វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3622 នាក់
ម្សិលមិញ 6677 នាក់
សរុប 14151198 នាក់
ភ្នំពេញ៖ នៅព្រឹកថ្ងៃទី២៤ ខែមករា ឆ្នាំ២០២៤សមត្ថកិច្ចនៃមន្ទីរប្រឆាំងគ្រឿងញៀន ក្រសួងមហាផ្ទៃ បានបង្ហាញមុខជនបរទេសចំនួន ៥នាក់ និងគ្រឿងញៀនជាង ១តោន បន្ទាប់ពីបង្ក្រាបបានកាលពីពេលថ្មីៗនេះ នៅលើដែនសមុទ្រ នៃខេត្តព្រះសីហនុ។ គ្រឿងញៀនបង្ក្រាបបាននេះមានចំនួន ២៥ធុង ស្មើនឹង១,០៨២.៥គីឡូក្រាម ក្នុងនោះគ្រឿងញៀនសុទ្ធចំនួន១,០២១.២គីឡូក្រាម) និងសម្ភារមួយចំនួនទៀត។ សារធាតុញៀនដែលបង្ក្រាបបាននេះ ជាប្រភេទ កេតតាមីន និងមេតំហ្វេតាមីន។ករណីយ៍គ្រឿងញៀននេះដែរកាលពីថ្ងៃទី២០ ខែមករា ឆ្នាំ២០២៤ មានករណីជួយដូរគ្រឿងញៀន ប្រហែកគ្នានេះដែរ ត្រូវបានអាវុធហត្ថខេត្តព្រះវិហារប្រទះឃើញនៅក្នុងឡានដែលគេប្លុងចោលនៅស្រុកជ័យសែន ខេត្តព្រះវិហារ។សម្តកិច្ចបានបញ្ជូនមនុស្សសង្ស័យ២នាក់និងគ្រឿងញៀនទៅតុលាការហើយដែរ។
ទាក់ទងនិងហានិភ័យនៃគ្រឿងញៀនក្នុងស្រុកខ្មែរដែលកាន់តែមានភាពធ្ងន់ធ្ងនេះ លោក ព្រុំ សុខា ទេសរដ្ឋមន្ត្រី និងជាអនុប្រធានប្រចាំការ បានបើកកិច្ចប្រជុំពេញអង្គអាជ្ញាធរជាតិប្រយុទ្ធប្រឆាំងគ្រឿងញៀនដើម្បីពិនិត្យ និងពិភាក្សាលើសេចក្តីព្រាងរបាយការណ៍ស្តីពីលទ្ធផលការងារត្រួតពិនិត្យគ្រឿងញៀនឆ្នាំ២០២៣ និងលើកទិសដៅ ឆ្នាំ២០២៤ នាថ្ងៃទី២៣ ខែមករា ឆ្នាំ២០២៤ ដោយមានការចូលរួមតំណាងក្រសួង ស្ថាប័ន សមាជិក អង្គភាពពាក់ព័ន្ធ និងអគ្គលេខាធិការដ្ឋាននៃអាជ្ញាធរជាតិប្រយុទ្ធប្រឆាំងគ្រឿងញៀន។
នាយឧត្ដមសេនីយ៍ មាស វិរិទ្ធ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀន បានរាយការណ៍ថា សភាពការណ៍គ្រឿងញៀនទាំងនៅក្របខ័ណ្ឌអន្តរជាតិ និងតំបន់ នៅតែមានការវិវត្តប្រែប្រួលប្រកបដោយក្តីព្រួយបារម្ភ។ ទីផ្សារគ្រឿងញៀនសំយោគ បានពង្រីកខ្លួនធំជាងមុន ក្នុងពេលគ្រឿងញៀនធម្មជាតិមានការថយចុះ។ ការផលិតគ្រឿងញៀនសំយោគគឺងាយស្រួលក្នុងការផលិត មិនរើសទីតាំងផលិត ងាយរកសារធាតុគីមីផ្សំ ធ្វើឱ្យបរិមាណគ្រឿងញៀនសំយោគបង្ក្រាបបានកើនឡើងខ្លាំង ហើយភាពសុទ្ធមានកម្រិតកាន់តែខ្ពស់លេចឡើងនូវនិន្នាការថ្មីគឺការចាត់តាំងបញ្ជាផលិត ជួញដូរតាមប្រព័ន្ធបច្ចេកវិទ្យា (តាមអនឡាញ) ហើយកម្ពុជាក៏នៅតែបន្តរងការគំរាមកំហែង ពិសេសការរងឥទ្ធិពលគ្រឿងញៀនពីតំបន់ត្រីកោណមាស។
ក្នុងនាមលោកសន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន, នាឱកាសនោះ លោក ព្រុំ សុខា ទេសរដ្ឋមន្ត្រី អនុប្រធានប្រចាំការ បានណែនាំដល់គ្រប់សមាសភាពត្រូវចូលរួមពង្រឹងប្រសិទ្ធភាពការងារប្រយុទ្ធប្រឆាំងគ្រឿងញៀនតាមវិស័យរៀងៗខ្លួន ដោះស្រាយបញ្ហាប្រឈម ពិសេសកលល្បិច វិធីសាស្ត្រ និងបច្ចេកទេសនៃការដឹកជញ្ជូន ការចែកចាយ ការកែច្នៃផលិតគ្រឿងញៀនរបស់ឧក្រិដ្ឋជន មានអង្គការចាត់តាំងច្បាស់លាស់ មានទ្រង់ទ្រាយធំ និងមានលក្ខណៈកាន់តែស្មុគ្រស្មាញខ្លាំងឡើង៕