វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2659 នាក់
ម្សិលមិញ 10264 នាក់
សរុប 14141841 នាក់
ខេត្តសៀមរាប៖ អធិការនគរបាលស្រុកសូទ្រនិគមលោកវរសេនីយ៍ឯក ទេព ចាន់ណា បានឲ្យដឹងថា មានករណីសិស្សវិទ្យាល័យសំរោង ប្រមាណជា៧៣នាក់ បានស្រែកយំនិងដួលសន្លប់ ដោយមិនដឹងមូលហេតុនៅព្រឹកថ្ងៃទី០៦ខែមីនាឆ្នាំ២០២១នេះស្ថិតក្នុងបរិវេណសាលាវិទ្យាល័យសំរោង ស្រុកសូទ្រនិគម ខេត្តសៀមរាប។
លោកអធិការ បន្តថា ដោយឃើញសភាពបែបនេះសមត្ថកិច្ចនិងលោកគ្រូអ្នកគ្រូបានដឹកជញ្ជូនសិស្សទាំងនោះទៅកាន់មន្ទីរពេទ្យបង្អែកស្រុកសូទ្រនិគមនិងមណ្ឌលសុខភាពឃុំសំរោង។ បើតាមការឲ្យដឹងពីលោកគ្រូអ្នកគ្រូនិងតាមការសង្កេត ទៅឃើញថា បើតាមការពិនិត្យរបស់ក្រុមគ្រូពេទ្យកូនសិស្សទាំងអស់នោះមិនមានជំងឺឈឺថ្កាត់អ្វីនោះទេ ហើយបើតាមការស្រែកយំរបស់សិស្សសាលាទាំងអស់នោះគឺហាក់បីដូចជាមានរឿងអបិយជំនឿ(ខ្មោចចូល)។
បច្ចុប្បន្ននេះសិស្សទាំងនោះត្រូវបានឪពុកម្ដាយដឹកយកទៅផ្ទះនិងអ្នកខ្លះទៀតត្រូវបានពុកម្ដាយហៅមកគ្រូមកសូទ្រផ្លុំទៅតាមជំនឿរបស់ពួកគាត់ហើយអ្នកខ្លះក៏បានធូរស្រាលអស់មួយចំនួនផងដែរ៕