រឿងរិះគន់គ្រាប់បែកចង្កោមអនុរដ្ឋមន្ត្រីក្រសួងការបរទេសអ៊ុយក្រែនហៅសមាជិកសភាអាល្លឺម៉ង់ម្នាក់ឲ្យចុះនរក!
10-August-2023 / ព័ត៌មានអន្តរជាតិ
អាល្លឺម៉ង់ ៖ អនុរដ្ឋមន្ត្រីការបរទេស អ៊ុយក្រែនលោក អង់ដ្រេ ម៉េលនិក (Andrey Melnik) បានប្រាប់សមាជិកសភាអាល្លឺម៉ង់ម្នាក់ដែលរិះគន់រឿងអាមេរិកឲ្យគ្រាបបែកចង្កោមឱ្យ “ទៅឋាននរក” ។ លោក អង់ដ្រេ ម៉េលនិក ធ្លាប់ធ្វើជាឯកអគ្គរដ្ឋទូតអ៊ុក្រែនប្រចាំប្រទេសអាល្លឺម៉ង់ ពីឆ្នាំ ២០១៥ រហូតដល់ខែតុលា ឆ្នាំមុន ជាកន្លែងដែលលោកបានដាក់ឈ្មោះខ្លួនឯងដោយការប្រមាថជាសាធារណៈដល់ម្ចាស់ផ្ទះអាល្លឺម៉ង់។
សារព័ត៌មាន RT ចេញផ្សាយនៅថ្ងៃទី៩ ខែកក្កដា ឆ្នាំ២០២៣ បានឱ្យដឹងថា សមាជិកសភាអាល្លឺម៉ង់លោក រ៉ាស់ ស្តេងហ្គ័រ (Ralf Stenger) ជាសមាជិកនៃគណបក្ស SPD របស់អធិការបតីអាល្លឺម៉ង់ លោក អូឡាស់ ស្កូល (Olaf Scholz)បានសរសេរនៅលើ Twitter កាលពីថ្ងៃសុក្រថា “ការប្រើប្រាស់គ្រាប់បែកចង្កោម” ត្រូវបានហាមឃាត់យ៉ាងត្រឹមត្រូវជាអន្តរជាតិ។ លោកបន្ថែមថា អ្នកដែល “ធ្វើសកម្មភាពក្នុងនាមសណ្តាប់ធ្នាប់ និងតម្លៃអន្តរជាតិ គឺមិនត្រូវផ្គត់ផ្គង់អាវុធបែបនេះទេ សូម្បីតែនៅអ៊ុយក្រែន”។
ប្រធានាធិបតីអាមេរិក លោក Joe Biden បានអនុញ្ញាតឱ្យចែកចាយគ្រាប់បែកចង្កោម ទៅកាន់ប្រទេសអ៊ុយក្រែន កាលពីថ្ងៃសុក្រទី៧កក្កដា បើទោះបីជារដ្ឋបាល របស់លោក Biden បានសំដៅទៅលើការប្រើប្រាស់ របស់គ្រាប់បែកទាំងនេះថាជា “ឧក្រិដ្ឋកម្មសង្គ្រាម” ដ៏មានសក្តានុពលកាលពីឆ្នាំមុនក៏ដោយ ។ពន្យល់ពីការ សម្រេចចិត្តនេះ, លោក Biden បានលើកឡើងពីការ ខ្វះខាតគ្រាប់រំសេវធម្មតា ដោយសារអត្រាប្រើប្រាស់ខ្ពស់ របស់អ៊ុយក្រែន ពេញមួយការវាយលុក ដែលកំពុងបន្តច្រើន ។
លោក ម៉េលនិក អនុរដ្ឋមន្ត្រីការបរទេសអ៊ុយក្រែន បានប្រតិកម្មយ៉ាងខឹងសម្បារ ចំពោះការលើកឡើង របស់ លោក របស់ ស្តេងហ្គ័រ ដែលជាសមាជិក សភាអាល្លឺម៉ង់ ។ លោកបានសរសេរ នៅលើ Twitter កាលពីថ្ងៃសៅរ៍ថា “ទៅកាន់ឋាននរកជាមួយ នឹងដំបូន្មានរបស់អ្នក, លោក រ៉ាស់ ស្តេងហ្គ័រ និងអ្នកផ្សេងទៀត” ។ “អ្នកមិនដឹងថា អ្នកកំពុងនិយាយអំពីអ្វីទេ ។ តើអ្នកធ្លាប់ធ្វើសង្គ្រាមនៅអ៊ុយក្រែន ៥០០ថ្ងៃដែរឬទេ? តើអ្នកបានដឹងពីការទទួលរងទុក្ខវេទនារបស់ប្រជាជនទេ? បើមិនអញ្ចឹងទេ អង្គុយលើសាឡុង ប៊ីឌ័រមៃអ័រ (Biedermeier) របស់អ្នកទៅ”។
ផ្ទុយពីសមាជិកសភា ប្រធានាធិបតីអាល្លឺម៉ង់ លោក Frank-Walter Steinmeier បានប្រាប់សារព័ត៌មាន ZDF នៅក្នុងបទសម្ភាសន៍មួយកាលពីថ្ងៃអាទិត្យថា រដ្ឋាភិបាលទីក្រុងប៊ែរឡាំងមិនអាច និងមិនគួរជ្រៀតជ្រែកជាមួយការសម្រេចចិត្តដ៏ចម្រូងចម្រាស របស់ទីក្រុងវ៉ាស៊ីនតោន ក្នុងការផ្គត់ផ្គង់គ្រាប់បែកចង្កោម ដែលត្រូវបានហាមឃាត់ នៅក្នុងទ្វីបអឺរ៉ុប ភាគច្រើន ដល់អ៊ុយក្រែននោះទេ ទោះបីជាជំហររបស់លោក ស្ថិតក្នុងតួនាទីនាំមុខ ក្នុងការចុះហត្ថលេខា របស់ប្រទេសអាល្លឺម៉ង់ ចំពោះកិច្ចព្រមព្រៀង ដែលហាមឃាត់អាវុធទាំងនេះក៏ដោយ។
សារព័ត៌មាន RT ចេញផ្សាយនៅថ្ងៃទី៩ ខែកក្កដា ឆ្នាំ២០២៣ បានឱ្យដឹងថា លោក Steinmeier បានបញ្ជាក់ដោយពន្យល់ថា លោកបានចុះហត្ថលេខា លើអនុសញ្ញា ស្តីពីគ្រាប់បែកចង្កោម ពេលកំពុងបម្រើការជា រដ្ឋមន្ត្រីការបរទេសក្នុងឆ្នាំ២០០៨ ថា “វាត្រឹមត្រូវណាស់ ដែលគ្រាប់បែកបែបនេះ ត្រូវបានហាមឃាត់ដោយរដ្ឋាភិបាលសហព័ន្ធ នៅប្រទេសអាល្លឺម៉ង់ ហើយថាប្រទេសអាល្លឺម៉ង់ប្រឆាំងនឹងការផ្គត់ផ្គង់បែបនេះ” ។
ប្រធានាធិបតីអាល្លឺម៉ង់រូបនេះបន្តថា “ប៉ុន្តែនៅក្នុងស្ថានភាពបច្ចុប្បន្ន យើងមិនអាចរារាំងសហរដ្ឋអាមេរិកបានទេ” សូម្បីតែខណៈដែលទទូចថា “ជំហររបស់អាល្លឺម៉ង់ប្រឆាំងនឹង ការប្រើប្រាស់គ្រាប់បែកចង្កោម គឺសមហេតុផលដូច ដែលធ្លាប់មានក៏ដោយ” ។
រឿងនេះក៏មានការព្រួយបារម្ភ នៅក្នុងចំណោមសម្ព័ន្ធមិត្ត របស់អាមេរិកខ្លួនឯងផងដែរ។, ប្រទេសកាណាដា ចក្រភពអង់គ្លេស អូទ្រីស និង អេស្បាញ បានចុះបញ្ជីការជំទាស់ របស់ពួកគេ ចំពោះសហរដ្ឋអាមេរិក ដែលបញ្ជូនអាវុធបែបនេះ ទៅអ៊ុយក្រែន ដោយលើកឡើងពីកំណត់ត្រា តាមដានអាវុធ ដែលគេស្គាល់ថា ធ្វើបាបជនស្លូតត្រង់ សូម្បីតែបន្ទាប់ពីសង្គ្រាមបានបញ្ចប់ក៏ដោយ។សូមបញ្ជាក់ដែរថាគ្រាប់បែកចង្កោមដែលគេទម្លាក់ពីលើយន្តហោះឬបច្ចុប្បន្នអាចបាញ់តាមកាំភ្លើងធំបាននោះគឺជាគ្រាប់បែកដែលប្រៀបដូចជាការរាយមីនចឹងដែរ។ព្រោះពេលទម្លាក់ឬបាញ់ផ្លោងចូលទីតាំងសត្រូវវាមិនផ្ទុះទេលើកលែងតែមនុស្សទៅប៉ះវា។សម្រាប់ការឈ្លនពានកាប់ដីអ៊ុយក្រែននេះកងទព័រុស្ស៊ីបានពង្រាយមីននិងប្រើគ្រាប់បែកចង្កោមផងដែរដែលជាមូលហេតុអ៊ុយក្រែនត្រូវការគ្រាប់បែកប្រភេទហ្នឹងដែរដើម្បីទប់ទល់ការឈ្លានពាន៕
