វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4729 នាក់
ម្សិលមិញ 5304 នាក់
សរុប 14144255 នាក់
សៀមរាប៖លោកវរសេនីយ៍ទោ ទី សុខឡែនអត្តលេខ៦៨៤៣៩ ប្រធានអង្គភាពនគរបាល ទេសចរណ៍ប្រចាំខេត្តសៀមរាបត្រូវបានមន្ត្រីក្រោមឱវាទជាច្រើននាក់ ផ្តិតមេដៃ ប្ដឹង លោក នាយឧត្តមសេនីយ៍ ស ថេត អគ្គស្នងការនគរបាលជាតិ សុំឲ្យផ្លាស់ ចេញពីប្រធានអង្គភាពនេះ ។
ក្នុងពាក្យបណ្តឹង ដាក់ជូនអគ្គស្នងការនគរបាលជាតិ ចុះថ្ងៃទី១៩ ខែធ្នូ ឆ្នាំ២០២៣ ដែលកាសែតទទួលបានបានលើកពីមូលហេតរុជាច្រើនដែលពួកគេប្តឹងលោកវរសេនីយ៍ទោ ទី សុខឡែនដែលរួមមាន៖ ១. មិនចេះគ្រប់គ្រងនិងដឹកនាំបញ្ជាកម្លាំងក្នុងអង្គភាពអោយបានត្រឹមត្រូវតាមឋានានុក្រម ។ ២. ធ្វើការងារមិនសហការណ៍ជាមួយស្ថាប័នពាក់ព័ន្ធ។៣. បញ្ជាអោយមន្ត្រីផ្នែកនីតិវិធីយកលុយពីភ្ញៀវទេសចរណ៍ ដែលមកដាក់ពាក្យបណ្ដឹង សុំលិខិតបញ្ជាក់ក្នុង ករណីបាត់បង់សម្ភារ ឬលិខិតឆ្លងដែន ជាដើម ធ្វើឲ្យភ្ញៀវទេសចរមិនសប្បាយចិត្ត។ ៤.មិនដែលប្រជុំរួមដើម្បីពង្រឹងកម្លាំងរបស់ខ្លួន និងមិនមានទំនាក់ទំនងល្អជាមួយមន្ត្រីថ្នាក់ក្រោមក្នុងអង្គភាព។ ៥.មិនដែលរាយការណ៍សុំយោបល់ពីថ្នាក់ដឹកនាំលោកអនុប្រធាននាយកដ្ឋានដែលប្រចាំទិសនៅអង្គភាពខេត្ត សៀមរាប ។
៦.មិនចេះធ្វើផែនការ អនុវត្តន៍ដឹកនាំជំនាញតាមតួនាទីភារកិច្ចរបស់នគរបាលទេសចរណ៍ ។ ៧. ធ្វើការរកតែផលប្រយោជន៍ផ្ទាល់ខ្លួន មិនគិតពីផលប្រយោជន៍ប្រទេសជាតិ ។ ៨.ធ្វើអ្វីតាមតែចិត្តនឹកឃើញមិនដែលពិភាក្សាជាមួយថ្នាក់ដឹកនាំអង្គភាពផ្សេងៗ ។ ៩. ប្រេងសាំងដែលទទួលអគ្គស្នងការនគរបាលជាតិ ផ្តល់ឲ្យអង្គភាពក្នុងមួយត្រីមាសជាង ១,០០០ លីត្រ សម្រាប់ផ្គត់ផ្គង់ម៉ូតូ រថយន្ត ជារបស់រដ្ឋក្នុងការចុះបំពេញ ភារកិច្ចតាមគោលដៅប្រចាំថ្ងៃ គាត់មិនបានយកប្រើប្រាស់ ជាប្រយោជន៍រួមទេគឺគាត់ផ្តាច់ទាំងអស់ ។
ក្នុងលិខិតដដែលបន្តថា ដោយសារទង្វើររបស់លោកវរសេនីយ៍ទោ ទី សុខឡែន មិនយល់ពីតួនាទីភារកិច្ចរបស់ខ្លួន ធ្វើឲ្យមាន ការរិះគន់ពីស្ថានប័នពាក់ព័ន្ធ ភ្ញៀវទេសចរនិងមហាជន បណ្តាលឲ្យអាប់ឱនកិត្តិយសអង្គភាព ដែលពីមុនធ្លាប់ទទួលបានការកោតសរសើរពីថ្នាក់ដឹកនាំគ្រប់ស្ថាប័ន។អ្នកសារពត៍មានមិនទាន់អាចសុំការបកស្រាយពីលោក ទី សុខឡែន បានទេនៅរសៀលថ្ងៃទី០៤ ខែមករា ឆ្នាំ២០២៤ ដោយការហៅទូរស័ព្ទចូល ពុំមានអ្នកទទួល។គេក៏មិនទាន់ឃើញមានចំណាត់ការពីអគ្គស្នងការនគរបាលជាតិផងដែរ។