» សមរង្ស៊ី​និង​អ្នកដើរ​តាម​ជាប់គុក​ទាំងអស់​បើតាម​សេចក្តីប្រកាស​ព័ត៌មាន​ក្រសួងយុត្តិធម៌​! » ប្រធានាធិបតី​ឥណ្ឌូណេស៊ី​ឲ្យ​ពិនិត្យមើល​ឡើងវិញ​ពី​សេចក្តីព្រាងច្បាប់​ស្តីពី​ទំនាក់ទំនង​ផ្លូវភេទ​! » ថៅកែ​ផលិតកម្ម​គឹម​ហេង​ធ្លាក់ខ្លួន​សុខ​ស្រី​នាង​ខូចចិត្ត​? » ចាប់​មេ​សហគមន៍​រ៉ែ​មាស​ចុង​ផ្លាស់​ព្រោះ​រកស៊ី​ឈើប្រណិត​ទៀត​! » អ្នក​ចូល​ចិ​ត្ដ​ចាក់​សាក់ គួរ​យល់ដឹង​ពី​គ្រោះថ្នាក់​ផង​ » ជនជាតិ​ចិន​ម្នាក់ ទៅ​ការ​ជាមួយ​ស្ត្រី​ខ្មែរ នៅ​ព្រះ​វិ​ហ៊ា​រ​ត្រូវ​ណករបាលផ្អាក​ » សោកស្តាយ​ពល​រដ្ឋ​ខ្មែរ​ម្នាក់​ដែល​នៅ​បាត់​ខ្លួន​ព្រោះទឹកជំនន់ស្លាប់​ហើយ​! » ឆ្នាំ​២០២០​កម្មករ​រោងចក្រ​កាត់ដេរ​មាន​ប្រាក់ខែគោល​១៩០​ដុល្លារ​អាមេរិក​ » កម្មករ​ធាក់​ស៊ីក្លូ ជាង​៣០០​នាក់​ទទួលបាន​អំណោយ​ពី​កា​កបាទ​ក្រហម​ភ្នំពេញសម្រាប់​ភ្ជុំ​ » Miss Grand Cambodia​បាន​ទៅលើ​កញ្ញា​ដេ​ត​ស្រី​នា​ឌ​! » ពលរដ្ឋ​ខ្មែរ​ពីរ​នាក់​ដែល​បាត់​ខ្លួន​នៅ​ព្រុំដែន​ថៃ​ដោយសារ​ទឹកជំនន់​អូស​រកឃើញ​ម្នាក់​ហើយ​! » គ្មាន​អ្នកប្រើប្រាស់​គ្រឿងញៀន​ណា​ម្នាក់ ត្រូវបាន​ចាប់​ដាក់ពន្ធនាគារ​ឡើយ​? » លោក​ហូ​វ៉ាន់​មន្ត្រី​អតីត​គណបក្ស​សង្គ្រោះ​ជាតិ​សង្ឃឹមថា​ទូត​អាមេរិក​ថ្មី​នឹង​ជួយ​រក​ដំណោះស្រាយ ឲ្យ​មានការ​ដោះលែង លោក កឹម សុខា មាន​សេរីភាព​វិញ​ » ស្រលាញ់​ប្អូនស្រី​ពេក​តារាចម្រៀង​ខេមរៈ​សេរី​មន្ត​សង់​រូបសំណាក​ទុក​មើល​! » នគរបាល​នឹង​ត្រួតពិនិត្យ​សន្តិសុខ​ពេល​បុណ្យ​ភ្ជុំ​បង្កា​ការប្រមូលផ្តុំ​?

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 1902 នាក់

ម្សិលមិញ 4645 នាក់

សរុប 3005717 នាក់

ក្រោម​ឥ​ទ្ធី​ពល​លោក​ប្រា​យុទ្ធ​នាយករដ្ឋមន្ត្រី​យោធា​តុលាការ​ធម្មនុញ្ញ​បានសម្រេច​រំលាយ​គណបក្ស​ថៃ​រក្សា​ជាតិ​ដែលជា​គណបក្ស​មាន​ឥទ្ធិពល​

 

​ថៃ​៖ នៅ​ថ្ងៃទី​៧​មិនា​ឆ្នាំ​២០១៩​សមាជិក​ប្រាំ​បួនរូប​នៃ​តុលាការ​ធម្មនុញ្ញ​ថៃ​បាន​គាំទ្រ​ការសម្រេច​រំលាយចោល​គ​ណ​បក្ស «​ថៃ​រក្សា​ជាតិ​» ដែលជា​គណបក្ស​មាន​ឥ​ទ្ធី​ពល​មាន​ទំនាក់ទំនង​ជាមួយ​អតីត​នាយក​រដ្ឋ​ម​ន្ត្រិ​លោក ថាក់ស៊ីន​។ ការរំលាយ​បក្ស​នេះ​ធ្វើឡើង​គឺ​នៅសល់តែ ១០​ថ្ងៃ ប៉ុណ្ណោះ​នៃ​បោះឆ្នោត​សភា​ថៃ​មកដល់​។ នេះ​បើតាម​ការចុះផ្សាយ​របស់​ទីភ្នាក់ងារ​ព័ត៌មាន AFP​។a thai elewction raksacheat 

​ក្នុង​សវនាការ​នេះ​គេ​ឃើញ​មានតែ មេដឹកនាំ​បក្ស​ក្នុងនោះ​មាន​លោក Preechapol Pongpanich និង​សមាជិក​ក្រុមគ្រួសារ​ស៊ីណា​វ៉ា​ត់​ពីរ​នាក់​មាន​វត្ត​មាននៅ​តុលាការ​ធម្មនុញ្ញ​ថៃ មុនពេល​តុលា​ការចេញ​សេចក្តីសម្រេច​របស់ខ្លួន​ដែរ​។​មូលហេតុ​នៃ​រំលាយ​គណបក្សនយោបាយ​មួយ​នេះ គឺ​ទាក់ទិន​នឹង​គណបក្ស​ថៃ​រក្សា​ជាតិ​បានដាក់​ស្នើ​បេក្ខភាព​ម្ចាស់​ក្សត្រិយ៍ អ៊ូ​ប៊ុន​រ័តន៍ រាជកញ្ញា ជា​បេក្ខភាពនាយករដ្ឋមន្ត្រី​របស់​ប​ក្ស​ខ្លួន​កាលពី​ខែកុម្ភៈ​បាន​តែ​ប៉ុន្មាន​ម៉ោង​ប៉ុន​ណោះ​។

សំណុំរឿង​គណបក្ស​នេះ​ត្រូវបាន​បញ្ជូន​ទៅកាន់​តុលាការ​ធម្មនុញ្ញ​ដោយ​គណៈកម្មការ​បោះឆ្នោត​កាលពី​ថ្ងៃ ១២ ខែកុម្ភៈ ដោយ​ចោទប្រកាន់ថា គណបក្ស​នេះ​បំពាន​ច្បាប់​ដោយ​ទាញ​សែស្រឡាយ​រាជវង្ស​ចូល​ពាក់ព័ន្ធ​នឹង​នយោបាយ​។​

​សូម​បញ្ជាក់ដែរថា​ម្ចាស់​ក្សត្រិយ៍ អ៊ូ​ប៊ុន​រ័តន៍​ត្រូវបាន​គណបក្ស​«​ថៃ​រក្សា​ជាតិ​» ដា​កើ​ស្នើ​ជា​បេក្ខជន​នាយក​រដ្ឋ​នៅ​ថ្ងៃទី ៨​ខែកុម្ភៈ​។​ប៉ុន្តែ​ប៉ុន្មាន​ម៉ោង​ក្រោយមក មហាក្សត្រ​ថៃ ព្រះ​វ​ជ្ជ​រា​ឡុងកន​បានចេញ​រាជបញ្ជា​មួយ​ហាម​ព្រះរៀម​ព្រះអង្គ​មិន​ឲ្យ ប្រឡូក​ក្នុង​នយោបាយ​ជាដាច់ខាត​។ តាមពិតទៅ ម្ចាស់​ក្សត្រិយ៍ អ៊ូ​ប៊ុន​រ័តន៍ ជា​បុត្រី​ច្បង​របស់​ព្រះ​ចៅ ភូមិបុល អាឌុលយ៉ាដេត និង​ម្ចាស់​ក្សត្រិយានី ស៊ី​រី​គិត (Sirikit) តែ​ទ្រង់​បាន​លាលែង​ពី​ឋានៈ​រាជវង្ស​ក្នុង​ឆ្នាំ​១៩៧២ ដើម្បី​ទៅ​រៀបការ​ជាមួយ​ជនជាតិ​អាមេរិក​ម្នាក់​។​សម្រាប់​គណបក្ស​ថៃ​រក្សា​ជាតិ ក្រោយ ពី​ត្រូវ​តុលាការ​សម្រេច​រំលា​យគ​ណ​បក្ស ថ្នាក់ដឹកនាំ​របស់​បក្ស​ក្នុង​តំណែង​ប្រតិបត្តិ ១៣ រូប​ក៏ត្រូវ​ហាមឃាត់​មិន​ឲ្យ​ចូលធ្វើ​នយោបាយ​ក្នុង​រយៈពេល​ដប់ឆ្នាំ​ពោលគឺ រាប់ទាំង​ចូលរួម​បោះឆ្នោត និង​ឈរឈ្មោះ​ផង​។

​ចំពោះ​សមាជិក​ជា​បេក្ខជន​មិន​ស្ថិតក្នុង​តំណែង​ប្រតិបត្តិ ថ្វីបើ​មិនត្រូវ​ស្ថិតក្រោម​បម្រាម​ធ្វើ​នយោបាយ​ក៏ដោយ ពួកគេ​ត្រូវជា​សមាជិក​គណបក្សនយោបាយ​មួយ​ជាក់លាក់​ក្នុង​រយៈពេល​យ៉ាងហោចណាស់ ៩០​ថ្ងៃមុន​ការបោះឆ្នោត​មកដល់​។ ខណៈ​ការបោះឆ្នោត​នឹង​មកដល់​នៅ​ថ្ងៃ ២៤ ខែមីនា វា​មានន័យថា បេក្ខជន​ទាំងនោះ​គ្មាន​ពេលវេលា​គ្រប់គ្រាន់​ដើម្បី​ប្តូរ​បក្ស និង​ចូលទៅ​រួមរស់​ជាមួយ​គណបក្ស​ផ្សេង​ដើម្បី​មាន​សិទ្ធិ​ប្រកួត​ក្នុងការ​បោះឆ្នោត​នេះឡើយ​។​សូម​បញ្ជាក់ដែរថា​៖​រឿង​រំលាយ​គណបក្សនយោបាយ​នៅក្នុង​ប្រទេស​ថៃ​មិនមែនជា​រឿង​ចម្លែក​ខ្លាំង និង​ជា​រឿង​ថ្មីថ្មោង​អ្វី​នោះទេ ។​

កន្លងមក​ក៏​ធ្លាប់មាន​គណបក្ស​ចំនួន​ពីរ​មកហើយ​ដែល​ត្រូវបាន​រំលាយ​ចេញពី​ឆាកនយោបាយ​នៅ​ស្រុកថៃ​។​​តែ អ្វីដែល​គេ​ចាប់អារម្មណ៍​ខ្លាំង​នោះ​គឺ​គ្រប់​គណបក្សនយោបាយ​ដែល​ត្រូវ​រំលាយ​គឺ​សុទ្ធតែជា​បក្ស​ដែលមាន​ទំនាក់ទំនង​ជិតស្និទ្ធ​នឹង​អតីត​លោកនាយក​រដ្ឋមន្ត្រី​ថៃ​ថាក់ស៊ីន ស៊ីណា​វ៉ា​ត់ ដែល​ត្រូវបាន​ពួកយោធា​ថៃ​ធ្វើ​រដ្ឋប្រហារ​ទម្លាក់​ចេញពី​តំណែង​កាលពី​ឆ្នាំ ២០០៦​។​

​សម្រាប់​គណបក្ស ថៃ​រក្សា​ឆាត​មិនមែន​ត្រឹមតែ​ជា​គណបក្ស​ដែល​ស្និទ្ធ​នឹង​លោក​ថាក់ស៊ីន​ប៉ុណ្ណោះ​នោះទេ តែ​ក៏​ជា​បក្សនយោបាយ​ដ៏​ធំ និង​មាន​សក្តានុពល​ខ្លាំង​ដើម្បី​ប្រកួតប្រជែង​ជាមួយនឹង​គណបក្ស​ផា​ឡាំង​ប្រា​ឆា​រ៉ាត់ ឬ​ហៅ​ជា​ភាសា​ខ្មែរ​ថា​គណបក្ស​កម្លាំង​ប្រជារាស្ត្រ​របស់លោក​ប្រា​យុទ្ធ ចាន់​អូ​ចា ក្នុងការ​បោះឆ្នោត​នា​ថ្ងៃទី ២៤ មីនា ខាងមុខ​នេះដែរ​។​

​គួរបញ្ជាក់​ជូន​ដែរ​ថា ក្នុង​រយៈពេល ១៣ ឆ្នាំ រាប់​ចាប់តាំងពី​រដ្ឋប្រហារ​ទ​ម្លា​ក់លោក​ថាក់ស៊ីន​នា​ឆ្នាំ ២០០៦ មក មាន​គណបក្សនយោបាយ​ដែលមាន​ទំនោរ ឬ​ស្និទ្ធ​នឹង​លោក​ថាក់ស៊ីន​សរុប​ទាំងអស់​ចំនួន​៣ ហើយ​ត្រូវបាន​រំលាយ ដែល​ក្នុងនោះ​រួមមាន គណបក្ស​ថៃ​រ័ក​ថៃ គណបក្ស​ផា​ឡាំង​ប្រា​ឆា​ឆុន និង​ចុងក្រោយ​គេ​គឺ​គណបក្ស​ថៃ​រ៉ា​ក់​សា​ឆាត​នេះឯង​។​a elect thai a elect thai5 a elect thai6 a elect thai7