បន្ទាប់ពីកាណាដាមន្ត្រីសេតវិមានប្រតិកម្មចំពោះការជាប់ព័ន្ធរបស់មន្ត្រីរដ្ឋាភិបាលឥណ្ឌាក្នុងការប៉ុនប៉ងធើ្វឃាតលើក្រុមផ្តាច់ខ្លួននិកាយសិក្ខ
06-August-2026 / ព័ត៌មានអន្តរជាតិ
អាម៉េរិក៖ មន្ត្រីអ្នកនាំពាក្យសេតវិមាន លោក John Kirby ថ្លែងចាត់ទុកថាជារឿងមួយដ៏ធ្ងន់ធ្ងរនិងគួរព្រួយបារម្ភសម្រាប់កិច្ចទំនាក់ទំនងរវាងអាម៉េរិកនិងឥណ្ឌា នៅស្របពេលលទ្ធផលនៃការស៊ើបអង្កេតមួយទៅលើជនសង្ស័យមួយរូបដែលមានទំនាក់ទំនងជិតស្និទជាមួយមន្ត្រីរដ្ឋាភិបាលឥណ្ឌា លោក Nikhil Gupta គឺបានបង្ហាញពីការជាប់ពាក់ព័ន្ធនៅក្នុងផែនការមនុស្សឃាតទៅលើលោក Singh Pannun ត្រូវជាសកម្មជននយោបាយនិកាយសិក្ខ (Sikh) ដ៏ល្បីឈ្មោះមួយរូបក្នុងទីក្រុងញូវយ៉ក។
រដ្ឋអាជ្ញាសហព័ន្ធនៅសង្កាត់ Manhattan របស់ទីក្រុងញូវយ៉កបានឱ្យដឹងថា លោក Nikhil Gupta មានអាយុ ៥២ឆ្នាំ ជាមន្ត្រីទទួលបន្ទុកផ្នែកកិច្ចការសន្តិសុខនិងចារកម្មរបស់រដ្ឋាភិបាលឥណ្ឌា ដោយលោកគឺជាអ្នករៀបចំបញ្ហាពីចម្ងាយទៅលើក្រុមមន្ត្រីសម្ងាត់របស់ខ្លួនដែលរស់នៅលើទឹកដីអាម៉េរិកដើម្បីរៀបចំផែនការធើ្វឃាតទៅលើក្រុមផ្តាច់ខ្លួននិកាយសិក្ខរូបណាដែលសកម្មក្នុងការដឹកនាំចលនាទាមទារឯករាជ្យនៅក្នុងតំបន់ភាគខាងជើងប្រទេសឥណ្ឌា ដែលគេស្គាល់ថាជាចលនា Khalistan ។សូមបញ្ជាក់ថាកាលពីខេកញ្ញាកន្លងទៅនេះប្រទេសកាណាដានិងឥណ្ឌាក៏មានអារិះភាពជាមួយគ្នាលើករណីយ៍សម្លាប់សកម្មជនជជនជាតិសិក្ខក្នុងប្រទេសកាណាដាផងដែរ។
ប្រទេសឥណ្ឌា បានផ្អាកសេវាកម្មទិដ្ឋាការនៅក្នុងប្រទេសកាណាដា ដោយបង្កើនភាពតានតឹងផ្នែកការទូតរបស់ខ្លួនជាមួយទីក្រុងអូតាវ៉ា ជុំវិញការសម្លាប់មេដឹកនាំស៊ីកកាណាដា។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នៅថ្ងៃទី២១ ខែកញ្ញា ឆ្នាំ២០២៣។ទីភ្នាក់ងារឥណ្ឌា BLS ដែលផ្តល់សេវាកម្មសុំទិដ្ឋាការសម្រាប់ជនជាតិកាណាដា បាននិយាយនៅលើគេហទំព័ររបស់ខ្លួនថា «ដោយសារតែហេតុផលប្រតិបត្តិការ ចាប់ពីថ្ងៃទី ២១ ខែកញ្ញា ឆ្នាំ ២០២៣ នេះសេវាកម្មទិដ្ឋាការឥណ្ឌា នឹងត្រូវបានផ្អាកបណ្តោះអាសន្ន រហូតដល់មានការជូនដំណឹងសាជាថ្មី»។
ការផ្អាកនេះបានធ្វើឡើង បន្ទាប់ពីទីប្រឹក្សារបស់រដ្ឋាភិបាលឥណ្ឌាកាលពីថ្ងៃពុធ បានព្រមានពលរដ្ឋរបស់ខ្លួននៅក្នុងប្រទេសកាណាដា កុំឱ្យធ្វើដំណើរទៅកាន់តំបន់ដែលងាយនឹងធ្វើសកម្មភាពប្រឆាំងនឹងឥណ្ឌា។
ទាក់ទងរឿងនេះប្រទេសកាណាដាបានបណ្ដេញអ្នកការទូតកំពូលឥណ្ឌាម្នាក់ ពីបទជាប់ពាក់ព័ន្ធក្នុងការធ្វើឃាតមេដឹកនាំសាសនាស៊ីគ (Sikh) ដែលជនជាតិភាគតិចកាណាដា លោក Hardeep Singh Nijjar។ ប្រទេសឥណ្ឌាបានប្រតិកម្មតបវិញ ដោយការបណ្តេញអ្នកការទូតជាន់ខ្ពស់កាណាដាម្នាក់វិញផងដែរ ដោយលើកឡើងពីការព្រួយបារម្ភកាន់តែខ្លាំងឡើងរបស់រដ្ឋាភិបាលឥណ្ឌាចំពោះការជ្រៀតជ្រែករបស់អ្នកការទូតកាណាដា នៅក្នុងបញ្ហាផ្ទៃក្នុងរបស់ឥណ្ឌា និងការជាប់ពាក់ព័ន្ធរបស់ពួកគេក្នុងសកម្មភាពប្រឆាំងឥណ្ឌា។
គួរបញ្ជាក់ថា លោក ហាឌីប សាញ នីចចា (Hardeep Singh Nijjar) វ័យ ៤៥ឆ្នាំ ដែលជាមេដឹកនាំផ្ដាច់ខ្លួនជនជាតិភាគតិច ស៊ីគ (Sikh) ត្រូវគេបាញ់សម្លាប់កាលពីថ្ងៃទី១៨ ខែមិថុនា នៅឯជាយក្រុង វេនខូវឺ (Vancouver) នៃខេត្ត British Columbia ជាទីដែលមានជនជាតិភាគតិចស៊ីគរស់នៅច្រើន។ លោក នីចចា (Nijjar) បានដឹកនាំក្រុមនេះក្នុងទម្រង់ជា រដ្ឋឯករាជ្យមួយ ដែលឥណ្ឌាចាត់ទុកថាជាក្រុមភេរវករ នៅក្នុងខែកក្កដា ឆ្នាំ២០២០។នាយករដ្ឋមន្ត្រីកាណាដា លោក Justin Trudeau បានប្រាប់សភាកាលពីថ្ងៃចន្ទថា ភ្នាក់ងារសន្តិសុខជាតិកំពុងស៊ើបអង្កេត «ការចោទប្រកាន់ដ៏គួរឱ្យទុកចិត្ត» ដែលថា «ភ្នាក់ងាររបស់រដ្ឋាភិបាលឥណ្ឌា» អាចជាប់ពាក់ព័ន្ធក្នុងការសម្លាប់មេសាសនាស៉ីគ (Sikh) នៅខេត្ត British Columbia ប្រទេសកាណាដា កាលពីខែមិថុនា កន្លងទៅ។ រដ្ឋមន្ត្រីការបរទេសឥណ្ឌា លោក SubrahmanyamJaishankar បាននិយាយនៅមុននោះថា មាន «បរិយាកាសបែបអំពើហិង្សា និងបែបបំភិតបំភ័យ» ប្រឆាំងនឹងអ្នកការទូតឥណ្ឌានៅក្នុងប្រទេសកាណាដា ដែលមានក្រុមអ្នកកាន់សាសនាស៊ិខជាង ៧៧០ ០០០ នាក់ រស់នៅ។ប្រភពកាសែតបរទេស។
