សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ឆ្មក់ចូលក្លឹបថាំងហួយឃាត់មនុស្សបាន១១១នាក់គ្រឿងញៀន៥គីឡូក្រាម?

ខេត្តក្រចេះមិនអនុញ្ញាតឲ្យអាជីវករលក់ត្រីបបែលទៀតទេ រួមទាំងត្រី ២៩ប្រភេទផ្សេងទៀត ដែលជាប្រភេទត្រីជិតផុតពូជ

មន្ត្រីសុរិយោដីស្រុកសំរោងទង ស្រវឹងស្រាបើកឡានបុកផ្ទាំងផ្សាយពាណិជ្ជកម្មនៅសួនច្បារសម្តេចព្រះសង្ឃរាជ ជួន ណាត

លោកកើត រិទ្ធ រដ្ឋមន្ត្រីក្រសួងយុត្តិធម៍ប្រកាសបើកយុទ្ធនាការលុបពាក្យបណ្តាសា ត្រីមួយកន្ត្រកស្អុយមួយ ស្អុយទាំងអស់ក្នុងប្រពន្ធ័យុត្តិធម៍

ជាច្រើនទៀត

ចំនួនអ្នកទស្សនា

ថ្ងៃនេះ 80 នាក់

ម្សិលមិញ 10264 នាក់

សរុប 14139262 នាក់

ទីក្រុងជាច្រើនរបស់ប្រទេសអ៊ុក្រែនរងការបាញ់ដោយកាំជ្រួចបន្ទាប់ពីការផ្ទុះផ្តាច់ស្ពានមួយចំហៀងភ្ជាប់ឧបទ្វីបគ្រីមៀបង្កភាពអាម៉ាសរុស្ស៊ី

27-March-2024 / ព័ត៌មានអន្តរជាតិ

អ៊ុយក្រែន៖ អាជ្ញាធរអ៊ុយក្រែនក្នុងតំបន់ Zaporizhzhia ភាគខាងកើតប្រទេសបានអះអាងឱ្យដឹងថា យ៉ាងយោចណាស់មានមនុស្សចំនួន ១២នាក់បានស្លាប់ រួមនិង ៤៩នាក់ផ្សេងទៀតរងរបួសដោយរួមមានទាំងកុមារចំនួន ៦នាក់ផងដែរបន្ទាប់ពីមានការវាយប្រហារមួយដោយគ្រាប់មីស៊ីលរបស់យោធារុស្ស៊ីកាលពីថ្ងៃអាទិត្យកន្លងទៅ។ a bridge uy1

អាជ្ញាធរអ៊ុយក្រែនខាងលើនេះ បានបន្ដឱ្យដឹងទៀតថា ការវាយប្រហារដោយគ្រាប់មីស៊ីលជាច្រើនគ្រាប់ដែលបានកើតឡើងសឹងតែពេញមួយយប់ បានធើ្វឱ្យអគារស្នាក់នៅមានកម្ពស់ ៩ ជាន់មួយកន្លែងបានរងការខូចខូតយ៉ាងធ្ងន់ធ្ងរ រួមនិងផ្ទះសម្បែងពលរដ្ឋជាច្រើនខ្នងផ្សេងទៀតត្រូវបានរងការបំផ្លិចបំផ្លាញ ដោយក្នុងនោះគឺមានចំនួន ៥ខ្នង ត្រូវរងការខូចខាតទាំងស្រុង។ទាក់ទងបញ្ហានេះដែរអគ្គមេបញ្ជាការយោធាអ៊ុយក្រែន បានឱ្យដឹងថា គិតត្រឹមព្រឹកថ្ងៃចន្ទនេះ រុស្ស៉ីបានបាញ់មីស៉ីលសរុបយ៉ាងហោច៧៥គ្រាប់ មកលើអ៊ុយក្រែន ដោយការវាយប្រហារធ្ងន់ៗជាងគេ។ ទីភ្នាក់ងារសារព័ត៌មានបារាំង AFP នៅថ្ងៃចន្ទ ទី១០ ខែតុលា ឆ្នាំ២០២២បានឲ្យដឹងថាលោកឧត្តមសេនីយ៍ វ៉ាឡឺរី ហ្សាលូសនី (Valeriy Zaluzhny) បានបង្ហោះសារលើបណ្តាញសង្គមដូច្នេះថា «ប្រទេសភេរវករ នោះគឺរុស្ស៉ី បានបើកការវាយប្រហារមីស៉ីលយ៉ាងសម្បើម មកលើទឹកដីរបស់អ៊ុយក្រែន ក្នុងនោះរួមមានទាំងការប្រើប្រាស់យន្តហោះដ្រូន។ កាលពីព្រឹកថ្ងៃចន្ទនេះ ពួកឈ្លានពានបានបាញ់មីស៉ីលសរុបយ៉ាងតិច ៧៥គ្រាប់ ដោយក្នុងនោះ៤១គ្រាប់ ត្រូវបានប្រព័ន្ធការពារអាកាសយើង បាញ់ស្ទាក់បាន»។

គួរបញ្ជាក់ថា ករណីផ្ទុះបន្តបន្ទាប់ត្រូវបានរាយការណ៍ នៅរដ្ឋធានីកៀវ ក៏ដូចជានៅទីក្រុងមួយចំនួនទៀត រួមមានទីក្រុងលីវ (Lviv), ឌីនីប្រូ (Dnipro), ហ្សាប៉ូរិចហ្សៀ (Zaporizhzhia), ខាកៀវ (Kharkiv), ធើណីពីល (Ternopil), ស៊ូមី (Sumy), ហ្ស៉ីតូមៀ (Zhytomyr), ខ្មេលនីតស្គី (Khmelnytskyi) និង គីវ៉ូរ៉ូវ៉ាដ (Kirovohrad) ជាដើម។ប្រធានាធិបតីអ៊ុយក្រែនលោកហ្សឡិនស្គីបានថ្កោលទោស ការវាយប្រហាររបស់កងទ័ពរុស្ស៊ីថា គ្មានន័យ ធ្វើឡើងបែបព្រៃ ភេរវនិយម និងអាក្រក់ក្រែលែង ព្រោះវាបានសម្លាប់ប្រជាជនស្លូតត្រង់ គ្មានអាវុធ ហើយដែលកំពុងតែលង់លក់ក្នុងដំណេក។ សូមបញ្ជាក់ថាការវាយប្រហាដោយប្រទេសរុស្ស៊ីបានធ្វើឡើងក្រោយពីស្ពានសដែលមានចម្ងាយ ១៩គីឡូម៉ែត្រ ក្នុងឧបទ្វីប Crimea កាលពីព្រឹកថ្ងៃសៅរ៍ទី៨តុលា កន្លងទៅត្រូវបានផ្ទុះដាច់មួយចំហៀងនិងបណ្តាលឲ្យមានមនុស្ស៣នាក់ស្លាប់។

លោក Sergei Aksyonov ប្រមុខគ្រប់គ្រងឧបទ្វីប Crimea កាលពីថ្ងៃអាទិត្យ បានលើកឡើងថា ស្ពាន Crimean ឆ្លងសមុទ្រ បានដំណើរការឡើងវិញហើយ សម្រាប់ការដឹកជញ្ជូនធម្មតា ប៉ុន្តែសម្រាប់តែរថយន្តធុនស្រាលឆ្លងកាត់តែប៉ុណ្ណោះ បន្ទាប់ពីហេតុការណ៍ផ្ទុះដ៏កក្រើកមួយ បានកើតឡើងកាលពីថ្ងៃសៅរ៍ ។ គេកំណត់ឱ្យរថយន្តក្រុង រថយន្តដឹកទំនិញ ឬរថយន្តធុនតូចទាំងអស់ ដែលផ្ទុកទម្ងន់លើសពី ៣.៥ តោន តម្រូវឱ្យឆ្លងកាត់ច្រកសមុទ្រ Kerch តាមសាឡាងចម្លង ។ ខណៈបច្ចុប្បន្ន មានសាឡាងត្រឹមតែមួយគ្រឿងប៉ុណ្ណោះ ដែលរត់ឆ្លងកាត់រវាងឧបទ្វីប Crimea និងឧបទ្វីប RusTaman ស្ថិតនៅភាគខាងជើងប្រទេសរុស្ស៊ី ស្របពេលរដ្ឋាភិបាល បានធ្វើការសន្យាថានឹងដាក់បន្ថែមចំនួនសាឡាង សរុបឱ្យបាន៣គ្រឿង ។

អាជ្ញាធរនៅតំបន់ Crimea បានអះអាងថា ឧបទ្វីបនេះមានការផ្គត់ផ្គង់គ្រប់គ្រាន់ហើយ សម្រាប់ការប្រើប្រាស់យ៉ាងហោចណាស់ ៤០ ថ្ងៃទៅមុខ ក្នុងនោះ រួមមានប្រេងឥន្ធនៈ អាហារ និងរបស់របរប្រើប្រាស់ប្រចាំថ្ងៃ ។ ចំណែកឯស្ពានដែលរងការខូចខាតពីការបំផ្ទុះខាងលើនេះ នឹងមានការរៀបចំជួសជុលឡើងវិញ ក្នុងពេលឆាប់ៗ ។ប្រធានាធិបតីរុស្ស៊ីPutinបាននិយាយថាការផ្ទុះស្ពានគ្រីមៀគឺជា”អំពើភេរវកម្ម”ដែលគ្រោងដោយកងកម្លាំងពិសេសអ៊ុយក្រែន។លោកប្រធានាធិបតីបាននិយាយថា”គ្មានការងឿងឆ្ងល់ទេ។ នេះគឺជាសកម្មភាពនៃអំពើភេរវកម្មដែលមានគោលបំណងបំផ្លាញហេដ្ឋារចនាសម្ព័ន្ធស៊ីវិលដ៏សំខាន់បំផុត។ការវាយប្រហារត្រូវបានរៀបចំឡើងដោយកងកម្លាំងពិសេសរបស់អ៊ុយក្រែន”។ ប្រធានាធិបតីរុស្ស៊ី លោក Vladimir Putin នៅថ្ងៃទី០៩ខែតុលា។បានជួបជាមួយប្រធានគណៈកម្មាធិការស៊ើបអង្កេតជាតិ Alexander Bastrykin ហើយត្រូវបានបង្ហាញជាមួយនឹងលទ្ធផលនៃការស៊ើបអង្កេតលើការផ្ទុះនៅលើស្ពានគ្រីមៀដោយលោក Bastrykin ។

លោក Bastrykin ថាជនជាតិរុស្សី និងបរទេសមួយចំនួនបានជួយកងកម្លាំងពិសេសអ៊ុយក្រែនត្រៀមសម្រាប់ការវាយប្រហារលើស្ពាន គ្រីមៀ។យោងតាមប្រធានគណៈកម្មាធិការស៊ើបអង្កេតជាតិរបស់រុស្ស៊ី ក្រុមស៊ើបអង្កេត រួមទាំងអ្នកវិទ្យាសាស្ត្រផ្នែកកោសល្យវិច្ច័យនិងអ្នកជំនាញគ្រឿងផ្ទុះបានទៅកន្លែងកើតហេតុនៃការផ្ទុះនៃស្ពានគ្រីមៀពិនិត្យវាយ៉ាងជាក់លាក់ដើម្បីធ្វើការសន្និដ្ឋានបឋមនៃនាយកដ្ឋានមូលដ្ឋាន។

ប្រធានាធិបតីរុស្ស៉ីលោក វ្ល៉ាឌីមៀ ពូទីន បានព្រមានចាត់វិធានការឆ្លើយតបធ្ងន់ៗទៀត ប្រសិនបើការវាយប្រហារលើរុស្ស៉ី នៅតែបន្ត។ អ៊ុយក្រែនមិនទាន់ឆ្លើយតបនឹងការថ្លែងរបស់លោកPutin នៅឡើយទេ។ សម្រាប់ទីប្រឹក្សាប្រធានាធិបតីអ៊ុយក្រែនបាននិយាយមុននេះថា”រថយន្តដែលបានផ្ទុះឡើងបានឡើងស្ពានពីខាងរុស្ស៊ីដូច្នេះចម្លើយគួរតែត្រូវបានរកឃើញនៅក្នុងប្រទេសរុស្ស៊ី” ។

ស្ពានឆ្លងកាត់ច្រកសមុទ្រ Kerch ត្រូវបានចាប់ផ្តើមសង់នៅក្នុងឆ្នាំ២០១៥បន្ទាប់ពីរុស្ស៊ីបញ្ចូលឧបទ្វីបគ្រីមៀ ហើយបានបញ្ចប់នៅឆ្នាំ២០១៨។ ស្ពានដែលមានតម្លៃរាប់ពាន់លានដុល្លារនេះតភ្ជាប់ឧបទ្វីបគ្រីមៀជាមួយតំបន់ Krasnodar នៅភាគនិរតីនៃប្រទេសរុស្ស៊ី។ នេះគឺជាស្ពានដែលវែងជាងគេនៅអឺរ៉ុបដែលអនុញ្ញាតឱ្យរថយន្ត និងរថភ្លើងឆ្លងកាត់។បន្ទាប់ពីបើកប្រតិបត្តិការយោធាកាលពីចុងខែកុម្ភៈរុស្ស៊ីបានប្រើប្រាស់ស្ពាននេះដើម្បីដឹកជញ្ជូនរថក្រោះ សព្វាវុធនិងគ្រាប់រំសេវចូលទៅក្នុងតំបន់ភាគខាងត្បូងនៃប្រទេសអ៊ុយក្រែន។

តបនិងការបរាជ័យជាបន្តបន្ទាប់ទល់និងកងទព័អ៊ុយក្រែនកាលពីចុងសប្តាហ៍កន្លងទៅនេះ ក្រសួងការពារជាតិរបស់រុស្ស៊ី បានប្រកាសចាត់តាំងឧត្តមសេនីយ៍កងទ័ពអាកាស លោក Sergei Surovikin ជាមេបញ្ជាការគ្រប់គ្រងទូទៅលើកងកម្លាំងទ័ពអាកាសរបស់រុស្ស៊ីដែលកំពុងប្រយុទ្ធនៅក្នុងប្រទេសអ៊ុយក្រែន។ នេះគឺជាការចាត់តាំងមន្ត្រីយោធាជាន់ខ្ពស់ជាលើកទី ៣ របស់រដ្ឋាភិបាលទីក្រុងម៉ូស្គូសម្រាប់សង្គ្រាមនៅអ៊ុយក្រែននៅក្នុងរយៈពេលតែមួយសប្តាហ៍មកនេះ។មានរបាយការណ៍មួយបានឱ្យដឹងថា លោកប្រធានាធិបតីពុទីនទើបនឹងបានដកតំណែងមេបញ្ជាការយោធារុស្ស៊ីចំនួន ២រូប ដោយសារតែការបរាជ័យយ៉ាងជូរជត់របស់ខ្លួននៅក្នុងតំបន់ភាគឦសាន ហើយនិងភាគខាងត្បូងប្រទេសអ៊ុយក្រែនក្នុងរយៈពេលប៉ុន្មានសប្តាហ៍ថ្មីៗកន្លងទៅ។

ក្រសួងការពារជាតិរុស្ស៊ីមិនបានធើ្វការបញ្ជាក់ច្បាស់ លាស់ថាតើលោកឧត្តមសេនីយ៍ខាងកងទ័ពអាកាស Sergei Surovikin នឹងត្រូវមកជំនួសមន្ត្រីយោធារុស្ស៊ីណាមួយនោះទេ។ បើតាមទីភ្នាក់ងារចារកិច្ចរបស់ប្រទេសអង់គ្លេសបានអះអាងឱ្យដឹងថា រដ្ឋាភិបាលរុស្ស៊ីកំពុងព្យាយាមធើ្វវិសហមជ្ឈការអំណាចនៃបញ្ជាការរបស់ខ្លួននៅក្នុងសង្គ្រាមអ៊ុយក្រែន តាមរយៈការផ្លាស់ប្តូរមន្ត្រីយោធាសំខាន់ៗដែលជាមនុស្សជំនិតៗរបស់លោកពុទីន សម្រាប់ដឹកនាំការឈ្លានពាននៅក្នុងប្រទេសអ៊ុយក្រែន ដូចជាលោកឧត្តមសេនីយ៍ Alexander Dvornikov ត្រូវបានតែងតាំងជាមេបញ្ជាការកងទ័ពជើងគោករបស់រុស្ស៊ីនៅក្នុងប្រទេសអ៊ុយក្រែន ខណៈលោកគឺជាអតីតមេបញ្ជាការកងទ័ពរុស្ស៊ីដែលបានដឹកនាំអន្តរាមន៍យោធាក្នុងប្រទេសស៊ីរីកាលពីចុងឆ្នាំ ២០១៥ ដែលត្រូវបានគេស្គាល់ថាបានប្រើប្រាស់យុទ្ធសាស្ត្រសាហាវឃោរឃៅដើម្បីវាយកំទេចលើគូសត្រូវដោយមិនខ្វាយខ្វល់អំពីជនស៊ីវិលនោះឡើយ។

ទីភ្នាក់ងារសារព័ត៌មាន AFP នៅថ្ងៃចន្ទ ទី១០ ខែតុលា ឆ្នាំ២០២២បានឲ្យដឹងថា។លោក ពូទីន បានលើកឡើងក្នុងកិច្ចប្រជុំកាលពីថ្ងៃទី៩តុលាថា រុស្ស៉ីបើកការវាយប្រហារដោយមីស៉ីលរយៈចម្ងាយឆ្ងាយ ប្រឆាំងនឹងហេដ្ឋារចនាសម្ព័ន្ធថាមពល, យោធា និងទំនាក់ទំនងរបស់អ៊ុយក្រែន នាថ្ងៃនេះ ដើម្បីជាការសងសឹកសម្រាប់ការវាយប្រហារ លើស្ពានយុទ្ធសាស្ត្រដែលតភ្ជាប់រវាងប្រទេសរុស្ស៉ីនិងឧបទ្វីបគ្រីមៀ កាលពីចុងសប្តាហ៍កន្លងទៅ។ «ប្រសិនបើការវាយប្រហារនៅតែបន្តប្រឆាំងលើរុស្ស៉ី នោះការឆ្លើយតបធ្ងន់ៗនឹងនៅតែបន្ត។ ទំហំនៃការឆ្លើយតបរបស់យើង នឹងដូចគ្នាជាមួយទំហំនៃការគំរាមកំហែងចំពោះរុស្ស៉ីយ៉ាងដូច្នោះ។ ក្នុងករណីមានការព្យាយាមប្រព្រឹត្តអំពើភេរវកម្ម នៅលើទឹកដីរបស់យើងទៀតនោះ ការឆ្លើយតបរបស់រុស្ស៉ីនឹងកាន់តែធ្ងន់»។ a bridge uy a bridge uy2 a bridge uy3 a bridge uy4 a bridge uya