ថ្ងៃទី១៩កក្កដាបើលោកភិថាមិនជាប់ឆ្នោតបេក្ខជនមកពីគណបក្សភឿថៃនឹងចូលបន្ត!
16-April-2026 / ព័ត៌មានអន្តរជាតិ
ប្រទេសថៃ៖ ក្រោយពេលសមាជិកសភាទាំង២របស់ប្រទេសថៃកាលពីថ្ងៃទី១៣ ខែកក្កដា ភាគច្រើន មិនបានបោះឆ្នោតផ្តល់ការ គាំទ្រដល់មេដឹកនាំគណបក្សឆ្ពោះទៅមុខ ឲ្យក្លាយជានាយករដ្ឋមន្ដ្រីថ្មី នោះមកវាមានលេចនៅកលល្បិចនយោបាយថ្មីៗជាច្រើនដែលលោក ភីថា លីមចារឿនរ៉ាត (Pita Limjaroenrat) បានដាក់ចេញ។
ទីមួយគឺលោកប្រកាសបន្តឈរឈ្មោះឲ្យសភាទាំងពីររបស់ថៃបោះឆ្នោតសម្តែងការទុកចិត្តបន្តទៀតនៅថ្ងៃទី១៩កក្កដា។ប៉ុន្តែទន្ទឹមគ្នានោះលោកភីថាក៏បានបោះពាក្យសម្តីថាលោកនឹងដើរចេញដោយបើកផ្លូវឲ្យគណបក្សសម្ពន្ធ័ភាពគឺគណបក្សភឿថៃមកឈរឈ្មោះម្តង។គណបក្សឆ្ពោះទៅមុខ (Move Forward Party) ហៅកាត់ MFP បានបញ្ជាក់ ថា គណបក្សរបស់ខ្លួន នឹងមានសុច្ឆន្ទៈ អនុញ្ញាតឱ្យដៃគូចម្រុះរបស់ខ្លួន គឺគណបក្សភឿថៃ មានលទ្ធភាពបង្កើតរដ្ឋាភិបាល ប្រសិនបើការឈរឈ្មោះរបស់មេដឹកនាំគណបក្ស MFP គឺលោក ភីថា លីមចារឿនរ៉ាត (Pita Limjaroenrat) នៅតែទទួលបរាជ័យ នៅក្នុងការក្លាយជានាយករដ្ឋមន្ត្រីថ្មី។ជាមួគ្នានោះដែរគណបក្សឆ្ពោះទៅមុខ (Move Forward Party)និងគណបក្សដៃគូក៏បានដាក់ចេញនូវសេចក្តីព្រាងច្បាប់លុបចោលមិនឲ្យសមាជិកព្រិទ្ធសភាដែលតែងតាំងដោយពួកយោធាមានសិទ្ធបោះឆ្នោតបង្កើតរដ្ឋាភីបាលថ្មីហើយបានបញ្ជូនទៅកាន់រដ្ឋសភាកាលពីថ្ងៃទី១៧កក្កដាផងដែរ។នៅក្រៅសភាឯនោះវិញយុវជែលជានដសកម្មជនគាំទ្រគណបក្សកាវក្លៃ(ឈានទៅមុខក៏បានចុះតាមថ្នល់ធ្វើបាតុកម្មទាមទារឲ្យសមាជិកព្រិទ្ធសភាបោះឆ្នោតគាំទ្រលោកភិថាបានថ្វើនាយករដ្ឋមន្ត្រីផងដែរ។
សម្រាប់បេក្ខជនជានាយករដ្ឋមន្ត្រីមកពីគណបក្សភឿថៃវិញបើតាមសារព័ត៌មានរបស់ថៃ Bangkok Post បានចេញផ្សាយ កាលពីព្រឹក ថ្ងៃចន្ទ ទី១៧ ខែកក្កដា ថា វិស័យឯកជន បានបង្ហាញនូវការគាំទ្រ ដល់គណបក្សភឿថៃ សម្រាប់ការដឹកនាំរដ្ឋាភិបាលថ្មីរបស់ប្រទេសថៃ។ គោលនយោបាយសេដ្ឋកិច្ចរបស់គណបក្ស ដែលទទួលបានអាសនៈច្រើនលំដាប់លេខ២មួយនេះ នឹងជួយបង្វែរសេដ្ឋកិច្ច ឲ្យវិលមករកភាពប្រក្រតីឡើងវិញ។លោក សាណាន អានហ្គូបូលគុល (Sanan Angubolkul) ប្រធានសភាពាណិជ្ជកម្មថៃ បានប្រាប់ដល់សារព័ត៌មាន Bangkok Post ថា ទំនុកចិត្តសម្រាប់វិស័យសេដ្ឋកិច្ច នឹងរីកច្រើនយ៉ាងឆាប់រហ័ស ប្រសិនបើគណបក្សភឿថៃ អាចបង្កើតរដ្ឋាភិបាលថ្មីបាន ជាមួយនឹងបេក្ខជនមកពីគណបក្សមួយនេះ ក្លាយជានាយករដ្ឋមន្ដ្រី និង គណបក្សចំនួន៧ផ្សេងទៀត ជាសម្ពន្ធភាព នៅក្នុងកិច្ចព្រមព្រៀងអនុស្សរណៈរបស់ពួកគេ ដែលត្រូវបានចុះហត្ថលេខា។
លោកប្រធានសភាពាណិជ្ជកម្មថៃ បានបញ្ជាក់ ថា «គណបក្សភឿថៃ មានបទពិសោធន៍យ៉ាងច្រើន សម្រាប់ដឹកនាំប្រទេស ហើយគោលនយោបាយជាច្រើនរបស់គណបក្សមួយនេះ ត្រូវបានយកទៅអនុវត្ដ ប្រកបដោយជោគជ័យ។ បន្ថែមពីលើនេះ គណបក្សភឿថៃ ក៏មានមន្ដ្រីជាច្រើន ពោរពេញទៅដោយសមត្ថភាព និង បទពិសោធន៍ សម្រាប់ការគ្រប់គ្រងសេដ្ឋកិច្ច»។លោក សាណាន អានហ្គូបូលគុល បានសង្កត់ធ្ងន់ ថា «សភាពាណិជ្ជកម្មថៃ ជឿជាក់ ថា ប្រសិនបើគណបក្សភឿថៃ ដឹកនាំបង្កើតរដ្ឋាភិបាលថ្មីនោះ គោលនយោបាយសេដ្ឋកិច្ចរបស់គណបក្សមួយនេះ នឹងជំរុញឲ្យប្រទេសជាតិ ធ្វើដើរឆ្ពោះទៅមុខ ជាពិសេស ការជំរុញឲ្យមានកំណើនសេដ្ឋកិច្ច និង កាត់បន្ថយនូវវិសមភាព»។
ក្រោមច្បាប់រដ្ឋធម្មនុញ្ញរបស់ប្រទេសថៃ ចែងថា ការក្លាយជានាយករដ្ឋមន្ដ្រី ត្រូវតែទទួលបានសំឡេងគាំទ្រ យ៉ាងតិច ៣៧៦នាក់ មកពីក្នុងចំណោមសមាជិកសភា ៥០០នាក់ និង សមាជិកព្រឹទ្ធសភា ចំនួន២៥០នាក់។ បច្ចុប្បន្ន សម្ពន្ធមិត្តចំនួន៨គណបក្ស ដឹកនាំដោយគណបក្សឆ្ពោះទៅមុខ មានសមាជិកសរុប ចំនួន៣១២នាក់ នៅក្នុងរដ្ឋសភា។កាលពីថ្ងៃព្រស្បតិ៍ ទី១៣ ខែកក្កដា លោក ភីថា លីមចារឿនរ៉ាត ប្រធានគណបក្សឆ្ពោះទៅមុខ ទទួលបានសំឡេងគាំទ្រមិនគ្រប់គ្រាន់ សម្រាប់ការក្លាយជានាយករដ្ឋមន្ដ្រីថៃ។លោក ភីថា ត្រូវការសំឡេងគាំទ្រ យ៉ាងតិចបំផុតចំនួន៣៧៥សំឡេង មកពីក្នុងចំណោមសមាជិកសភា ចំនួន៥០០នាក់ និង សមាជិកព្រឹទ្ធសភា ចំនួន២៥០ ខណៈឥឡូវសមាជិកព្រឹទ្ធសភា នៅសល់តែ ចំនួន២៤៩នាក់ ដោយសារសមាជិកព្រឹទ្ធសភាម្នាក់ បានលាលែងពីតំណែង នៅមុនថ្ងៃបោះឆ្នោតនាយករដ្ឋមន្ដ្រី ត្រឹមតែ១ថ្ងៃ។ នៅក្នុងចំណោមសមាជិកសភាទាំង២នោះ បានចូលរួមបោះឆ្នោតគាំទ្រលោក ភីថា ឲ្យធ្វើជានាយករដ្ឋមន្ដ្រី ត្រឹមតែចំនួន៣២៤សំឡេង ដោយរួមបញ្ចូលទាំងសមាជិកព្រឹទ្ធសភា ចំនួន១៣សំឡេងផងដែរ។ ចំណែកសំឡេងប្រឆាំង មានចំនួន១៨២សំឡេង និង អនុបវាទ ចំនួន១៩៩សំឡេង។
សភាទាំង២របស់ប្រទេសថៃ នឹងត្រូវរៀបចំការបោះឆ្នោត ជាថ្មីម្តងទៀតនៅថ្ងៃទី១៩កក្កដា។ ចំណែកបេក្ខជនដដែល ក៏នឹងនៅតែអាចឈរឈ្មោះជាថ្មី ឬ ក៏បេក្ខជនផ្សេងទៀត ត្រូវបានតែងតាំងឱ្យចូលរួមប្រកួតប្រជែង។ នីតិវិធីរបស់សភាបែបនេះ នឹងត្រូវធ្វើឡើង រហូតទាល់តែមានបេក្ខជនណាម្នាក់ ត្រូវទទួលបានសំឡេងគាំទ្រគ្រប់គ្រាន់ ដោយមិនបានកំណត់ពីចំនួន នៃការបោះឆ្នោត ឬ កាលបរិច្ឆេទផុតកំណត់នោះឡើយ។ ឭថាគណបក្សផឿថៃនិងគណបក្សកាវក្លៃ(ឈានទៅមុខ) ត្រៀមស្នើឈ្មោះលោកSettha ជាបេក្ខជននាយករដ្ឋមន្ត្រីថៃថ្មី ជំនួសលោកផីថា លិំចារើនរ៉ាត់ ប្រធានគណបក្សកាវក្លៃ(ឈានទៅមុខ) ដែលបោះឆ្នោតធ្លាក់នៅសភាថៃកាលពីថ្ងៃទី១៣កក្កដាកន្លងមកនេះ។លោកផីថា លិំចារើនរ៉ាត់ ប្រធានគណបក្សកាវក្លៃ បានថ្លែងថាបើខ្លួនបោះឆ្នោតលើកទីពីរ(ថ្ងៃ១៩កក្កដា(ខាងមុខមិនជាប់ម្តងទៀត គាត់នឹងប្រគល់សិទ្ធអោយគណបក្សផឿថៃ ជាអ្នកចាត់បង្កើតរដ្ឋាភិបាលតែម្តង។លោកសីថាថាវីស៊ីន(Settha Thavisin )អាយុ៦០ជាសេដ្ឋីអចលនទ្រព្យនៅថៃបញ្ចប់ការសិក្សាផ្នែកហិរញ្ញវត្ថុពីClaremont Graduate School សហរដ្ឋអាមេរិច។
