វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1694 នាក់
ម្សិលមិញ 4027 នាក់
សរុប 14154364 នាក់
បង់ក្លាដេស៖ កម្មករ-កម្មការិនីរោងចក្រកាត់ដេរ នៅក្នុងប្រទេសបង់ក្លាដេស បានប៉ះទង្គិចគ្នាជាមួយនឹងកងនគរបាលបង្ក្រាបកុប្បកម្មមួយឈុតនៅព្រឹកថ្ងៃអាទិត្យទី៥វិច្ឆិកានេះស្របពេលដែលការតវ៉ាសុំតម្លើងប្រាក់ឈ្នួលគោលឱ្យឡើងដល់កំរិត៣ដងនៃប្រាក់ឈ្នួលមូលដ្ឋាន។
សូមបញ្ជាក់ថានៅក្នុងប្រទេសបង់ក្លាដេសមានរោងចក្រកាត់ដេរប្រមាណជា ៣ពាន់ក្រុមហ៊ុននៅទូទាំងប្រទេស។ប្រទេសនេះបានធ្វើការនាំចេញសម្លៀកបំពាក់ប្រមាណជា ៨៥%ចេញទៅកាន់តំបន់អាស៊ីខាងត្បូងនិងក្រុមប្រទេសលោកខាងលិច ដែលគិតជាចំណូលនាំចេញប្រមាណជា ៥៥ពាន់លានដុល្លារអាម៉េរិកជាប្រចាំឆ្នាំ។នគរបាលជាតិបង់ក្លាដេស ឲ្យដឹងថា មានហាងលក់ដូរប្រមាណជា ៦០០កន្លែងផ្សេងទៀតទទួលរងនូវការដុតបំផ្លាញចេញពីការធ្វើកូដកម្មរបស់កម្មករកម្មការិនីកាលពីថ្ងៃសៅរ៍ចុងសប្តាហ៍នេះ។
ចំណុចកើតហេតុផ្ទុះអំពើហិង្សានេះបានកើតមានឡើងនៅក្នុងតំបន់អាសូលីយ៉ា ជាទីប្រជុំជនសំបូរទៅដោយធុរកិច្ចវាយនភណ្ឌ(សម្លៀកបំពាក់) បន្ទាប់ពីមានក្រុមកូដករប្រមាណជា១ម៉ឺននាក់បានសម្រុកទៅរារាំងមិនឱ្យមានដំណើរការធ្វើធុរកម្មប្រចាំថ្ងៃជាហេតុបង្កឱ្យមានការផ្ទុះនូវការប៉ះទង្គិចគ្នាតែម្តង។អាជ្ញាធរបង់ក្លាដេសបានលើកឡើងថា សមត្ថកិច្ចបានដាក់ពង្រាយកងនគរបាលប្រមាណជា ១,៥០០នាក់ដើម្បីបង្ក្រាបនឹងទប់ស្កាត់ការតវ៉ានេះ ខណៈដែលពុំមានសេចក្តីរាយការណ៍អំពីតួលេខនៃជនរងគ្រោះចេញពីអំពើហិង្សា និងខូចខាតទ្រព្យសម្បត្តិរបស់ស្ថាប័ននោះឡើយ រហូតមកទល់នឹងព្រឹកថ្ងៃអាទិត្យ ទី៥ ខែវិច្ឆិកានេះ៕
ប្រភព៖ AFP