លោកគ្រូសានសុខជាថាលោកមិនយកចិត្តទុកដាក់ចំពោះអ្នករិះគន់ទេក្រោយពីជួបសម្តេចតេជោ
ភ្នំពេញ៖ ក្នុងជំនួបកាលពីថ្ងៃទី១៣ ខែមិថុនា ឆ្នាំ២០២៣ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រាប់ឱ្យលោក សាន សុជា ដែលទើបតែលាចាកសិក្ខាបទ បន្តផ្សព្វផ្សាយព្រះធម៌ ដើម្បីអប់រំផ្លូវចិត្តដល់ពលរដ្ឋ។
ថ្លែងនៅក្នុងពិធីសំណេះសំណាលជាមួយកម្មករ-កម្មការិនីជិត២ម៉ឺននាក់ ក្នុងខណ្ឌពោធិ៍សែនជ័យ នាព្រឹកថ្ងៃទី១៤ ខែមិថុនា ឆ្នាំ២០២៣ សម្តេចតេជោ បានថ្លែងថា៖ «ព្រះសង្ឃដែលលាចាកសិក្ខាបទដែលចេះធម៌ការត្រឹមត្រូវ គឺបន្តជួយផ្តល់ការអប់រំសង្គម អប់រំផ្លូវចិត្តដើម្បីធ្វើយ៉ាងម៉េចដើម្បីប្រើប្រាស់ធម៌ការសម្រាប់រក្សាសន្តិភាព រក្សាស្ថិរភាពនយោបាយ និងការកសាងអំពើល្អក្នុងចំណោមប្រជាជនរបស់យើង»។
លោក សាន សុជា បានលាចាកសិក្ខាបទនៅថ្ងៃទី២១ ខែឧសភា ឆ្នាំ២០២៣នៅប្រទេសអូស្ត្រាលី ក្រោយសាងផ្នួសអស់រយៈពេលជាង ៣០ឆ្នាំ។ការសឹករបស់ព្រះអង្គ សាន សុជា បានធ្វើឱ្យពុទ្ធបរិស័ទជាច្រើនបានបង្ហាញការសោកស្តាយ ខណៈអតីតព្រះអង្គគឺជាព្រះអង្គមួយអង្គក្នុងចំណោមព្រះសង្ឃជាច្រើនទៀតដែលត្រូវបានមហាជន និងពុទ្ធបរិស័ទតែងតែគោរព និងប្រតិបត្តិនូវការទូន្មានព្រះធម៌របស់ព្រះអង្គ។ប៉ុន្តែមានអ្នកខ្លះថាវាជារឿងធម្មតាសម្រាប់មនុស្សបថុច្ជនដូចជាអន្ទឹតសានសុខជា។លោកចេមសុខដែលជាវាគ្មិនល្បីតាមហ្វេប៊ុកម្នាក់បាននិយាយថាការសឹករបស់លោកសានសុខជាគឺមកពីចង់ធើ!។ក្រោយពីបានលោកឧត្តមសេនីយ៍ខេងសាម៉េតអគ្គស្នងការរងនគរបាលជាតិធ្វើមេអណ្តើកនាំចូលជួបសម្តេចហ៊ុនសែនលោកចេមសុខគាត់រំលឹកថាសានសុខជាចង់ធើចង់មេន!។
សម្តេចតេជោ ហ៊ុន សែន ថា «ម្សិលមិញ(១៣មិថុនា)បានជួបជាមួយលោកក្មួយ សាន សុជា [...] ពីដើមធ្លាប់តែទេសនា តែឥឡូវគឺស្វែងរកការគាំទ្រ ហើយយើងក៏ត្រូវការដើម្បីឲ្យព្រះសង្ឃដែលលាចាកសិក្ខាបទ (សឹក) ដែលចេះធម៌ត្រឹមត្រូវ គឺបន្តទៅតាមព្រះពុទ្ធសាសនា ជួយដល់ការអប់រំសង្គម អប់រំផ្លូវចិត្ត ធ្វើយ៉ាងម៉េចប្រើប្រាស់ធម៌ សម្រាប់ការរក្សាសន្តិភាព រក្សាស្ថិរភាពនយោបាយ និងជាពិសេសការកសាងអំពើល្អក្នុងសង្គមសម្រាប់ប្រជាជនរបស់យើង»។
លោកគ្រូ សាន សុជា បានបួសរៀនព្រះធម៌ក្រោមម្លប់ព្រះពុទ្ធសាសនា អស់រយៈពេលជាង ៣០ព្រះវស្សា។ លោកគ្រូ ទទួលបានប្រជាប្រិយភាពខ្ពស់ពីប្រជាពុទ្ធបរិស័ទ តាមរយៈការផ្សព្វផ្សាយព្រះអប់រំចិត្ត និងការពន្យល់បកស្រ័យអំពីព្រះធម៌។អតីតព្រះភិក្ខុវជិរប្បញ្ញោ សាន សុជា នៅថ្ងៃទី១៤ ខែមិថុនា ឆ្នាំ២០២៣ នៅលើ Facebook ផ្លូវការ ថា៖ ពួកគាត់ពិតជាមិនខឹងសម្បានឹងជីវិតឯកជនរបស់ខ្ញុំឡើយ ទឹកចិត្តរបស់ពួកគាត់ មានតែព្រួយបារម្ភពីសុខទុក្ខរបស់ខ្ញុំ នឹងរង់ចាំចូលរួមក្នុងដំណើរធម្មទានរបស់ខ្ញុំតទៅមុខទៀតប៉ុណ្ណោះ។
លោកសានសុខជារិះគន់វាយបកថា ៖ ចំណែកអ្នកដែលដៀមដាម ឬរហូតដល់ជេរប្រមាថខ្ញុំ ច្បាស់ណាស់ថា ពួកគាត់មិនដែលជ្រះថ្លានឹងធម្មទានរបស់ខ្ញុំតាំងពីខ្ញុំនៅជាបព្វជិតម្ល៉េះ នេះជាមូលហេតុដែលខ្ញុំមិនចំណាយកម្លាំងនិងពេលវេលាទៅឆ្លើយតប ខ្ញុំយកចិត្តទុកដាក់ជាមួយតែអ្នកដែលចង់រួមដំណើរជាមួយខ្ញុំប៉ុណ្ណោះ។ រស់ក្នុងសង្គមត្រូវមានទំនាក់ទំនងល្អ ហើយការជួបគឺជាការគោរពឱ្យតម្លៃគ្នាទៅវិញទៅមក សូម្បីព្រះសម្មាសម្ពុទ្ធក៏ធ្លាប់យាងទៅជួបព្រះរាជា ឬសេនាបតីដែរ មិនមែនការជួបសុទ្ធតែកេីតចេញពីចិត្តកខ្វក់ឡេីយ។ ដូចកាលពីដើមឆ្នាំ ខ្ញុំបានទៅជួបសម្តេចប៉ាប មិនមែនព្រោះខ្ញុំដូរសាសនាទើបទៅជួបបាននោះទេ គ្រាន់តែជាការបង្កើនមិត្តភាពរវាងអ្នកគោរពសាសនាប៉ុណ្ណោះ ខ្ញុំនៅតែជាខ្ញុំ ខ្ញុំនៅតែគោរពដើរតាមមាគ៌ាព្រះសម្មាសម្ពុទ្ធដដែល។សម្តេចលោកសានសុខជាបង្ហាញថាលោកនៅតែបន្តប្រើទ្រឹស្តីព្រះសមណគោត្តមដើម្បីរកបច្ច័យចិញ្ចឹមជីវិតនៅឡើយទេ។ចឹងរៀងបុណ្យសក្តិក្នុងអាណាចកក្រក្រោយពីជួបសម្តេចតេជោហ៊ុនសែនចាំអ៊ុនមើលសិនថាប៉ុន្មានថ្ងៃទៀតបាន?ឬមិខ្ចីយក?៕
