វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6457 នាក់
ម្សិលមិញ 5304 នាក់
សរុប 14145983 នាក់
ប្រទេសថៃ៖គម្រោងរថភ្លើងល្បឿនលឿនដំបូងរបស់ប្រទេសថៃឡង់ដ៍ ស្ថិតនៅក្រោមកិច្ចសហប្រតិបត្តិការផ្លូវមួយខ្សែក្រវាត់មួយ (BRI) ជាមួយប្រទេសចិន បានសម្រួលការធ្វើដំណើររបស់ប្រជាជនយ៉ាងច្រើន ដោយបង្កើនការតភ្ជាប់ក្នុងតំបន់ និងជំរុញដល់ការអភិវឌ្ឍន៍សេដ្ឋកិច្ចប្រទេសនៅក្នុងប្រទេសអាស៊ីអាគ្នេយ៍។រថភ្លើងល្បឿនលឿននេះ មានរហ័សនាមថា អ៊ុលត្រាមែន “Ultraman” ដាក់ឱ្យដំណើរការនៅក្នុងល្បឿនរហូតដល់ ១២០ គីឡូម៉ែត្រក្នុងមួយម៉ោង ដោយតភ្ជាប់ទៅកាន់គោលដៅឆ្ងាយៗ រួមមាន ខេត្តឈៀងម៉ៃ ភាគខាងជើង ខេត្តណងខៃ ភាគឦសាន និងស្រុកស៊ូណាយកូឡុក ក្នុងខេត្តណារ៉ាធីវ៉ាត់ ភាគខាងត្បូង ។
តាមអ្នកជំនាញក្នុងស្រុក បានបញ្ជាក់ថា ប្រតិបត្តិការរថភ្លើងល្បឿនលឿនចិន-ថៃឡើងដ៍ នឹងមិនត្រឹមតែជំរុញការអភិវឌ្ឍន៍សេដ្ឋកិច្ចក្នុងតំបន់តាមបណ្តោយផ្លូវរថភ្លើងប៉ុណ្ណោះទេ ប៉ុន្តែថែមទាំងពង្រឹងការតភ្ជាប់ក្នុងតំបន់ជំរុញដល់ការទំនាក់ទំនងកាន់តែជិតស្និទ្ធរវាងតំបន់ផ្សេងៗគ្នា ។សូមបញ្ជាក់ថាសម្រាប់ផ្លូវដែកល្បឿនលឿនដែលជាវិនិយោគរបស់ចិនទី១ក្នុងប្រទេសអាស៊ីអាគ្នេយ៍ ត្រូវបានដាកើឲ្យប្រើប្រាស់ភ្ជាប់ពីឡាវ ទៅ ចិន រួចរាល់ហើយ កាលពីពេលថ្មីៗនេះ។ រថភ្លើងនេះ ជាប្រភេទរថភ្លើងប្រើថាមពលអគ្គិសនី ហើយត្រូវបានរចនា និងផលិតដោយក្រុមហ៊ុនរបស់ប្រទេសចិន។ និយាយទៅដល់ល្បឿនរបស់វាវិញ អាចរត់បានរហូតដល់ទៅ ១៦០គីឡូម៉ែត្រ ក្នុងមួយម៉ោង។
រថភ្លើងល្បឿនលឿននេះ ត្រូវបានគេដាក់ឈ្មោះឱ្យថា "ឡានឆាង" តំណាងឱ្យទន្លេ ឡានឆាង-មេគង្គ ដែលបានហូរកាត់ប្រទេសទាំង២ ចិន និងឡាវ។នៅផ្នែកខាងក្នុង មានកន្លែងលក់ភេសជ្ជៈ និងអាហារសម្រន់ រួមទាំងកន្លែងផ្តល់ព័ត៌មានជា ៣ភាសា អង់គ្លេស ចិន និង ឡាវ។ រថភ្លើ់ងនេះ អាចផ្ទុកអ្នកដំណើរបានចំនួន ៧២០នាក់។ក្រៅពីប្រទេសោះឡាវថ្មីៗនេះដែរលោកប្រធានាធិបតីឥណ្ឌូណេស៊ី លោក Joko Widodo នៅថ្ងៃចន្ទនេះបានសម្ពោធដាក់ឱ្យប្រើប្រាស់ផ្លូវរថភ្លើងល្បឿនលឿនមួយកន្លែង ដែលមានតម្លៃប្រមាណ៧ពាន់៣០០លានដុល្លារអាមេរិក ដែលតភ្ជាប់ពីរដ្ឋធានីហ្សាការតារបស់ឥណ្ឌូណេស៊ីទៅកាន់ទីក្រុង Bandung នៃខេត្តWest Java របស់ប្រទេស ដែលជាគម្រោងមួយ ដែលត្រូវបានផ្តល់ថវិកាសាងសង់ដោយប្រទេសចិន និងមានបញ្ហាជាច្រើនកើតឡើង។ នេះបើតាមការចេញផ្សាយរបស់ទីភ្នាក់ងារសារព័ត៌មាន Reuters។
ផ្លូវរថភ្លើងល្បឿនលឿនដែលមានប្រវែង១៤២គីឡូម៉ែត្រនេះ ដែលជាគម្រោងហេដ្ឋារចនាសម្ព័ន្ធដ៏សំខាន់របស់ប្រធានាធិបតី និងជាផ្នែកមួយនៃកម្មវិធីក្រវ៉ាត់ផ្លូវពាណិជ្ជកម្មរបស់ចិននោះ បានប្រឈមនឹងបញ្ហាជាច្រើនតាំងពីបញ្ហាផ្គត់ផ្គង់សម្ភារៈ ការពន្យារពេលដោយសារជំងឺកូវីដ១៩ និងតម្លៃសាងសង់ឡើងខ្ពស់ជាដើម។ការបើកដំណើរការប្រើប្រាស់រថភ្លើងល្បឿនលឿន ដែលមានឈ្មោះថា «Whoosh» បន្ទាប់ពីបានពន្យាដាក់ឱ្យប្រើប្រាស់តាំងពីឆ្នាំ២០១៩មកម្ល៉េះ។លោក Joko Widodo ប្រធានាធិបតីឥណ្ឌូណេស៊ីបាននិយាយថា ល្បឿនប្រតិបត្តិការអតិបរមារបស់រថភ្លើងអាចឡើងដល់៣៥០ គីឡូម៉ែត្រក្នុងមួយម៉ោង ដោយហៅវាថា «ទំនើបកម្មនៃការដឹកជញ្ជូនដ៏ធំរបស់យើងដែលមិនប៉ះពាល់ដល់បរិស្ថាន» ។សម្ព័ន្ធក្រុមហ៊ុនឥណ្ឌូនេស៊ី និងចិនបានសាងសង់ផ្លូវរថភ្លើងនេះ៕