មានការបង្ក្រាបបទល្មើសនេសាទហើយនៅកំពង់ឆ្នាំងបន្ទាប់ពីមានកាសែតសុំតែមិនធ្វើ
02-November-2023 / សេដ្ឋកិច្ច
កំពង់ឆ្នាំង៖បន្ទាប់ពីមានការចេញផ្សាយព័ត៌មានស្ដីអំពីក្រុមទូករុញហ្ស៊ីប(ជន៍)ខុសច្បាប់ចំនួន 5គ្រឿងដែលបានចេញធ្វើសកម្មភាពរុញចូកយកត្រីនៅចំណុចឡូត៍លេខ 2 ស្ទួនតំបន់កោះក្រញាណស្ថិតក្នុងឃុំឆ្នុកទ្រូស្រុកបរិបូណ៌កាលពីយប់ថ្ងៃទី 13 ខែវិច្ឆិកាឆ្នាំ 2023 មកលោកប្រធានមន្ទីរកសិកម្មខេត្តកំពង់ឆ្នាំងបាន ជំរុញការសហការជាមួយមន្ត្រីនគរបាលចុះបង្ក្រាបបទល្មើសនេសាទ និងព្រមានពិន័យរដ្ឋបាលចំពោះមន្ត្រីណាដែលមិនទទួលខុសត្រូវនៅក្នុងដែនសមត្ថកិច្ចរបស់ខ្លួនគ្រប់គ្រង.។
សមត្ថកិច្ចចម្រុះដឹកនាំដោយលោក ប្រាក់ លាងហួរ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងលោក តាត សីហាក់ ប្រធានផ្នែករដ្ឋបាលជលផលផ្សារឆ្នាំង នៅថ្ងៃទី១៥ ខែវិច្ឆិកា ឆ្នាំ២០២៣នេះ បានចុះបង្ក្រាបបទល្មើសនេសាទ ការដាក់របាំងលបនរ៉ាវដែលមានប្រវែងវែងៗ និង លបលូរបាំងសាច់អួនក្រឡាញ់ញឹកខុសច្បាប់ រួមទាំងរបាំងស្បៃមុងសរុបចំនួ ន៧កន្លែង នៅក្នុងភូមិសាស្ត្រទឹកដីឃុំឆ្នុកទ្រួ ស្រុកបរិបូរណ៌ ខេត្តកំពង់ឆ្នាំង។
យោងតាមរបាយការណ៍របស់សមត្ថកិច្ចចម្រុះបានឱ្យដឹងថា កម្លាំងសមត្ថកិច្ចចម្រុះក្នុងកិច្ចប្រតិបត្តិការបង្ក្រាបបទល្មើសនេសាទខាងលើនេះមានចំនួនជិត២០នាក់ ដោយបានប្រើប្រាស់មធ្យោបាយកាណូតបាឡាស្មាច់ចំនួន៣ គ្រឿង និងបានចុះបង្ក្រាបនៅទីតាំងក្នុងភូមិសេះស្លាប់ និងភូមិកំពង់ព្រះ ស្ថិតក្នុងឃុំឆ្នុកទ្រូ ស្រុកបរិបូរណ៌។សមត្ថកិច្ចចម្រុះបានកាប់បំផ្លាញចោលរបាំងលបលូសាច់អួនវែងៗរួមនិងរបាំងស្បៃមុងចំនួន៧កន្លែងដែលមានប្រវែងសរុបចំនួន១.៤០០ម៉ែត្រលបលូចំនួន១ ៤មាត់ បង្គោល៤០០ដើម និងចាក់លែងកូនត្រីដែលជាប់នៅក្នុងលបចូលទៅក្នុងទន្លេធម្មជាតិវិញចំនួន១០គីឡូផងដែរ។
សមត្ថកិច្ចបានបញ្ជាក់ឲ្យដឹងផងដែរថា យោងតាមច្បាប់ស្ដីពីជលផលការដាក់របាំងលបសាច់អួននិងរបាំងសាច់ស្បៃមុងគឺមិនត្រឹមត្រូវតាមច្បាប់កំណត់នោះឡើយ ក្នុងច្បាប់ស្ដីពីជលផលគឺអនុញ្ញាតឱ្យដាក់បានត្រឹមតែប្រវែង ៥០ម៉ែត្រប៉ុណ្ណោះ ដែលមានក្រឡាត្រឹមតែ៣ហ៊ុន ចំណែកការដាក់លើសប្រវែងកំណត់ខាងលើ និងប្រើឧបករណ៍ស្បៃមុងគឺច្បាប់មិនអនុញ្ញាតនោះឡើយ ដូច្នេះប្រជានេ សាទដែលដាក់របាំងលបសាច់អួនប្រវែងវែងៗរាប់រយ ឬរាប់ពាន់ម៉ែត្រ គឺត្រូវតែបង្ក្រាបដោយរុះរើចេញនិងដុតបំផ្លាញចោ លដោយមិនមានការលើកលែងជាដាច់ខាត ព្រោះកន្លងមកប្រជានេសាទនៅតាមសហគមន៍នានាសមត្ថកិច្ចធ្លាប់បានចុះធ្វើការអប់រំជាច្រើនលើកច្រើនសារួចមកហើយ ចំណែកសកម្មភាពការចុះបង្ក្រាបបទល្មើសនេសាទគឺបានរុះរើ និងកាប់បំផ្លាញចោល និងយកមកដុតកម្ទេចចោលបែបនេះ គឺបានអនុវត្តជារៀងរាល់ឆ្នាំ ប៉ុន្តែពួកគាត់មួយចំ នួនតូចនៅតែមិនព្រមរាងចាលឡើយ។
លោក ងិន ហ៊ុន ប្រធានមន្ទីរកសិកម្មរុក្ខាប្រ មាញ់និងនេសាទខេត្តកំពង់ឆ្នាំងនៅថ្ងៃទី១៦ ខែវិច្ឆិកាឆ្នាំ 2023 នេះលោកក៏បានបញ្ជាក់ប្រាប់អ្នកយកព័ត៌មានយើងតាមទូរសព្ទឲ្យដឹងដែរថា ដោយ សារតែប្រជានេសាទនៅរឹងរូសមិនព្រមរាងចាលបែបនេះហើយទើបនៅពេលថ្មីៗកន្លងទៅនេះលោ កប្រធានសង្កាត់នេសាទស្រុកជលគីរីម្នាក់ ត្រូវបានមន្ទីរកសិកម្មចេញសេចក្តីសម្រេចផ្លាស់ប្ដូរភារកិច្ចឲ្យមកធ្វើការនៅសង្កាត់នេសាទស្រុករលាប្អៀរវិញ ព្រោះតែមិនយកចិត្តទុកដាក់ក្នុងការចុះបង្ក្រាបបទល្មើសនេសាទនៅក្នុងដែនសមត្ថកិច្ចរបស់ខ្លួនគ្រប់គ្រងនៅក្នុងភូមិសាស្ត្រទឹកដីស្រុកជល់គីរី ករណីបើនៅតែមិនព្រមកែប្រែខ្លួននឹងត្រូវទទួលវិន័យរដ្ឋបាលតា មផ្លូវច្បាប់ជាបន្តទៀត។លោកបានបញ្ជាក់ឲ្យដឹងទៀតថា ការអនុវត្តធម៌ក្តៅបែប នេះ គឺជាការព្រមានដល់មន្ត្រីផ្សេងៗទៀត ឲ្យចេះទទួល ខុសត្រូវទៅតាមតួរនាទីនិងភារកិច្ចរបស់ខ្លួន បើពុំដូច្នោះទេបទល្មើសនេសាទ និងបទល្មើសផ្សេងៗទៀត ដែលមន្ត្រីជំនាញរដ្ឋបាលជលផលមានភារកិច្ចជាអ្នកទទួលខុសត្រូវ និងមិនអាចទប់ស្កាត់បាននោះឡើយ៕
