នៅខេត្តបន្ទាយមានជ័យ មានមេខ្យល់២នាក់ឈ្មោះ គង់ ជា និងឈ្មោះ ព្រាប សារុន ដើរបំផុសញុះញង់ប្រជាពលរដ្ឋ អោយចូលទៅធ្វើខ្ទមទន្ទ្រានកាន់កាប់ដីធ្លីជាកម្មសិទ្ធិស្រប ច្បាប់របស់លោក លី អ៊ុតនី
01-March-2025 / ព័ត៌មានជាតិ
ភ្នំពេញៈ ការិយាល័យនិពន្ធគេហទំព័រ មាតុភូមិ បានទទួល សេចក្តីរាយការណីព្រមទាំងឯកសារផ្លូវច្បាប់ពាក់ព័ន្ធរឿងរំលោភយកដីធ្លីស្របច្បាប់ ពីប្រជាពលរដ្ឋនៅឯខេត្តបន្ទាយ មានជ័យ ។
ដោយយោងលើឯកសារបានបញ្ជាក់ថា ដីនៅចំណុចបឹង ៧៥ ដែលរាជរដ្ឋាភិបាលបានសម្រេចរួចហើយ តាមរយៈសេចក្តីជូនដំណឹងលេខ១៥៥៣ ស.ជ.ណ ចុះថ្ងៃទី ២៤ ខែ ធ្នូ ឆ្នាំ ២០១២ របស់ទីស្តីការគណៈរដ្ឋមន្ត្រី ចុះហត្ថ លេខាដោយ ឯកឧត្តម សេង លំនៅ រដ្ឋលេខាធិការ ទីស្តីការគណៈរដ្ឋមន្ត្រី ។
ប៉ុន្តមកដល់បច្ចុប្បន្ននះទីតាំងដី ស្ថិតនៅក្នុងតំបន់បឹង ៧៥ ត្រូវបានក្រុមប្រជាពលរដ្ឋដែលមាន មេខ្យល់ញុះញង់នៅពីក្រោយបាននឹងកំពុងនាំគ្នាសំរុកចូលទៅ ធ្វើខ្ទមទន្ទ្រានកាន់កាប់ដីធ្លីយ៉ាងអនាធិបតេយ្យ ។ ផ្អែកតាម សេចក្តីរាយការណ៍ បានអោយដឹងថា មានមេខ្យល់ឈ្មោះ ព្រាប សារុន ហៅ D3 និងឈ្មោះ គង់ ជា បានបំផុសបំផុល ញុះញង់អោយប្រជាពលរដ្ឋចូលមកចាប់យកដីនៅក្នុងចំណុច ខាងលើ ដោយពួកគេទាំង២នាក់ជាមេចំណែក ។
ប្រភពព័ត៌មាន បានបញ្ជាក់ថា នៅពីក្រោយខ្នងបុគ្គល២នាក់ខាង លើនេះក៏មានមេខ្លោងម្នាក់ទៀត ជាអ្នកចំណាយលុយកាក់ អោយធ្វើ សកម្មភាពយ៉ាងគឃ្លើន គឺឈ្មោះ ហួត គង់ ជាមន្ត្រី PM ខេត្តបន្ទាយមានជ័យ ។ សូមបញ្ជាក់ថា: តាមរយៈស.ជ.ណ លេខ១៥៥៣ នេះ បានសម្រេចថា ដីទំហំ ៣៣០ហិកតា ក្នុងចំណុចបឹង ៧៥ បានទៅលើលោក លី អ៊ុតនី ២៨៨ហិកតា និងបានទៅលើអតីតយោធាវរៈ ៦៧២ , ៦៧៣ ចំនួន ១០១ ហិកតា ដែលសម័យកាលណោះលោក ព្រាប សារុន ដែលជាអតីតមេបញ្ជាការវរៈក៏បានចុះហត្ថលេខាទទួលស្គាល់រួចហើយដែរ តែទីបំផុតលោក ព្រាប សារុន ខ្លួនឯងមករំលោភយកដី ពីកូនចៅខ្លួនឯងវិញ ។
សូមអានសេចក្ត្តីសំរេចលេខ១៥៥៣ ដែលមានខ្លឹមសារទាំងស្រុង ដូចខាងក្រោមនេះ ។ ជុំវិញសេចក្តីរាយការណ៍ ចោទប្រកាន់បុគ្គលឈ្មោះ ព្រាប សារុន និងឈ្មោះ គង់ ជា ព្រមទាំងឈ្មោះ ហួត ហួត គង់ ដែលពាក់ព័ន្ធក្នុងករណី ជាមេខ្យល់ និង មេខ្លោង បំផុសញុះញង់ប្រជាពលរដ្ឋអោយចូលទៅរំលោភយកដីធ្លី របស់លោក លី អ៊ុតនី ខាងលើនេះ ការិយាល័យនិពន្ធយើង មិនអាចស្វែងរកការសុំបំភល្លឺបានទេ ។ ការិយាល័យនិពន្ធយើង រង់ចាំការបំភ្លឺឆ្លើយតបពីភាគីពាក់ព័ន្ធទាំង់អស់រាល់ម៉ោងធ្វើការ ។
សូមរំលឹកថា ករណីរោំលោភបំពានដីធ្លី ដូចគ្នានេះដែរ ក៏បានកើតឡើងនៅឯខេត្តព្រះសីហនុនាពលកន្លងទៅថ្មីៗនេះ រហូតឈានដល់ប្រើអំពើហិង្សា និង វាយទាត់ធាក់ បាញ់ ប្រហារមកលើប្រជាពលរដ្ឋបណ្តាលអោយមានរបួសប្រជាពលរដ្ឋ ពី សំណាក់កងកម្លាំងសមត្ថកិច្ចរបស់អាជ្ញាធរខេត្តព្រះសីហនុ ។
តែលទ្ធផលចុងក្រោយ ត្រូវបានសម្តេចតេជោ ហ៊ុន សែន នាយករដ្ឋមន្ត្រី នៃរាជរដ្ឋាភិបាលកម្ពុជា បានសម្រេចដកហូតយកដី មានទំនាស់នោះទុកជាសម្បត្តិរដ្ឋ និងដកហូតតំណែងអភិបាលរងខេត្តព្រះសីហនុ២នាក់ចេញ ហើយនឹងលោក មេ បញ្ជាការតំបន់ប្រតិបត្តិការសឹករងខេត្តព្រះសីហនុម្នាក់ ទៀតក៏កំពុងប្រឈមនឹងការដកចេញពីតំណែងផងដែរ ។ ចឹងទេ អស់លោកដែលពាក់ព័ន្ធក្នុងករណីរំលោភបំពាន យកដីធ្លីរបស់អ្នកដទៃដែលមានកម្មសិទិ្ធស្របច្បាប់ គួរតែឈប់ និងដកខ្លួនចេញទៅ ៕ ដោយ : សុផល
