គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 6300 នាក់

ម្សិលមិញ 9639 នាក់

សរុប 20696471 នាក់

ជម្ងឺប៉េស្តអាហ្វ្រិកអុកឡុកអ្នកភូមិកណ្តាលឃុំខ្សែត្រខេត្តស្វាយរៀង

21-September-2026 / សុខភាពនិងកីឡា

ស្វាយរៀង៖ជ្រូកជាច្រើនក្បាលបានងាប់ជាបន្តបន្ទាប់នៅភូមិកណ្តាល ឃុំខ្សែត្រ ស្រុកកំពង់រោទ៍ ដោយសារជំងឺប៉េស្តជ្រូកអាហ្វ្រិក បង្កឲ្យមានការព្រួយបារម្ភ សម្រាប់អ្នកចិញ្ចឹមជ្រូក ។ ករណីនេះបានកើតឡើងនៅថ្ងៃទី១៣ ខែមករា ឆ្នាំ២០២៤ នៅភូមិកណ្តាលឃុំខ្សែត្រ ស្រុកកំពង់រោទ៌។ប្រជាពលរដ្ឋអ្នកចិញ្ចឹមជ្រូកនៅភូមិកណ្តាលឃុំខ្សែត្របានសំណូមពរសុំឲ្យមន្ត្រីជំនាញ ជាពិសេសលោករដ្ឋមន្ត្រីក្រសួង កសិកម្មរុក្ខាប្រមាញ់និងនេសាទមេត្តាជួយផ្តល់វ៉ាក់សាំងការពារជំងឺសត្វជ្រូក និងថ្នាំព្យាបាលសត្វជ្រូកផង ពេលជ្រូកពួកគាត់ឃុំខ្សែត្រកំពុងផ្ទុះជំងឺធ្ងន់ និងងាប់ជាច្រើនក្បាលផងដែរ។ a pic pest

មន្ត្រីការិយាល័យពេទ្យសត្វស្រុកកំពង់រោទ៌ បានប្រាប់អ្នកសារព័ត៌មានថា ម្ចាស់អ្នកចិញ្ចឹមជ្រូកឈ្មោះ នៅភូមិកណ្តាលឃុំខ្សែត្រ ស្រុកកំពង់រោទ៌ មាន ចញ្ចឹមជ្រូកជាលក្ខណៈគ្រួសារ ហើយកន្លងមក សត្វជ្រូកមានជំងឺ គាត់ពុំបានរាយការណ៍ជូនមន្ត្រីពេទ្យសត្វភូមិឃុំទេ គាត់ព្យាបាលដោយខ្លួនឯង ក្រោយមកមានផ្ទុះជំងឺប៉េស្តជ្រូកងាប់ច្រើនទើបដឹងដល់មន្ត្រីពេទ្យសត្វចុះទៅពិនិត្យទើបដឹងថា ការផ្ទុះជំងឺប៉េស្តជ្រូកនេះកើតឡើងតាំងពីដើមខែមករា ឆ្នាំ២០២៤កន្លងមក និងមានសភាពធ្ងន់ ឈានទៅងាប់ជាច្រើនក្បាល។

មន្ត្រីពេទ្យសត្វស្រុករូបនេះបានបន្តថា តាមការអង្កេតវិភាគបឋម មានចំនួនករណី គឺ៖ទី១,សង្ស័យជាជំងឺប៉េស្តជ្រូកធម្មតា និងទី២,សង្ស័យជា ជម្ងឺប៉េស្តជ្រូកអាហ្វ្រិក ដែលជំងឺកាចសាហាវ បំផុត បង្កឡើងដោយពពួកវីរុស បច្ចុប្បន្នពុំទាន់មានវ៉ាក់សាំង ការពារនិងព្យាបាលនោះទេ។ប្រភពបន្តទៀតថា ក្រោយការពិនិត្យ អង្កេតជាបឋមឃើញសំណាកសង្ស័យបែបនេះ មន្ត្រីជំនាញពេទ្យសត្វឃុំស្រុក បានចុះធ្វើការផ្សព្វផ្សាយណែនាំដល់ប្រជាពលរដ្ឋអ្នកចិញ្ចឹមជ្រូកឲ្យពួកគាត់យល់ដឹង ទី១ ត្រូវចាក់វាក់សាំងការពារតាមប្រតិទិន្ន ទី២ ត្រូវបាញ់ថ្នាំសម្លាប់មេរោគ ក្នុងទ្រុងនិងជុំវិញទ្រុង៧ថ្ងៃម្តងឬ១៤ថ្ងៃម្តង តាមលទ្ធភាពជាក់ស្តែង ទី៣ ត្រូវធ្វើអនាម័យជាប្រចាំ និងទី៤ ពេលសត្វមានជំងឺត្រូវរាយការណ៍ទៅពេទ្យសត្វឃុំនិងអាជ្ញាធរភូមិឃុំដើម្បីជួយអន្តរាគមន៍។

មន្ត្រីពេទ្យសត្វបានលើកឡើងថា បញ្ហាប្រឈម គឺពេលសត្វជ្រូកឈឺងាប់ ពួកគាត់មិនព្រមកប់ចោល គឺពួកគាត់កាបសាច់លក់ នៅតាមមូលដ្ឋានបណ្តាលឲ្យ ឆ្លងជំងឺដល់សត្វជ្រូកគ្រប់ទីកន្លែង។ពេលសត្វជ្រូកមានជំងឺ កសិករអ្នកចិញ្ចឹមជ្រូកមួយចំនួន បានព្យាបាលខ្លួនឯង មិនព្រមរាយការណ៍ផ្តល់ព័ត៌មានឲ្យមន្ត្រីពេទ្យសត្វឃុំទេ។ទាក់ទិនករណីនេះដែរលោក ប៉ែន ចន្ធី ប្រធានការិយាល័យផលិតកម្ម និងបសុព្យាបាលនៃមន្ទីរកសិកម្មរុក្ខាប្រមាញ់និងនេសាទខេត្តស្វាយរៀងបានប្រាប់ថា លោកកំពុងឲ្យមន្ត្រីពេទ្យសត្វស្រុកកំពង់រោទ៌ ចុះសហការជាមួយពេទ្យសត្វឃុំ លោកមេភូមិ ស្រង់ស្ថិតិ មានប៉ុន្មានគ្រួសារ អ្នកចិញ្ចឹមជ្រូក ដើម្បីផ្សព្វផ្សាយ និងបាញ់ថ្នាំសម្លាប់មេរោគ។លោកបន្តថាបច្ចុប្បន្ន គ្មានវ៉ាក់សាំង ការពារសត្វជ្រូកពីជម្ងឺប៉េសទេ ។សូមជម្រាបជូនថាកន្លងមកពេទ្យសត្វបានចុះចាក់វ៉ាក់សាំងគោក្របី បានចំនួន៧០%ហើយទូទាំង០៨ក្រុងស្រុកនៃខេត្តស្វាយរៀង ដោយចែកជូនតាមបណ្តាឃុំ ឲ្យមន្ត្រីពេទ្យសត្វឃុំចុះចាក់វ៉ាក់សាំង គោក្របី បាញ់ថ្នាំសម្លាប់មេរោគនិងព្យាបាលផងដែរ៕ a pic pest1