វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1623 នាក់
ម្សិលមិញ 6001 នាក់
សរុប 13874453 នាក់
ភ្នំពេញ៖នារិវ័យក្មេងម្នាក់ សម្រាលកូន ដោយគ្មានពេទ្យដោយសារស្ថិតក្នុងតំបន់បិទខ្ទប់ស្ថិតចំណុចផ្ទះជួល បន្ទប់លេខ ១៣ ផ្លូវលំ ក្រុមទី៧ ភូមិថ្មី សង្កាត់ស្ទឹងមានជ័យទី១ ខណ្ឌមានជ័យនោះ ទទួលបានការឧបត្ថម្ភពីសម្តេចតេជោតាមរយះអភិបាល រាជធានីភ្នំពេញ លោក ឃួង ស្រេង ១០លានរៀលនិងបានបញ្ជាបញ្ជូនមកសម្រាកថែទាំ និងព្យាបាល នៅមណ្ឌលសុខភាព ស្ទឹងមានជ័យ ហើយ។
ខណៈចុះទៅពិនិត្យ ទីតាំងចាក់វ៉ាក់សាំង ជូនពលរដ្ឋ នៅតំបន់ក្រហម ក្នុងសង្កាត់បឹងសាឡាង ខណ្ឌទួលគោក នាព្រឹកថ្ងៃទី៩ ឧសភានេះលោកឃួងស្រេងឲ្យដឹងថាកាលពីយប់ ថ្ងៃទី៨ ឧសភានេះ ខណៈទទួលបានព័ត៌មាន ពាក់ព័ន្ធនឹងនារី វ័យក្មេងម្នាក់ សម្រាលកូនដោយខ្លួនឯង នៅខណ្ឌមានជ័យ លោកក៏បានចាត់ឱ្យអភិបាល ខណ្ឌមានជ័យ និងប្រធានមន្ទីរសុខាភិបាល រាជធានីភ្នំពេញ ទាំងយប់ឱ្យចុះទៅទីតាំង កើតហេតុភ្លាមៗ ដើម្បីបញ្ជូននារីម្នាក់នេះ មកសម្រាកថែទាំ និងព្យាបាល នៅមណ្ឌល សុខភាពស្ទឹងមានជ័យ ។លោកបានបញ្ជាក់ថា៖ ក្នុងនាមជាអាណាព្យាបាល របស់ប្រជាពលរដ្ឋ នៅក្នុងតំណាក់ កាលនេះ យើងបានបំពេញការងារ រាប់ពាន់ជំពូក ។ ដូច្នេះ បើមានបញ្ហាអ្វីសូមរាយ ការណ៍ មកអាជ្ញាធរយើង នឹងចុះជួយភ្លាមៗ ។
មន្ត្រីខណ្ឌមានជ័យឲ្យដឹងថា នៅវេលាម៉ោង ១១និង៤៥នាទីយប់ ថ្ងៃទី៨ ខែឧសភា ឆ្នាំ២០២១ លោក ពេជ្រ កែវមុនី អភិបាល នៃគណៈអភិបាល ខណ្ឌមានជ័យ តំណាងដ៏ខ្ពង់ខ្ពស់ លោក ឃួង ស្រេង អភិបាល នៃគណៈអភិបាលរាជធានីភ្នំពេញ បាននាំយកថវិកា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ កម្ពុជា ចំនួន ១០ លានរៀល យកទៅ ជូនប្អូនស្រី ញាណ ចាន់ស៊ីណា ដែលបានសម្រាលកូន ដោយខ្លួនឯង ស្ថិតនៅចំណុច ផ្ទះជួល បន្ទប់លេខ ១៣ ផ្លូវលំ ក្រុមទី៧ ភូមិថ្មី សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ដែលត្រូវបានក្រុមការងារ សង្កាត់ ភូមិបញ្ជូនមកសម្រាកថែទាំ និងព្យាបាល នៅមណ្ឌលសុខភាព ស្ទឹងមានជ័យ ។
នាង ញាណ ចាន់ស៊ីណា ភេទស្រី អាយុ ១៧ឆ្នាំ មុខរបរ នៅផ្ទះ បានឆ្លងទន្លេ ដោយខ្លួនឯង បានកូនស្រីម្នាក់ នៅក្នុង បន្ទប់ជួល ជាមួយម្តាយបង្កើត ដោយពុំមាន អ្នកណាដឹង ព្រោះដោយសារគាត់ ទើបតែឆ្លងទន្លេ កូនស្រីទី១ បាន ១០ ខែប៉ុណ្ណោះ។ នៅពេលមាន ទម្ងន់ កូនស្រីទី២នេះ នាងមិនដឹងខ្លួនឡើយ សូម្បីអ្នកជិតខាង នៅក្បែរបន្ទប់គ្នា ក៏មានការងឿងឆ្ងល់ដែរ ដោយមិនដែលបានដឹងថា គាត់មានទម្ងន់ កូនទី២នោះទេ ស្មានតែគាត់ ឈឺក្រពះ។សូមបញ្ជាក់ដែរថាបើតាមហ្វេសប៊ុកលោកឧកញ៉ាម៉ុងរិទ្ធីពេលឃើញរូបភាពវីដេអូឡាលោកក៏បានផ្ញើលុយ១០០ដុល្លារតាមធនារអេព៊ីអេឲ្យស្ត្រីក្មេងនោះផងដែរតែលោកមិនដឹងថាដល់ឬមិនដល់ទេ?។