន​កំពុងស្ថិត​នៅលើ​វិថី​អន្តរាយ​នៃ​អស់​ទឹកដី​ជា​បន្តកន្ទុយ​ក្នុង​រយៈពេល​ប៉ុន្មាន​ខែ​ខាងមុខនេះ ដោយសារតែ​មិនមាន​ការគាំទ្រ​ពេញដៃ​ផ្នែក​យោធា​ពី​សំណាក់​សហរដ្ឋអាមេរិក ។​លោក Kirby បាន​ប្រាប់​អ្នកយកព័ត៌មាន​ថា “​ប្រសិនបើ​អាមេរិក​នៅតែ​តឹង​ដៃ​ដក​ជំនួយ​ចេញពី​ហោប៉ៅ​ផ្ដល់​ទៅ​ឲ្យ​អ៊ុយ​ក្រែ​ន​មិន​រួច​ទេនោះ ច្បាស់​ណាស់​ថា​ក្នុង​រយៈពេល ១ ខែ ឬ ២ ខែ​ខាងមុខនេះ រុស្ស៊ី​នឹង​ឱបក្រសោប​ទឹកដី​កាន់តែ​ច្រើនឡើង​បន្ថែមទៀត ជាពិសេស​គឺ​នឹង​លើក​ទង់ជ័យ​នៅ​សមរភូមិ​ជួរមុខ​របស់​អ៊ុយ​ក្រែ​ន​តែម្ដង​” ។​

​ការអត្ថាធិប្បាយ​របស់​មន្ត្រី​សេត​វិមាន​រូបនេះ​កើតមានឡើង​ត្រឹមតែ​រយៈពេល​ប៉ុន្មាន​ថ្ងៃ​ប៉ុណ្ណោះ បន្ទាប់ពី​ទីភ្នាក់ងារ​ព័ត៌មាន Reuters បាន​សម្រង់​សម្ដី​របស់លោក​ប្រធានាធិបតី​អ៊ុយ​ក្រែ​ន Volodymyr Zelensky ដោយ​លោក​បាន​និយាយថា អ្នក​ចម្បាំង​ទីក្រុង​កៀវ​កំពុង​រៀប​ជើង​ព្រួល​ទប់ទល់​នឹង​ផែនការ​វាយ​សង្គ្រុប​ដំណាក់កាល​ថ្មី​របស់​រុស្ស៊ី​មកលើ​អ៊ុយ​ក្រែ​ន​ក្នុង​រយៈពេល ២ ខែ​ខាងមុខនេះ ពោល​នា​ចុងខែ​ឧសភា ឬ​ពេញ​មួយ​រដូវក្ដៅ​នេះ​តែម្ដង ។​

​សូមបញ្ជាក់ថា​ចាប់​តាំង​ផ្ទុះ​ភ្លើងសង្គ្រាម ២ ឆ្នាំ​មកនេះ សហរដ្ឋអាមេរិក​បាន​ជះ​លុយ​ច្រើនជាង ១១០ ពាន់​លាន​ដុល្លារ​ក្នុង​ប្រភេទ​ជំនួយ​ផ្សេងៗ​គ្នា​ផ្ដល់​ទៅ​ឲ្យ​អ៊ុយ​ក្រែ​ន ។​ប៉ុន្តែ​ជំនួយ​ទាំង​ប៉ុន្មាន​នេះ​ហាក់ដូចជា​មិនទាន់​គ្រប់គ្រាន់​ឡើយ ពោល​លោក Joe Biden បានស្នើ​សុំ​ជំនួយ​ប្រមាណ ៦០ ពាន់​លាន​ដុល្លារ​បន្ថែមទៀត​ទៅ​ឲ្យ​អ៊ុយ​ក្រែ​ន ប៉ុន្តែ​សំណើរ​នេះ​ត្រូវ​រាំងស្ទះ​ពី​ការអនុម័ត​ដោយ​សភា ដោយសារតែ​ប្រធានសភា​បច្ចុប្បន្ន​គឺ​លោក Mike Johnson ជា​អ្នកប្រឆាំង​អ៊ុយ​ក្រែ​ន ហើយ​ប្រសិនបើ​កញ្ចប់​ជំនួយ​យោធា​នៅតែ​នឹង​នៅ​ថ្កល់​បែបនេះ​ទៀត​នោះ ច្បាស់​ណាស់​ថា ទីក្រុង​អ៊ុយ​ក្រែ​ន​ជា​បន្តបន្ទាប់​ទៀត​នឹង​ធ្លាក់​ចូលក្នុង​កណ្ដាប់ដៃ​រុស្ស៊ី ហើយ​អ៊ុយ​ក្រែ​ន​នឹង​ដុនដាប​កាន់តែ​ជ្រៅ​ក្នុង​សង្គ្រាម​មួយ​នេះ ។​

​ទ​ន្ទឹ​ក​និង​អាមេរិក​មានការ​ទ័លច្រក​នេះ​ប្រធានាធិបតី​បារាំង លោក Emmanuel Macron បានប្រកាសថា ប្រទេស​បារាំង​កំពុង​ដឹកនាំ​ក្រុមចម្រុះ​ថ្មី​មួយ ដែល​មានបំណង​ផ្តល់ឱ្យ​អ៊ុយ​ក្រែ​ន​នូវ មី​ស៊ី​ល និង​គ្រាប់បែក​រយៈ​ចម្ងាយ​មធ្យម និង​រយៈ​ចម្ងាយ​ឆ្ងាយ​ផងដែរ​។​​ទោះ នៅក្នុង​សេចក្តីថ្លែងការណ៍​មួយ​ក្រោយ កិច្ចប្រជុំ​នៅក្នុង​ទីក្រុង​ប៉ារីស​ស្តីអំពី​បញ្ហា​អ៊ុយ​ក្រែ​ន លោក​ក៏​មិនបាន​ច្រានចោល​ការពង្រាយ កម្លាំង​ដី​ដើម្បី​គាំទ្រ​ក្រុង​កៀវ​នាពេល​អនាគត​នោះទេ​។​​យោងតាម​មេដឹកនាំ​បារាំង ក្រុមចម្រុះ​ដែល​ទើប​បង្កើត​ថ្មី​ព្យាយាម ផ្តល់​លទ្ធភាព​ឱ្យ​អ៊ុយ​ក្រែ​ន ធ្វើការ​វាយប្រហារ​យ៉ាង​ស៊ីជម្រៅ ចូលទៅក្នុង​ប្រទេស​រុស្សី​ហើយ លោក Macron បាន​បន្ថែមថា មានការ​យល់ស្រប​យ៉ាង​ទូលំទូលាយ ដើម្បី​ធ្វើ​កាន់តែច្រើន និង​លឿន​ជាមួយគ្នា​ដើម្បី​គាំទ្រ​ដល់ទី​ក្រុង គៀវ​។​

​សម្តី របស់​ប្រធានាធិបតី​បារាំង​លោក អេ​ម៉ា​នូ​អែល ម៉ា ក្រុង ដែល​ចង់ឱ្យ​មានការ​ប​ញ្ជួ​ន កងកម្លាំង​ថ្មើរជើង​ប្រទេស ជា​សមាជិក​អង្គការ​ណា​តូ​ទៅ​ជួយ ធ្វើសង្គ្រាម​ក្នុងប្រទេស​អ៊ុយ​ក្រែ​ន ខណៈ​ឆ្នាំ​២០២៤​នេះ​ស្ថានការណ៍​ប្រយុទ្ធ ក្នុងប្រទេស​អ៊ុយ ក្រែ​ន​ត្រូវគេ​ឃើញថា​កាន់តែ​យ៉ាប់យ៉ឺន ដោយសារតែ​ការខ្វះ​ជំនួយ​ទាំង​យោធា និង​កម្លាំង​ធន ធាន​កងទ័ព​បង្ក​ឲ្យ​មានការ​ចាប់អារម្មណ៍​ទូទាំង​ពិភពលោក​។ ទោះបីយ៉ាងណា​ប្រទេស​អាល្លឺម៉ង់​និង​ប៉ូឡូញ​ថ្លែងថា គេ​នឹងមិន​ប​ញ្ជួ​ន​កងទ័ព​របស់គេ ទៅ​ប្រទេស​អ៊ុយ​ក្រែ​ន​ទេ​។ សហរដ្ឋអាមេរិក​បាន​ចូលរួម​ជាមួយនឹង​ប្រទេស​ជា​គន្លឹះ​ក្នុង​ទ្វីប អឺរ៉ុប​បដិសេធ​កា​រប​ញ្ជួ​ន​ទ័ពថ្មើរជើង​របស់ខ្លួន​ទៅកាន់​អ៊ុយ​ក្រែ​ន​ផងដែរ​ដោយ​ក្តីបារម្ភ​ការផ្ទុះ ឡើង​នូវ​សង្គ្រាមលោកលើកទី​៣​។ ប្រទេស​អង់គ្លេស​, អេ​ស្ប៉ា​ញ​និង​ប្រទេស​ឆេ​ក​ជាដើម បានបង្ហាញ​ការដកខ្លួន​ចេញពី​អ្វី​ដែលមាន​ការបោះ​តម្រុយ ចង់ឱ្យ​រដ្ឋ​នៃ​អង្គការ​ណា​តូ​ប្រឡូក​ដោយ ផ្ទាល់​ក្នុង​សង្គ្រាម​អ៊ុយ​ក្រែ​ន​ដែល​ឈានចូល​ឆ្នាំ​ទី​៣​រួចមកហើយ​នេះ​។​

​ប្រធាន​អង្គការ​ណា​តូ​លោក Jens Stoltenberg ក៏បាន​និយាយ​ផងដែរ​ថា សម្ព័ន្ធមិត្ត​យោធា ណា​តូ​ដែល​ដឹកនាំ​ដោយ​សហរដ្ឋអាមេរិក មិនមាន​គម្រោង​បញ្ជូនទាហាន ទៅ​អ៊ុយ​ក្រែ​ន​ទេ បន្ទាប់ពី​មេដឹកនាំ​អឺរ៉ុប​ផ្សេងទៀត ក៏បាន​បញ្ជាក់ថា​ពួកគេ​ក៏​មិន​ផ្តល់ ទាហាន​ទៅ​ជួយ​អ៊ុយ​ក្រែ​ន ផងដែរ​។​​ទាក់ទង​រឿងនេះ អ្នកនាំពាក្យ​វិមាន​ក្រឹម​ឡាំង លោក Dmitry Peskov បាន​ប្រាប់​អ្នកយកព័ត៌មាន​ថា «​ក្នុងករណីនេះ​បើសិនជា​កើតមាន​, អ្វីដែល​យើង​ត្រូវ​និយាយ គឺ​មិនមែន​អំពី​ភាព​ប្រហែល​ទេ ប៉ុន្តែ​គឺ​ភាពមិន​អាចចៀ​សរួច នៃ​ជម្លោះ​»​ដែល​នឹង​កើតឡើង​។​ទន្ទឹម​និង​ជំនួយ​យុទ្ធោបករណ​សម្រាប់​អ៊ុយ​ក្រែ​ន​រាំងស្ទះ​នេះ​ប្រព័ន្ធ​ផ្សព្វផ្សាយ​កូរ៉េខាងត្បូង កាលពី​ថ្ងៃ​អង្គារ ទី​២៧ ខែកុម្ភៈ​បាន​រាយការណ៍​ថា​កូរ៉េខាងជើង​បាន​ដឹកជញ្ជូន​អាវុធ ៦៧០០​កុងតឺន័រ ទៅឱ្យ​រុ​ស្ស៉ី ចាប់តាំងពី​ខែកក្កដា ឆ្នាំមុន​មក ដើម្បី​យកទៅ​ប្រើប្រាស់​ក្នុង​សង្គ្រាម​ប្រឆាំង​អ៊ុយ​ក្រែ​ន​។

ទីភ្នាក់ងារ សារព័ត៌មាន Reuters​បាន​ឲ្យ​ដឹងថា​៖​ប្រព័ន្ធ​ផ្សព្វផ្សាយ​កូរ៉េខាងត្បូង ធ្វើ​សេចក្ដីរាយការណ៍​បែបនេះ​ដោយ​ផ្អែកលើ​ការ​ស្រង់​សម្ដី​ពី​រដ្ឋមន្ត្រី​ការពារជាតិ​កូរ៉េខាងត្បូង លោក Shin Won-sik ដែល​បានលើកឡើង​ក្នុង​ស​ន្នី​សីទ​សារព័ត៌មាន​ខ្លី​មួយ​កាលពី​ថ្ងៃ​ចន្ទ​ដើម​សប្ដាហ៍​នេះ​ថា កុងតឺន័រ​ខាងលើ​អាចមាន​ផ្ទុក​គ្រាប់កាំភ្លើង​ធំ​១៥២ មី​លី​ម៉ែត្រ ច្រើនជាង ៣​លាន​គ្រាប់ ឬ​គ្រាប់កាំភ្លើង​ធំ ១២២​មី​លី​ម៉ែត្រ ៥០០ ០០០​គ្រាប់​។ លោក Shin បន្ថែមទៀតថា​វា​អាចទៅរួច​ដែរ​ថា​កុងតឺន័រ​ទាំងនោះ អាចមាន​ផ្ទុក​គ្រាប់កាំភ្លើង​ធំ​ទាំង​២​ប្រភេទ​នេះ​តែម្ដង ក្នុង​ចំនួន​រាប់លាន​គ្រាប់​។​

​គួរ​បញ្ជាក់ថា ទីក្រុង​សេ​អ៊ូ​ល និង​ទីក្រុង​វ៉ាស៊ីនតោន បាន​ចោទប្រកាន់​ទីក្រុង​ព្យុងយ៉ាង និង​ទីក្រុង​មូ​ស្គូ ពី​ការជួញដូរ​អាវុធ ហើយ​បាន​ថ្កោលទោស កូរ៉េខាងជើង​សម្រាប់​ការផ្គត់ផ្គង់​អាវុធ​ទៅឱ្យ​រុ​ស្ស៉ី ដើម្បី​ប្រើប្រាស់​ប្រឆាំងនឹង​អ៊ុយ​ក្រែ​ន​។ កាលពី​ថ្ងៃ​សុក្រ​សប្ដាហ៍​មុន ក្រសួងការបរទេស​អា​មេ​រិ​ក ក៏បាន​ឱ្យដឹង​ដែរ​ថា​កូរ៉េខាងជើង​បានប្រគល់​អាវុធ ឬ​បរិក្ខារ​យោធា​ជាង ១០,០០០​កុងតឺន័រ​ទៅឱ្យ​រុ​ស្ស៉ី ចាប់តាំងពី​ខែកញ្ញា​ឆ្នាំមុន​មក ខណៈ​ជា​ថ្នូរ​មកវិញ កូរ៉េខាងជើង​ទទួលបាន​សម្ភារៈ ៩០០០​កុងតឺន័រ ក្នុងនោះ​ភាគច្រើន​ជា​ស្បៀងអាហារ​ពី​រុ​ស្ស៉ី​។ ប៉ុន្តែ ទាំង​រុ​ស្ស៉ី និង​កូរ៉េខាងជើង​បាន​ច្រានចោល ការចោទប្រកាន់​របស់​អាមេរិក និង​កូរ៉េខាងត្បូង​៕a jo uy1 a korea russy a korea russy1