សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 1031 នាក់

ម្សិលមិញ 6677 នាក់

សរុប 14148607 នាក់

ក្រុមហ៊ុនវីតាល់ និងមីជាតិរបស់ឧកញ៉ាជឹង សុគន្ធាវី ទទួលបានសិទ្ធគ្រប់គ្រង់ដីក្នុងឧទ្យានជាតិជាបន្តបន្ទាប់!

03-April-2024 / ព័ត៌មានជាតិ

កំពង់ស្ពឺ៖ដីឧទ្យានជាតិគិរីរម្យទំហំជាង២០០ហិកតា ត្រូវបានរដ្ឋាភិបាលអាណត្តិទី៦ដឹកនាំដោយសម្តេចអគ្គមហាសេនាបតីតេជោ ហ៊ុន សែនចុះហត្ថលេខាឆ្វៀលកាត់ឱ្យក្រុមហ៊ុន វ័ន ម័ររបស់ អ្នកឧកញ៉ា ជឹង សុគន្ធាវី បច្ចុប្បន្នជាអគ្គនាយិកាក្រុមហ៊ុនផលិតទឹកបរិសុទ្ធវីតាល់ និងមីជាតិតាមរយៈអនុក្រឹត្យចុះថ្ងៃទី០២ ខែសីហា ឆ្នាំ២០២៣ ។ក្រោមពាក្យថា ធ្វើអនុប្បយោគពីទ្រព្យសម្បតិ្តសាធារណៈរបស់រដ្ឋ មកជាទ្រព្យសម្បត្តិឯកជនរបស់រដ្ឋលើផ្ទៃដីទំហំ២២១,៩៤ហិកតានៃភ្នំគីរីរម្យដែលស្ថិតក្នុងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ក្រុមហ៊ុន វ័ន ម័រ នឹងមានរយៈពេលជួល៥០ឆ្នាំសម្រាប់វិនិយោគជាតំបន់ទេសចរណ៍ធម្មជាតិ។ a land kirirom1

សូមបញ្ជាក់ថាក្រុមហ៊ុនមួយនេះ ក៏ធ្លាប់ទទួលបានដីចំនួនជាង២០០ហិកតាដូចគ្នានៅតំបន់គីរីរម្យដែរតាមអនុក្រឹត្យចុះថ្ងៃទី១៥ ខែកក្តដា ឆ្នាំ២០២២ផងដែរ។ក្រៅពីដីជាង២០០ហិកតាដែលទទួលបាននាពេលថ្មីៗនេះ ក្រុមហ៊ុន វ័ន ម័រ ដែលគ្រប់គ្រងដោយអ្នកឧកញ៉ា ជឹង សុគន្ធាវី ក៏ទើបទទួលបានដីទំហំជាង៣០ហិកតានៅទីតាំងឧទ្យានជាតិកែបក្រោមការធ្វើអនុប្បយោគដីពីសាធារណៈរបស់រដ្ឋទៅជាទ្រព្យសម្បត្តិឯកជនរបស់រដ្ឋតាមអនុក្រឹត្យមួយដាច់ដោយឡែកមួយទៀតកាលពីថ្ងៃទី២៥ ខែវិច្ឆិកា ឆ្នាំ២០២២។

ចំណែកអនុក្រឹត្យមួយទៀតចុះថ្ងៃទី១៩ ខែកក្តដា រដ្ឋក៏បានសម្រេចកាត់ផ្ទៃដីទំហំ៧០ហិកតាស្ថិតក្នុងដែនជម្រកសត្វព្រៃកែវសីមា សង្កាត់រមនា ក្រុងសែនមនោរម្យ ខេត្តមណ្ឌលគិរីទៅឱ្យក្រុមហ៊ុន One Prosperity ដែលជាក្រុមហ៊ុនជាប់ខ្សែស្រឡាយនឹងអ្នកស្រី ជីង សុភាព ម្តាយរបស់អ្នកឧកញ៉ា ជឹង សុគន្ធាវីផងដែរ។លើសពីនេះ អ្នកឧកញ៉ារូបនេះក៏ទទួលបានដីទំហំ៦៤៩ហិកតា ស្ថិតក្នុងដែនជម្រកសត្វព្រៃភ្នំឱរ៉ាល់ដើម្បីយកទៅអភិវឌ្ឍន៍ជាតំបន់ទេសចរណ៍ផ្សារភ្ជាប់នឹងធម្មជាតិផងដែរ។

លោក ហេង គីមហុង ប្រធានកម្មវិធីស្រាវជ្រាវ និងតស៊ូមតិនៃសមាគមបណ្តាញយុវជនកម្ពុជាធ្លាប់ប្រាប់វិទ្យុបារាំងអន្តរជាតិRFIថា លោកមានការព្រួយបារម្ភ ប្រសិនបើករណីអភិវឌ្ឍន៍ផ្ទុយពីអ្វីដែលក្រុមហ៊ុនបានបញ្ជាក់ ហើយបែរជាមានការកាប់បំផ្លាញ់ព្រៃឈើ និងធ្វើឱ្យប៉ះពាល់ដល់ធនធានធម្មជាតិ ខណៈលោកចាត់ទុកថា វាមិនមែនជារឿងដែលផ្តល់ប្រយោជន៍ដល់សង្គមជាតិឡើយ។អ្នកឧកញ៉ា ជឹង សុគន្ធាវី ដែលបច្ចុប្បន្នជាដន្លងជាមួយលោកឧបនាយករដ្ឋមន្ត្រីអូនពន្ធ័មុនីរត្ន័រដ្ឋមន្ត្រីក្រសួងសេចកិច្ចនិងហិរញ្ញវត្ថុមានតួនាទីជា អគ្គនាយិកាក្រុមហ៊ុនផលិតទឹកបរិសុទ្ធវីតាល់ និងក្រុមហ៊ុនផលិតមីជាតិ ហើយមុខជំនួយដែលអ្នកឧកញ៉ារូបនេះកាន់កាប់ ក៏មានក្រុមហ៊ុនខ្សែស្រឡាយផ្សេងទៀតផងដែរដូចជា ក្រុមហ៊ុន One Prosperity និងក្រុមហ៊ុន One Fraternity។ អ្នកឧកញ៉ា សុគន្ធាវី ជាកូនស្រីរបស់អ្នកស្រី ជឹង សុភាព មានងារជាឧកញ៉ា និងជាអនុប្រធានកាកបាទក្រហមកម្ពុជាដែលជាភរិយាអ្នកឧកញ៉ា លោក ឡាវ ម៉េងឃីន សមាជិកព្រឹទ្ធិសភាមកពីគណបក្សប្រជាជនកម្ពុជា៕(ប្រភពវិទ្យុបារាំងអន្តរជាតិ) a land kirirom