នៅសល់ពេលវេលាជាង១ខែសម្រាប់សាកល្បងសមត្តភាពមេបក្សវឌ្ឈនភាពដើម្បីបង្កើតរ្ដឋាភិបាលថ្មី
31-October-2023 / ព័ត៌មានអន្តរជាតិ
ប្រទេសថៃ៖មេដឹកនាំគណបក្សវឌ្ឈនភាពឬចលនាឆ្ពោះទៅមុខ(Move Forward )ក្នុងប្រទេសថៃ លោក ភីតាលីមជារើរត្ន័(Pita Limjaroenrat)កាលពីថ្ងៃទី១៨ ខែឧសភា បានប្រកាសថា លោកនឹងចូលរួមជាមួយគណបក្សចំនួន៧ផ្សេងទៀត ដើម្បីបង្កើតក្រុមចម្រុះ ដែលមានអាសនៈ៣១៣ក្នុងចំណោម៥០០អាសនៈ នៅក្នុងសភាតំណាង ដោយមានលោក Pita ជាបេក្ខជននាយករដ្ឋមន្ត្រី។
គណបក្សចម្រុះដែលមានអាសនៈក្នុងសភាទាំងប្រាំបីនោះរួមមាន៖ គណបក្សជឿនលឿន ,ដើម្បីប្រទេសថៃ< ថៃសាងថៃ< សេរី រាមាថៃ, ប្រាឆាឆាត, ប៉ែន ថាម ប៉ាឡាំង,សាងកមម៉ៃ និងភឿថៃ, រៀមប៉ាឡាំង។
លោក ភីតា មានប្រសាសន៍ថា ភាគីទាំងប្រាំបីនឹងចុះហត្ថលេខាលើអនុស្សរណៈនៃការយោគយល់គ្នា (MoU) និងប្រកាសព័ត៌មានលម្អិតនៃកិច្ចព្រមព្រៀងនៅថ្ងៃទី ២២ ឧសភា។ លោក ភីតា បានបន្តបង្ហាញទំនុកចិត្តក្នុងដំណើរការបង្កើតរដ្ឋាភិបាលដែលមានសំឡេងភាគច្រើនក្នុងសភា។ជាមួយនឹងអាសនៈចំនួន ៣១៣ នៅក្នុងសភា សម្ព័ន្ធនយោបាយដែលដឹកនាំដោយមេដឹកនាំគណបក្សរីកចម្រើននៅត្រូវការសម្លេងចំនួន អា៦៣សនៈ ទៀតដើម្បីធានាថាវាក្លាយជាក្រុមចម្រុះដែលកំពុងកាន់អំណាច ហើយលោកភិតា( Pita) ក្លាយជានាយករដ្ឋមន្ត្រីទី 30 របស់ប្រទេសថៃ។
ព្រោះថាដើម្បីបង្កើតរដ្ឋាភិបាលមួយ សម្ព័ន្ធគណបក្សទាំង៨ត្រូវការការគាំទ្រយ៉ាងហោចណាស់ ៣៧៦ ក្នុងចំណោម៧៥០ អាសនៈទាំងនៅក្នុងសភាតំណាង (៥០០ អាសនៈ) និងព្រឹទ្ធសភាដែលមានសមាជិកជាយោធាជ្រើសតាំង ២៥០ អាសនៈ។មុនមានការព្រមព្រៀងគ្នានេះ នៅថ្ងៃទី១៧ ខែឧសភា សមាជិកគណៈកម្មាធិការប្រតិបត្តិគណបក្សរីកចម្រើន បានឱ្យដឹងថា គណបក្សនឹងដាក់ស្នើធ្វើវិសោធនកម្ម ឬប្រកាសឱ្យប្រើប្រាស់ច្បាប់ថ្មីចំនួន៤៥ ភ្លាមៗនៅពេលដែលសភាបានប្រជុំ ក្នុងនោះ១១ច្បាប់ដែលគួរឱ្យកត់សម្គាល់ ពាក់ព័ន្ធនឹងបញ្ហានយោបាយយោធា។ កំណែទម្រង់ និងច្បាប់ចំនួន៦ ស្តីពីការកែទម្រង់ឧបករណ៍រដ្ឋបាលរបស់រដ្ឋដែលជាបញ្ហារសើបសម្រាប់ពួកយោធាដែលមានអាសនៈក្នុងព្រិទ្ធសភានិងគណបក្សដែលគាំទ្រពួកយោធា។
ជាក់ស្តេងគណបក្ស ភូមិចៃថៃ ដែលទទួលបានអាសនៈសភា ភាគច្រើនទីបី(៧០អាសនៈ) បានបង្ហើប ពីការបដិសេធរបស់ពួកគេ ក្នុងការគាំទ្របេក្ខជននាយករដ្ឋមន្ត្រី ឬគណបក្សនយោបាយណាមួយ ដែលស្វែងរកការដកហូត ឬធ្វើវិសោធនកម្មច្បាប់ស្តីពី ការប្រមាថស្ថាប័នព្រះមហាក្សត្រ។យោងតាមសារព័ត៌មានថៃ បាងកក ប៉ុស្តិ៍ ចេញផ្សាយនៅថ្ងៃទី១៨ ខែឧសភា ឆ្នាំ២០២៣ បានឱ្យដឹងថា សេចក្តីថ្លែងការណ៍នេះ ត្រូវបានចែករំលែកនៅលើទំព័រ Facebook របស់គណបក្ស ភូមិចៃថៃ កាលពីយប់ថ្ងៃពុធ ដើម្បីឆ្លើយតបទៅនឹងគណបក្សវឌ្ឈនភាព( Move Forward) ដែលបានតែងតាំងមេដឹកនាំរបស់ខ្លួន គឺលោក Pita Limjaroenrat ជានាយករដ្ឋមន្ត្រីថ្មី បន្ទាប់ពីបានឈ្នះអាសនៈសភាភាគច្រើន នៅក្នុងការបោះឆ្នោតសកលកាលពីថ្ងៃអាទិត្យ។
គណបក្ស ភូមិចៃថៃ ផ្អែកលើជំហររបស់ខ្លួនលើមាត្រា ១១២ នៃក្រមព្រហ្មទណ្ឌ ដែលត្រូវបានគេស្គាល់ថា ជាច្បាប់ប្រមាថព្រះមហាក្សត្រ។ គណបក្សបានសរសេរថា ជំហរនៅតែមិនប្រែប្រួលពីអ្វីដែល មេដឹកនាំរបស់ខ្លួនលោក Anutin Charnvirakul បានប្រកាសមុននេះ។គណបក្ស ភូមិចៃថៃ បានសរសេរថា “ជំហរគឺជាគោលការណ៍សំខាន់របស់គណបក្ស ភូមិចៃថៃ ដែលមិនអាចផ្លាស់ប្តូរបាន និងមិនអាចចរចាបាន។ គណបក្ស ភូមិចៃថៃ មិនអាចបោះឆ្នោតជ្រើសរើស បេក្ខជននាយករដ្ឋមន្ត្រីពីគណបក្សនយោបាយ ដែលគ្រោងនឹងកែប្រែ ឬលុបចោលមាត្រា ១១២ នៃក្រមព្រហ្មទណ្ឌ” បានទេ។
យោងតាមសេចក្តីប្រកាស គណបក្ស ភូមិចៃថៃ និងសមាជិករបស់ខ្លួន នឹងមិនត្រូវផ្លាស់ប្តូរដោយការទាមទារ ការគំរាមកំហែង ឬសម្ពាធដើម្បីផ្លាស់ប្តូរឧត្តមគតិ និងទស្សនៈរបស់ពួកគេឡើយ។ ប្រសិនបើរដ្ឋាភិបាលស្វែងរកវិសោធនកម្ម ឬលុបចោលមាត្រា ១១២ ត្រូវបានបង្កើតឡើងដោយជោគជ័យ គឺគណបក្សនឹងរៀបចំធ្វើជាបក្សប្រឆាំង ដើម្បីតាមដានការអនុវត្តរបស់រដ្ឋាភិបាល ដើម្បីផលប្រយោជន៍សាធារណៈ និងការការពារស្ថាប័នសំខាន់ៗ ។
ទោះបីយ៉ាងណាសកម្មជនជាយុវចនដែលគាំកម្លាំងប្រជាធិបតេយ្យបានចេញសេក្តីប្រកាសថាព្រោះនឹងមិននៅស្ងៀមឲ្យមានសកម្មភាពរាំងស្ទះការបង្កើតរដ្ឋាភិបាលដ្មីឡើយដែលចង់សម្តៅទៅរកពួកយោធា?។វានៅសល់ពេលជាង១ខែទៀតគឺរហូតដល់ខែក្កដាទើបជាពេលវេលាត្រូវឲ្យរដ្ឋសភាបោះឆ្នោតបង្កើតរដ្ឋាភាភិបាលថ្មីដែលជាពេលសសម្រាប់សាកល្បងសមត្តភាពលោកភីតាសម្រាប់កៀងគររកសម្លេងគាំទ្របេក្ខភាពនាយករដ្ឋមន្ត្រីរបស់ខ្លួន។ប្រសិនបើមិនយកគណបក្សភូមចៃថៃដេលមានអាសនៈ៧០មករួមបញ្ជូលនោះទេ។តាមធម្មតាការបោះឆ្នោតធ្វើជាសំងាត់ដូចឆ្នោះចង់ឬមិចង់អាចនឹងមានខាងគណបក្សផ្សេងឬសមាជិកព្រឹទ្ធសភាគាំទ្រក៏ថាបានដើម្បីដោះដូជាមួយផលប្រយោជន៍៕
