វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2622 នាក់
ម្សិលមិញ 6677 នាក់
សរុប 14150198 នាក់
សៀមរាប៖ យន្តហោះធុនធំប្រភេទ Boeing 777-200 ដឹកភ្ញៀវមកពីអូស្ត្រាលី បានចុះចតជាលើកដំបូងនៅអាកាសយានដ្ឋានអន្តរជាតិសៀមរាបអង្គ នៅយប់ថ្ងៃទី២៤ ខែវិច្ឆិកា ឆ្នាំ២០២៣នេះ ។
រដ្ឋលេខាធិការដ្ឋានអាកាសចរស៊ីវិល បានរៀបចំពិធីពិធីស្វាគមន៍ទទួលជើងហោះហើរដឹកជញ្ជូនអ្នកដំណើរចំនួន ២០៨នាក់ មកកាន់អាកាសយានដ្ឋានអន្តរជាតិសៀមរាបអង្គរ (Siem Reap Angkor International Airport) តាមជើងហោះហើរត្រង់ពីទីក្រុងស៊ីដនី (Sydney) ប្រទេសអូស្ត្រាលី ដោយប្រើប្រាស់យន្តហោះធុនធំ ប្រភេទប៊ូអ៉ីង (Boeing) 777-200។លោកបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋាន អាកាសចរណ៍ស៊ីវិល ថ្នាក់ដឹកនាំខេត្តសៀមរាប អាជ្ញាធរពាក់ព័ន្ធ និងប្រតិបត្តិករអាកាសយានដ្ឋានអន្តរជាតិ សៀមរាបអង្គរបានមានវត្តមានស្វាគមន៍ ក្រោយពីអាកាសយានដ្ឋានថ្មីសង់ដោយក្រុមហ៊ុនចិនមួយនេះ ត្រូវបានសម្ពោធដាក់ឱ្យប្រើប្រាស់កាលពីថ្ងៃទី១៦ ខែវិច្ឆិកា ឆ្នាំ២០២៣ ក្រោមអធិបតីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។
បណ្ឌិត ម៉ៅ ហាវណ្ណាល់ បានឲ្យដឹងថា នេះជាលើកដំបូងដែលព្រលានយន្តហោះថ្មីរបស់យើង ទទួលបានយន្តហោះខ្នាតធំដែលហោះហើរត្រង់ពីប្រទេសអូស្ត្រាលី ខណៈដែលព្រលានចាស់នៅខេត្តសៀមរាបរបស់យើង មិនធ្លាប់ទទួលពីមុន.។លោក លី វណ្ណៈ អ្នកនាំពាក្យខេត្តសៀមរាប ប្រាប់កាសែតថា នៅថ្ងៃទី២៤ ខែវិច្ឆិកា វេលាម៉ោង៦:៤០នាទីល្ងាច យន្តហោះ Boeing ដឹកអ្នកដំណើរចំនួនជាង ២០០នាក់ ចុះចតនៅព្រលានថ្មីខេត្តសៀមរាប។ ជាប្រភេទ Charter flight គឺដឹកអ្នកដំណើរមកមិនអចិន្ត្រៃយ៍ឡើយ ទាល់តែមានអ្នកដំណើរច្រើន ទើបគេហោះមកត្រង់ម្ដង.។
សូមបញ្ជាក់ថាអាកាសយានដ្ឋានអន្តរជាតិសៀមរាប-អង្គរ ដែលជាព្រលានយន្តហោះថ្មីអាចទទួលចុះចត យន្តហោះប្រភេទធុនធំប៊ូអ៊ីង Boeing747 និង Airbus A340 បានត្រូវ បានដាក់សម្ពោធ ឱ្យប្រើប្រាស់ជាផ្លូវនៅថ្ងៃទី១៦វិច្ឆិកាឆ្នាំ២០២៣ក្រោមអធិបតីភាពសម្តេចធិបតីហ៊ុនម៉ាណែត។ អាកាសយានដ្ឋានអន្តរជាតិសៀមរាប-អង្គរ ត្រូវបានចាប់ផ្តើមសាងសង់កាលពីខែមីនា ឆ្នាំ ២០២០ ក្រោមទុនវិនិយោគប្រមាណ១ពាន់ ១០០ លានដុល្លារអាមេរិក ដែលជាការវិនិយោគ BOT ក្នុង រយៈពេល ៥៥ឆ្នាំ។រាជរដ្ឋាភិបាលបានរៀបចំហេដ្ឋារចនាសម្ពន្ធ័នានានិងសម្រួលសេវានានតាមច្រកព្រុំដែនដោយរំពឹងថាឆ្នាំ២០២៤ជាឆ្នាំទេសចរណ៍នាមកនៅវចំណូលច្រើន។