មន្ត្រីព្រំដែនកម្ពុជាវៀតណាមកោះធំ អនុញ្ញាតឱ្យសាច់គោ និងភ្លៅមាន់ជាង៨តោន នាំចូលពីវៀតណាមមន្ត្រីកសិកម្មអ្នកចាប់!?

ACU បើកការស៊ើបអង្កេតលោក ស៊ាន បូរ៉ាត់ និងឧត្តមសេនីយ៍ឯក ស ថាវី ក្នុងសំណុំរឿងអតីតឧកញ៉ា ឡេង ចាន់ណា!

កម្ពុជាត្រូវការកម្លាំងពលកម្មប្រមាណជាង ២៥ម៉ឺនកន្លែងក្នុងពេលពលករនៅថៃមានជាង១លាននាក់

រាជរដ្ឋាភិបាល ដំណើរការចាប់ឆ្នោតជុំទី១ សម្រាប់ពលរដ្ឋដែលបានដាក់ពាក្យស្នើសុំដី នៃកម្មវិធីផ្តល់ដី

មានមនុស្សមកបំពានចាក់ដីលុបទំនប់មេទឹកឃុំតាសាលស្រុកឱរ៉ាល់ខេត្តកំពង់ស្ពឺយកធ្វើកម្មសិទ្ធអាជ្ញាធរប៉ក់ល្វើយ

ប្រធា នាធិបតី បារាំងសន្យានឹងជួយសម្រួលផ្ដល់ឯកសារផ្សេងៗដល់កម្ពុជា-ថៃ សម្រាប់ដំណើរការទៅកាន់តុលាការយុតិ្តធម៌អន្តរជាតិ ICJ?

ការចរចាពន្ធបដិការ កម្ពុជា-អាមេរិក បានត្រឹមឯកភាពលើបញ្ញត្តិជាច្រើនមិនទាន់បានផលអីទេ

ជាច្រើនទៀត

ចំនួនអ្នកទស្សនា

ថ្ងៃនេះ 5342 នាក់

ម្សិលមិញ 5272 នាក់

សរុប 17110967 នាក់

សម្ដេច ស ខេង៖ ធ្វើប៉ូលិសទៅសេពគ្រឿងញៀន គឺហានិភ័យធំនិងហាមផ្ទេរនគរបាលចេញពីប៉ុស្តិ

07-June-2025 / ផ្សេងៗ

កណ្ដាល ៖ សម្ដេចក្រឡាហោម ស ខេង ថ្លែងថា បើខ្លួនធ្វើជាប៉ូលីស ហើយបែរទៅជាជក់គ្រឿងញៀន គឺនឹងបង្កហានិភ័យដល់សង្គមជាតិ ព្រោះតួនាទីនគរបាល គឺជាអ្នកថែរក្សាសន្តិសុខសណ្តាប់ធ្នាប់ ជូនប្រជាពលរដ្ឋ និងសង្គមជាតិទាំងមូល។ a drug kheng1

ថ្លែងក្នុងពិធីបិទវគ្គសុក្រឹតការថ្នាក់ដឹកនាំនគរបាល នៅបណ្ឌិត្យសភានគរបាលកម្ពុជា ស្ថិតនៅស្រុកកៀន ស្វាយ នាថ្ងៃទី២៧ ខែធ្នូ ឆ្នាំ២០២២ សម្ដេចក្រឡាហោម ស ខេង បានលើកឡើងថា មកដល់ពេលនេះ ការធ្វើកំណែទម្រង់នគរបាល គឺធ្វើជាបន្តបន្ទាប់ ដោយយកចិត្តទុកដាក់ពីថ្នាក់ដឹកនាំក្រសួង ក៏ដូចជាអង្គភាពប្រើប្រាស់កម្លាំង ជាពិសេស អង្គភាពដែលបានបណ្តុះបណ្តាលតែម្តង។ សម្តេចក្រឡាហោម បញ្ជាក់ថា «បើខ្លួនធ្វើប៉ូលីស ខ្លួនបែរជាញៀនគ្រឿងញៀន គឺបង្ករនូវហានិភ័យធំណាស់…! រួចហើយ បង្កើតនូវបញ្ហាផ្សេងទៀត។ យើងដឹងហើយតួនាទីនគរបាល គឺដើម្បីថែមរក្សាសន្តិសុខសណ្តាប់ធ្នាប់ ជូនប្រជាពលរដ្ឋ ក្នុងនោះរួមទាំងគ្រឿងញៀន»។

សម្តេច ស ខេង បានឲ្យដឹងផងដែរថា ប្រសិនបើគ្មានការប្រែប្រួលទេ នៅថ្ងៃទី២៨ ធ្នូ សម្តេច នឹងបើកកិច្ចប្រជុំមួយ ដើម្បីឆ្លងច្បាប់ ស្តីពីចរាចរណ៍ផ្លូវគោកថ្មី ដោយនឹងត្រូវថែមចំណុចមួយចំនួន ទាក់ទងនឹងការបើកបរ និងបញ្ហាគ្រៀងញៀន ។សម្តេចថា«ការធ្វើវិសោធនកម្មច្បាប់ ស្តីពីចរាចរណ៍ផ្លូវគោកថ្មីនេះ នឹង មានការបន្ថែមចំណុចមួយ ដោយតម្រូវឲ្យអ្នកបើកបរ យានយន្តទាំងអស់ ត្រូវតែធ្វើតេស្តសារធាតុញៀន ហើយត្រង់ថាយើងនឹងត្រូវកំណត់ធ្វើប៉ុន្មានឆ្នាំម្តង យ៉ាងណានោះ គឺនឹងកំណត់ដោយរាជរដ្ឋាភិបាល ហើយធ្វើតេស្តនៅទីណា ឬកន្លែងណានោះក៏នឹងកំណត់នៅពេលក្រោយ។ ប៉ុន្តែជាគោលការណ៍ គឺត្រូវតែធ្វើតេស្តចំពោះអ្នកបើកយានយន្ត ទាំងអស់ តាំងពីអ្នកបើកម៉ូតូ, ម៉ូតូកង់បី. ឬកង់បួនក៏ត្រូវតែធ្វើដូចគ្នាដែរ» ។

សម្តេច ស ខេង ពន្យល់ផងដែរថា ការធ្វើតេស្តរកសារធាតុ ញៀនដល់អ្នកបើកបរយានយន្តគ្រប់ប្រភេទនេះ គឺដើម្បីបង្ការ និងទប់ស្កាត់ការប្រើប្រាស់ សារធាតុញៀន និងដើម្បីកាត់បន្ថយការ គ្រោះថ្នាក់ចរាចណ៍នៅកម្ពុជា ឲ្យកាន់តែមានប្រសិទ្ធភាពបន្ថែមទៀត ខណៈបញ្ហាគ្រឿងញៀន និងបញ្ហាចរាចណ៍នេះបានកំពុងមានកង្វល់ យ៉ាងខ្លាំងនៅកម្ពុជានេះ។សម្តេច ឲ្យដឹងថា នាពេលបច្ចុប្បន្ននេះ អ្នកកំពុងជាប់ពន្ធនាគារនៅកម្ពុជា ប្រហែលបួនម៉ឺននាក់ ខណៈជិតពីរម៉ឺននាក់ ជាប់ពាក់ព័ន្ធក្នុងការរកស៊ី និងប្រើប្រាស់គ្រឿងញៀន។

ក្រៅពីរឿងគ្រឿងញៀនសម្តេចឧបនាយករដ្ឋមន្ត្រី បន្ថែមថា ទាក់ទងនឹងការផ្ទេរមន្ត្រីនគរបាលប៉ុស្តិ៍(ដែលក្រសួងអនុញ្ញាតឲ្យថ្វើការជ្រើសរើសពីក្នុងមូលដ្ឋាន) ក្រសួងមហាផ្ទៃមិនអនុញ្ញាតឱ្យផ្ទេរនោះទេ ចាប់ពីពេលនេះតទៅ។ ប៉ុន្តែក្នុងករណីចាំបាច់(ការផ្ទេរ) លុះត្រាតែមានការអនុញ្ញាតពីរដ្ឋមន្ត្រីក្រសួងមហាផ្ទៃ។ ចំពោះការជ្រើសរើសមន្ត្រី ក្រសួងក៏បានដាក់វិធានការចុងក្រោយ ដោយបាននឹងកំពុងធ្វើការទាក់ទង និងការជ្រើសរើសបំពេញកម្លាំងនគរបាល នៅតាមប៉ុស្តិ៍ឱ្យមានកម្លាំងគ្រប់គ្រាន់ បានសិក្សារៀនសូត្រ មានសមត្ថភាព និងអនុវត្តតាមគោលនយោបាយភូមិ-ឃុំ មានសុវត្ថិភាពនៅក្នុងឃុំ-សង្កាត់ខ្លួនទទួលបានជោគជ័យ៕ a car trafic2