សភាថៃបោះឆ្នោតជ្រើសតាំងលោក Anutin ជានាយករដ្ឋមន្រ្តីហើយគណរដ្ឋមន្ត្រីថ្មីថៃនឹងចេញខែមេសា

ប្រទេសថៃ៖ នាថ្ងៃព្រហស្បតិ៍ ទី១៩ ខែមីនា រដ្ឋសភានៃប្រទេសថៃ បានបោះឆ្នោតជ្រើសតាំងលោកអានុទីៅនឆានវិរៈគុន( Anutin Charnvirakul) ជានាយករដ្ឋមន្រ្តី ក្រោយការបោះឆ្នោតសកល កាលពីខែកុម្ភៈ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។  

លោក Anutin ទទួលបានសំឡេងគាំទ្រលើសពី២៥០សំឡេង ដែលចាំបាច់ដើម្បីជាប់ជានាយករដ្ឋមន្រ្តី ក្នុងការបោះឆ្នោតនៅសភា។ គណបក្សភូមិចៃថៃរបស់លោក បានឈ្នះអាសនៈចំនួន១៩១ ក្នុងចំណោមអាសនៈទាំង៥០០នៅក្នុងសភា។ ក្រោយការបោះឆ្នោតសកលថ្ងៃ៨កុម្ភៈ គណបក្សរបស់លោក បានបង្កើតក្រុមចម្រុះជាមួយគណបក្សនយោបាយសរុបចំនួន១៦ ក្នុងនោះរួមមានទាំងបក្សភឿថៃ ដែលឈ្នះបានអាសនៈច្រើនលំដាប់ទី៣ នាំឱ្យក្រុមចម្រុះរបស់លោកគ្រប់គ្រងអាសនៈសរុបទាំងអស់២៩២។

ក្នុងការបោះឆ្នោតនៅសភាថ្ងៃព្រហស្បតិ៍ទី១៩ខែមីនាឆ្នាំ២០២៦ លោក Anutin ទទួលបានសំឡេងគាំទ្រពីតំណាងរាស្រ្ត២៩៣រូប យកឈ្នះលោក Natthapong Ruangpanyawut ខាងគណបក្សប្រជាជន ដែលទទួលបានសំឡេងពីតំណាងរាស្រ្តត្រឹម១១៩រូប ខណៈ៨៦រូបទៀត អនុបវាទ។ក្រោយការបរាជយ័ក្នុងការបោះឆ្នោតសកលលោក Natthapong Ruangpanyawut ខាងគណបក្សប្រជាជន ក៏បានចេញមុខមកសុំទោសប្រជាពលរដ្ឋអ្នកគាំទ្ររបស់ខ្លួនដែលបានប្រព្រឹទ្ធកំហុសក្នុងការបោះឆ្នោតគាំទ្រគណបក្សភូមិចៃថៃឲ្យលោកអនុទិនឡើងធ្វើជានាយករដ្ឋមន្ត្រីដោយមិនគាំទ្រគណបក្សភឿថៃ។

បន្ទាប់ពីទទួលបានការគាំទ្រពីសភានេះហើយ ឈ្មោះរបស់ Anutin នឹងត្រូវបញ្ជូនទៅថ្វាយព្រះមហាក្សត្រ ដើម្បីសុំការតែងតាំងជាផ្លូវការ។សូមជម្រាបថា Anutin គ្រោងបង្ហាញសមាសភាពគណៈរដ្ឋមន្ត្រីថ្មី និងថ្លែងគោលនយោបាយទៅកាន់សភា ដើម្បីចាប់ផ្តើមការងារជាផ្លូវការឲ្យបានមុនពិធីបុណ្យចូលឆ្នាំថៃ.។

គួរបញ្ជាក់ថា លោក Anutin ដំបូងបានក្លាយជានាយករដ្ឋមន្រ្តីនៃប្រទេសថៃ កាលពីខែកញ្ញា ឆ្នាំ២០២៥ ក្រោយរដ្ឋាភិបាលដឹកនាំដោយគណបក្សភឿថៃដួលរលំ។ នៅខែធ្នូ ឆ្នាំដដែល លោកអានុទិនបានក្បត់កិច្ចសន្យាជាមួយគណបក្សសម្ពន្ធ័ភាពគឺគណបក្សប្រជាជនដែលស្នើឲ្យធ្វើវិសោធនកម្មរដ្ឋធម្មនុញ្ញហើយបានប្រកាសរំលាយសភា ដើម្បីរៀបចំការបោះឆ្នោតសកលមុនអាណត្តិ ដែលបានប្រព្រឹត្តទៅកាលពីថ្ងៃទី៨ ខែកុម្ភៈ ឆ្នាំ២០២៦បន្ទាប់ពីបានប្រើប្រាសសង្គ្រាមឈ្លានពានកម្ពុជាធ្វើជាសន្លឹកបៀឃោសនាបោះឆ្នោត។