ឃុំនាយទាហ៊ាននិងមនុស្ស៣នាក់ជាប់ពាក់ពន្ធ័និងការក្លែងត្រានិងហត្ថលេខានាយករដ្ឋមន្ត្រីយកដីនៅឃុំព្រែកតាទែន
03-April-2024 / ព័ត៌មានជាតិ
ខេត្តកណ្តាលៈចាប់ខ្លួនផ្កាយបីយោធា និងបក្ខពួកចំនួន ៣នាក់ ពាក់ព័ន្ធករណីក្លែងហត្ថលេខា និងត្រា របស់សម្តេចតេជោ ហ៊ុន សែន នាយករដ្ឋមន្ត្រី និងធ្វើលិខិត ស.ជ.ណ ពាក់ព័ន្ធដីទំហំ ៨.៦០ហិកតា ស្ថិតនៅភូមិស្លែងដីដុះ ឃុំព្រែកតាទែន ស្រុកពញាឮ ខេត្តកណ្តាល ក្នុងតម្លៃ ១លាន ៥សែនដុល្លារ។
ជនសង្ស័យទាំង អស់ត្រូវបានបញ្ជូនទៅសាលាដំបូងខេត្តកណ្តាលនៅថ្ងៃទី២៧ ខែកុម្ភៈ នេះ ដោយតុលាការបានសម្រេចឃុំខ្លួនដាក់ពន្ធនាគារ។
ជនសង្ស័យ០៤នាក់ដែលចាប់ខ្លួបរួមមាន:១.ឈ្មោះ យ៉ែម សារឿន ភេទប្រុស អាយុ៦៥ឆ្នាំ ជនជាតិខ្មែរ ទីលំនៅបច្ចុប្បន្នភូមិស្លែងដីដុះ ឃុំព្រែកតាទែន ស្រុកពញាឮ ខេត្តកណ្តាល។២.ឈ្មោះ សួន ផល្លី ហៅ ប្រឹមប្រិយ៍ ភេទប្រុស អាយុ៥៤ឆ្នាំ ជនជាតិខ្មែរ ទីលំនៅបច្ចុប្បន្ន ភូមិព្រៃដើមថ្នឹង៣ ឃុំព្រៃដើមថ្នឹង ស្រុកស៊ីធរកណ្តាល ខេត្តព្រៃវែង។៣.ឈ្មោះ មាស ភូរិន្ទ ភេទប្រុស អាយុ២៦ឆ្នាំ ជនជាតិខ្មែរទីលំនៅបច្ចុប្បន្ន ភូមិក្បាលទំនប់ សង្កាត់បឹងទំពុន ខណ្ឌមានជ័យ រាជធានីភ្នំពេញ។
៤.ឈ្មោះយ៉ាន់ ចំណាប់ ភេទប្រុស អាយុ៥៥ឆ្នាំ ជនជាតិខ្មែរ ទីលំនៅបច្ចុប្បន្ន ភូមិក សង្កាត់ច្រាំងចម្រេះទី២ ខណ្ឌឬស្សីកែវ រាជធានីភ្នំពេញ។
វត្ថុតាងដកហូតរួមមាន : អាវយោធាដៃខ្លី ដែលមានផ្លាកឈ្មោះ ឧ.យ៉ាន់ ចំណាប់ និងឋានន្តរស័ក្តិផ្កាយ៣ ០១គូរ។ទូរសព្ទដៃ ០៧គ្រឿង រថយន្ត ០៤គ្រឿង (Land Cruiser ០១គ្រឿង Lexus 330 ០២គ្រឿង និងMercedes ០១គ្រឿង) អាវុធខ្លី ០១ដើម និងឯកសារវត្ថុតាងមួយចំនួន។
ជនជាប់ចោទទាំង ៤នាក់ ត្រូវបានលោករស់ ផុនចាន់និមល ចៅក្រមស៊ើបសួរសាលាដំបូងខេត្តកណ្តាល សម្រេចនៅថ្ងៃទី២៧ ខែកុម្ភៈ ឆ្នាំ២០២០នេះរួមឈ្មោះយ៉ាន់ ចំណាប់ ត្រូវបានដាក់ឲ្យស្ថិតនៅក្រោមការពិនិត្យរបស់តុលាការពីបទបន្លំឯកសារសាធារណៈ ប្រើប្រាស់ឯកសារសាធារណៈក្លែង (ក្លែងលិខិត ក្លែងហត្ថលេខា និងត្រារបស់សម្តេចនាយករដ្ឋមន្ត្រី) ប្រើប្រាស់នូវឯកសណ្ឋានជាអាទិ៍ ដែលមានភាពប្រហាក់ប្រហែលនិងយោធា និងកាន់កាប់អាវុធដោយគ្មានការអនុញ្ញាត។
ឈ្មោះ សួន ផល្លី , ឈ្មោះ យ៉ែម សារឿន ត្រូវបានដាក់ឲ្យស្ថិតនៅក្រោមការពិនិត្យពីបទប្រើប្រាស់ឯកសារសាធារណៈក្លែង។ឈ្មោះ មាស ភូរិន្ទ ត្រូវបានដាក់ឲ្យស្ថិតនៅក្រោមការពិនិត្យពីបទសមគំនិតក្នុងអំពើប្រើប្រាស់ឯកសារសាធារណៈក្លែង.។
ឈ្មោះ យ៉ាន់ ចំណាប់ បានឱ្យដឹងថា នៅថ្ងៃទី២០ ខែមករា ឆ្នាំ២០២១ ខ្លួនបានទទួលការពឹងពាក់ពីឈ្មោះ សួន ផល្លី រត់ការរឿងដីធ្លីរបស់ប្រជាជន ៣១គ្រួសារដែលស្ថិតនៅចំណុចបឹងកញ្ច្រាំ ទំហំ ៨.៦០ហិកតា នៅភូមិស្លែដីដុះ ឃុំព្រែកតាទែន ស្រុកពញាឮ ខេត្តកណ្តាល ដើម្បីធ្វើ ស.ជ.ណ របស់រាជរដ្ឋាភិបាលដោយឈ្មោះ សួន ផល្លី សន្យាថា នឹងឱ្យប្រាក់ទៅខ្លួន ៥០.០០០$ ក្រោយពីធ្វើបានសម្រេច តែខ្លួនបានទារលុយមុនចំនួន១០.០០០$ ។ ដល់ថ្ងៃទី២៧ ខែមករា ឆ្នាំ២០២១ ឈ្មោះ សួន ផល្លី បានទូរស័ព្ទណាត់ខ្លួនទៅជួបនៅហាងកាហ្វេដដែល និងបានប្រគល់ប្រាក់ចំនួន ១០.០០០$ ទៅឱ្យខ្លួនដើម្បីរត់ការ។
បន្ទាប់មកខ្លួនក៏បានទៅជួបអ្នកកាត់តឯកសារ ដែលស្គាល់គ្នានៅហាងកាហ្វេមួយកន្លែង ដើម្បីឲ្យកាត់តឯកសារធ្វើ ស.ជ.ណ ដោយព្រមព្រៀងគ្នាក្នុងតម្លៃ ១០០$។ ដល់ថ្ងៃទី២៨ ខែមករា ឆ្នាំ២០២១ អ្នកកាត់តបានផ្ញើរូបភាពលិខិតបង្គាប់ការ គ្មានលេខ គ្មានត្រា គ្មានហត្ថលេខា មកឱ្យខ្លួន។ ខ្លួនក៏ផ្ញើបន្តទៅឱ្យឈ្មោះ សួន ផល្លីមើល។ ក្រោយពីព្រមព្រៀងគ្នាលើខ្លឹមសារហើយ ខ្លួនក៏បានឱ្យអ្នកកាត់ត នោះធ្វើលិខិតបង្គាប់ការ ដោយមានលេខ ឈ្មោះ ត្រា និងហត្ថលេខា របស់សម្តេចតេជោ ហ៊ុន សែន ដែលចុះថ្ងៃទី២៨ ខែមករា ឆ្នាំ២០២១។
ក្រោយមកទៀតខ្លួនបានថតចម្លងលិខិតនេះ ហើយណាត់ជួបឈ្មោះ សួន ផល្លី ដើម្បីប្រគល់លិខិតនេះឱ្យទៅគាត់ និងទទួលបានប្រាក់កក់ ពីឈ្មោះ សួន ផល្លី ១០.០០០$ ទៀត។ រយៈពេលប្រហែលមួយសប្តាហ៍ក្រោយមក ឈ្មោះ សួន ផល្លី បានទាក់ទងសួរអំពីលិខិតច្បាប់ដើម ខ្លួនក៏បានកុហកឈ្មោះ សួន ផល្លី ថា ម្តងថ្ងៃនេះ ម្តងថ្ងៃនោះ មិនបានប្រគល់ច្បាប់ដើមឲ្យទេ។
លទ្ធផលស្រាវជ្រាវ ឈ្មោះ យ៉ាន់ ចំណាប់ ពិតជាបានធ្វើលិខិតបង្គាប់ការ លេខ ០៣៨ អអរ/២១ ចុះថ្ងៃទី២៦ ខែមករា ឆ្នាំ២០២១ចុះហត្ថលេខាដោយ សម្តេចតេជោ នាយករដ្ឋមន្ត្រី (ឯកសារក្លែងក្លាយ) និង បានយកលិខិតបង្គាប់ការនេះទៅឲ្យឈ្មោះ សួន ផល្លី ប្រើប្រាស់កាលពីថ្ងៃទី២៨.០១.២០២១ ពិតប្រាកដមែន។
ឈ្មោះសួន ផល្លី ក៏បានយកលិខិតបង្គាប់ការនេះដដែលទៅឲ្យឈ្មោះ យ៉ែម សារឿន ប្រើប្រាស់ពិតប្រាកដមែន។ឯឈ្មោះយ៉ែម សារឿន បានយកលិខិតនេះទៅឲ្យឈ្មោះម៉េង ដើម្បីយកទៅសួរ ស្មៀន ឃុំព្រែកតាទែន ស្រុកពញាឮ ខេត្តកណ្តាល ដើម្បីដាក់ឲ្យអនុវត្ត ។ ការធ្វើលិខិតបង្គាប់ការនេះជាថ្នូរនឹងការផ្តល់ប្រាក់ត្រឡប់មកវិញឈ្មោះយ៉ែម សារឿន ផ្តល់ប្រាក់ ចំនួន២១.០០០$ (ពីរម៉ឺនមួយពាន់ដុល្លារ) ទៅឲ្យឈ្មោះសួន ផល្លី ហើយឈ្មោះសួន ផល្លី បានយកប្រាក់ ចំនួន២០.០០០$ (ពីរម៉ឺនដុល្លារ)ឲ្យទៅឈ្មោះ យ៉ាន់ ចំណាប់ កាលពីថ្ងៃទី១៨.០១.២០២១ វេលម៉ោង ១៣និង០០នាទី ។
បើតាមកិច្ចសន្យាធ្វើឡើងរវាងឈ្មោះយ៉ែម សារឿន និងឈ្មោះសួន ផល្លី នៅពេលណាដែលឈ្មោះសួន ផល្លី រត់ការបានសម្រេច លើការស្នើរសុំ ស.ជ.ណ ពីរាជរដ្ឋាភិបាល និងធ្វើប័ណ្ណកម្មសិទ្ធិ នៃដីទំហំប្រហែល៨.៦០ហិចតា ដែលមានទីតាំងស្ថិតនៅ ភូមិស្លែងដីដុះ ឃុំព្រែកតាទែន ស្រុកពញាឮ ខេត្តកណ្តាល គឺតម្រូវឲ្យឈ្មោះយ៉ែម សារឿន ផ្តល់ប្រាក់ចំនួន ១.៥០០.០០០$ (មួយលានហាសិបម៉ឺនដុល្លារ) ទៅឲ្យឈ្មោះសួន ផល្លី ។
