វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1420 នាក់
ម្សិលមិញ 5304 នាក់
សរុប 14140946 នាក់
កូរ៉េខាងត្បូង ៖ ក្រុមហ៊ុនកូរ៉េខាងត្បូង ចំនួន៣ បានចុះហត្ថលេខាលើកិច្ចសន្យា ជាមួយរដ្ឋាភិបាលសហរដ្ឋអាមេរិក ដើម្បីនាំចេញនូវឧបករណ៍ធ្វើតេស្តរកមេរោគឆ្លងកូវីដ-១៩ ដោយការនាំចេញទំនងជានឹងធ្វើឡើងនៅសប្តាហ៍ក្រោយ។
បើតាមមន្ត្រីក្រសួងការបរទេសកូរ៉េ បានឲ្យកាសែតដឹងក្នុងលក្ខខណ្ឌអនាមិកថាក្រុមហ៊ុនទាំងនោះ បានទទួលការយល់ព្រមជាបណ្តោះអាសន្ន កាលពីខែមុន ពីរដ្ឋបាលចំណីអាហារ និងឪសថអាមេរិក សម្រាប់ការនាំចេញ បន្ទាប់ពីប្រធានាធិបតីអាមេរិក លោក ដូណាល់ ត្រាំ បានបង្ហាញក្តីសង្ឃឹម ក្នុងការនាំចូលឧបករណ៍វេជ្ជសាស្ត្រ ផលិតនៅប្រទេសកូរ៉េ ដើម្បីប្រយុទ្ធប្រឆាំងនឹងជំងឺរាតត្បាត COVID-19 ក្នុងអំឡុងពេលសន្ទនាតាមទូរស័ព្ទ ជាមួយលោកប្រធានាធិបតី មូន ជេអ៊ីន។ “ដំណើរការនៃក្រុមហ៊ុន ដែលធ្វើកិច្ចសន្យា ជាមួយរដ្ឋាភិបាល សហព័ន្ធសហរដ្ឋអាមេរិក ត្រូវបានបញ្ចប់ហើយ និងត្រៀមធ្វើការនាំចេញ”។
សូមបញ្ជាក់ថាចំនួនអ្នកស្លាប់ ដោយសារវីរ៉ុស COVID-19 បានកើនឡើងលើស៩៥,០០០នាក់ហើយ និងឆ្លងឡើងដល់ ១.៦លានករណី នៅទូទាំងពិភពលោក គិតត្រឹមរសៀលថ្ងៃព្រឹកថ្ងៃទី១០ ខែមេសា ឆ្នាំ២០២០នេះ។
១. អាមេរិក ករណីឆ្លងកើនដល់ ៤៦៨,៧១១ករណី, ស្លាប់សរុប ១៦,៦៩៧នាក់។២. អេស្ប៉ាញ ករណីឆ្លងកើនដល់ ១៥៣,២២២ករណី, ស្លាប់សរុប ១៥,៤៤៧នាក់។
៣. អ៉ីតាលី ករណីឆ្លងកើនដល់ ១៤៣,៦២៦ករណី, ស្លាប់សរុប ១៨,២៧៩នាក់។៤. អាល្លឺម៉ង់ ករណីឆ្លងកើនដល់ ១១៨,២៣៥ករណី, ស្លាប់សរុប ២,៦០៧នាក់។៥. បារាំង ករណីឆ្លងកើនដល់ ១១៧,៧៤៩ករណី, ស្លាប់សរុប ១២,២១០នាក់។