បាក់អគារ៧ជាន់នៅក្រុងព្រះសីហនុក្លាយជាសោកនាដកម្មជាតិព្រះមហាក្សត្រនាយករដ្ឋមន្ត្រីបក្សប្រឆាំងនិងមហាជនសោកស្តាយឈឹចាប់!រងចាំមើលអ្នកទទួលទោស!
27-March-2024 / ព័ត៌មានជាតិ
ភ្នំពេញ៖ឧបទ្ទវហេតុរលំអគារកម្ពស់៧ជាន់ កាលពីព្រឹកព្រលឹមថ្ងៃទី២២ ខែមិថុនា ឆ្នាំ២០១៩នៅក្រុងព្រះសីហនុដែលជាសម្បុកអ្នករកស៊ីជនជាតិចិនបានក្លាយជាសោកនាដកម្មជាតិលើកទី២បន្ទាប់ពីព្រឹត្តិការណ៍មនុស្សជាន់គ្នាលើស្ពាន់កោះពេជ្របណ្តាលឲ្យមានមនុស្សចាង៣០០នាក់ស្លាប់។
គិតមកដល់ម៉ោង១១៖៣០ព្រឹកថ្ងៃទី២៣ ខែមិថុនា ឆ្នាំ២០១៩នេះ ចំនួនអ្នកស្លាប់ដោយសារការបាក់រលំអគារ៧ជាន់សង់គ្មានច្បាប់នេះ បានកើនឡើងដល់ចំនួន១៨នាក់ (ស្រី៤នាក់) និងអ្នករងរបួសចំនួន២៤រូប (ស្រី២នាក់) ខណៈក្រុមជួយសង្គ្រោះរាប់រយនាក់ កំពុងបន្តប្រតិបត្តិការយ៉ាងយកចិត្តទុកដាក់ស្វែងរកជនរងគ្រោះដែលសង្ស័យថា នៅកំពុងជាប់ក្នុងគំនរអាគារ។
តាមរយៈសំណេរខ្លីអមដោយរូបភាពជាច្រើនសន្លឹករំលេចឡើងក្នុងបណ្ដាញសង្គមហ្វេសបុក ព្រះមហាក្សត្រកម្ពុជា ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី បានថ្លែងសារចូលរួមរំលែកមរណៈទុក្ខ ជាមួយក្រុមគ្រួសារនៃសព ព្រមទាំងជាមួយ ប្រជានុរាស្ត្រទូទាំងព្រះរាជាណាចក្រកម្ពុជា។ ព្រះមហាក្សត្របានចាតទុកករណិយ៍ ឧប្បត្តិវហេតុបាក់រលំអាគារគឺជាករណីដ៏រន្ធត់!។
នៅនៅថ្ងៃទី២៣ ខែមិថុនា នេះដែរលោក កឹម សុខា អតីតប្រធាននៃអតីតគណបក្សសង្គ្រោះជាតិ ដែលជាប់ទោសក្បត់ជាតិហើយត្រូវបានតុលាការបិទសិទ្ធិសេរីភាពមិនឲ្យចេញពីផ្ទះ នោះ ក៏បានថ្កោលទោសតាមរយៈហ្វេសប៊ុកចំពោះករណីបាក់រលំអគារគ្មានច្បាប់កម្ពស់៧ជាន់ សង្កត់កម្មករស្លាប់១៨នាក់ ផងដែរ ។ លោក កឹម សុខា នេះ លោក ថ្លែងថា “ខ្ញុំក៏សូមអំពាវនាវឲ្យមានការផ្តល់យុត្តិធម៌ជូនជនរងគ្រោះដោយផ្តល់សំណងនិងផ្តន្ទាទោសចំពោះអ្នកទទួលខុសត្រូវទាំងឡាយដែលពាក់ព័ន្ធឲ្យបានសមរម្យ ហើយក៏សូមឲ្យរកមូលហេតុដែលបង្កឲ្យមានគ្រោះថ្នាក់ និងមានវិធានការបង្ការទប់ស្កាត់កុំឲ្យហេតុការណ៍បែបនេះកើតមានដដែលៗតទៅទៀត”។
ជាមួយគ្នានេះអ្នកនយោបាយក្នុងក្រុមប្រឹក្សាពិគ្រោះយោបល់និង មហាជនបានសំណូមពរដល់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ប្រើអភិក្រមទី៥ វះកាត់ មន្ត្រីពាក់ព័ន្ធនៅខេត្តព្រះសីហនុ ដែលខ្វះសមត្តភាពឬពុករលួយបណ្តោឲ្យកើតមានបញ្ហាសោកនាដកម្មនេះ។កន្លងមក សម្តេចតេជោ ហ៊ុន សែន ក៏ធ្លាប់ប្រើអភិក្រមទី៥វះកាត់ អភិបាលរងខេត្តព្រះសីហនុ២រូប ផងដែរ ជុំវិញជិះជាន់ប្រជាពលរដ្ឋ ពាក់ព័ន្ធបញ្ហាដីធ្លី ។
ជាក់ស្តែងអភិបាលរងខេត្តព្រះសីហនុ២នាក់ត្រូវបានដកចេញពីតំណែងព្រោះបណ្តោយមានមានប្រជាពលរដ្ឋរងរបួសព្រោះរឿងបង្ក្រាបទំនាស់ដីធ្លី។នៅក្នុងសាររំលែកទុក្ខនរងគ្រោះ លោក ស ខេង បានសន្យាថា៖ «តាមរយៈយន្ដការអន្ដរក្រសួង ខ្ញុំនឹងចាត់វិធានការជាក់ស្ដែងចំពោះមុខដទៃទៀត ដោយត្រូវបន្ដជំរុញស្រាវជ្រាវ និងស្វែងរកឲ្យឃើញនូវមូលហេតុដើម ដែលនាំឲ្យកើតមានសោដនាដកម្មដ៏អាណោចអាធម្មនេះ ព្រមទាំងចាត់វិធានការលើបុគ្គលពាក់ព័ន្ធ ដើម្បីទទួលខុសត្រូវតាមច្បាប់»។ចៅហ្វាយខេត្តលោកយន្តមីនបានបង្កើតគណកម្មការស្រាវជ្រាវមួយដឹកនាំដោយអភិបាលរងខេត្តតែគេមិនទាន់សង្ឃឹមថារកអ្នកទទួលត្រូវនៅពីក្រោយសំណង់ដែលបន្តសង់ដោយគ្មានច្បាប់នោះឡើយ។
ទោះជាយ៉ាងនាយករដ្ឋមន្ត្រីបានទម្លាក់កំហុសទៅលើម្ចាស់សំណង់ដែលមកដល់ពេកនេះមិនទាន់ចេញសំណង១រៀលនៅឡើយ។សម្រាប់នាយករដ្ឋមន្ត្រី សម្តេចតេជោ ហ៊ុន សែនបន្ទាប់ពីបានវិលត្រឡប់ពីកិច្ចប្រជុំកំពូលអាស៊ាននៅស្រុកសៀមនៅយប់ថ្ងៃទី២៣ ខែមិថុនា ឆ្នាំ២០១៩នេះ បានបញ្ជាក់នៅលើ Facebook ថា «ពេលនេះខ្ញុំកំពុងធ្វើរដំណើរទៅកាន់ខេត្តព្រះសីហនុ ដើម្បីចូលរួមក្នុងកិច្ចខិតខំប្រឹងប្រែងរុករក និងសង្គ្រោះជាបន្តជាមួយបងប្អូនដែលកំពុងធ្វើការនៅទីនោះស្រាប់»។
សូមជម្រាបថា តាមេយ:ហ្វេសប៊ុកសម្តេចតេជោបញ្ជាក់ថា:សោដនាដកម្មបាក់អាគារនៅខេត្តព្រះសីហនុគឺជារឿងឈឺចាប់របស់ជាតិយើង ពិសេសក្រុមគ្រួសារនៃអ្នកដែលបានបាត់បង់ជិវិតដែលជាភរិយាឬស្វាមីឬកូនឬឪពុកម្តាយ។ល។ដើម្បីចូលរួមមរណៈទុក្ខនិងជួយដល់ជីវភាពក្រុមគ្រួសារក្នុងនាមរាជរដ្ឋាភិបាលខ្ញុំសម្រេចបញ្ចេញថវិកាជាតិជួយដល់ក្រុមគ្រួសារអ្នកស្លាប់ក្នុងមួយនាក់៤០លានរៀល(សែសឹបលានរៀល)ឬ១ម៉ឺនដុល្លារអាមេរិក(10.000$)។
សម្រាប់អ្នកត្រូវរបួសទាំងអស់ត្រូវទទួលបានការព្យាបាលដោយឥតគិតថ្លៃនៅតាមមន្ទីរពេទ្យរដ្ឋនិងទទួលបានជំនួយក្នុងមួយនាក់ចំនួន៥លានរៀល(ប្រាំលានរៀល)។ឯកឧត្តម ប៊ិន ឈិន ឧបនាយករដ្ឋមន្ត្រីប្រចាំការនិងជារដ្ឋមន្ត្រីទីស្តីការគណៈរដ្ឋមន្ត្រីទទួលចាត់ចែងថវិកានេះជូនបងប្អូន។
នៅរសៀលថ្ងៃទី២៣ ខែមិថុនា ឆ្នាំ២០១៩នេះ គ្រួសារជនរងគ្រោះដែលបានស្លាប់បាត់បង់ជីវិត ដោយគំនរអគារកម្ពស់៧ជាន់សង្កត់លើ ស្ថិតនៅភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ បានមកអុជធូប ដើម្បីហៅព្រលឹងជនរងគ្រោះត្រឡប់ទៅស្រុកកំណើតវិញ។
