វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2309 នាក់
ម្សិលមិញ 5378 នាក់
សរុប 14081602 នាក់
សេអ៊ូល៖ នៅថ្ងៃព្រហស្បតិ៍ទី២៨សីហានេះតុលាការកំពូល ប្រទេសកូរ៉េខាងត្បូង បានពិចារណាឡើងវិញការផ្តន្ទាទោស របស់អតីតប្រធានាធិបតីកូរ៉េលោកស្រី ផាក ហ្គឺនហេ ក្នុងរឿងអាស្រូវពុករលួយ ដែលបណ្តាលឲ្យលោកស្រី ត្រូវបានតុលាការធម្មនុញ្ញទម្លាក់ពីអំណាច ហើយបានបញ្ជាឱ្យបើកសវនាការរឿងនេះឡើងវិញម្តងទៀត។នេះបើយោងតាមសារព័ត៌មាន Bankok Post ចេញផ្សាយនៅថ្ងៃទី២៩ ខែសីហា ឆ្នាំ២០១៩។
លោកស្រី ផាក ត្រូវបានផ្តន្ទាទោស កាលពីខែមេសាឆ្នាំមុន ពីបទសូកប៉ាន់ និងរំលោភអំណាច ហើយត្រូវបានផ្តន្ទាទោសឱ្យជាប់ពន្ធនាគាររយៈពេល ២៤ ឆ្នាំ ក្រោយមកត្រូវបន្ថែម ១២ ខែទៀត។ ប៉ុន្តែតុលាការកំពូលបានសំរេចថា សាលក្រមដាច់ដោយឡែក គួរតែត្រូវបានឈានដល់ការស៊ីសំណូក។
លោកគីមមីយុងស៊ូ( Kim Myeong-su) ប្រធានយុត្តិធម៌កូរ៉េឲ្យដឹងថា « យើងបញ្ជូនរឿងក្តីនេះ ទៅតុលាការកំពូលទីក្រុងសេអ៊ូល វិញហើយ»។
លោកស្រីផាក់ហ្គិនហេត្រូវបានផ្តន្ទាទោស កាលពីខែមេសាឆ្នាំ ២០១៨ ពីការទទួល ឬទាមទារប្រាក់ជាង ២០ លានដុល្លារពីក្រុមហ៊ុនសហគ្រាស ការចែករំលែកឯកសារសម្ងាត់របស់រដ្ឋ ការដាក់ឈ្មោះក្នុងបញ្ជីខ្មៅ ទៅលើសិល្បករដែលរិះគន់គោលនយោបាយ របស់លោកស្រី និងការបណ្តេញមន្ត្រីដែលប្រឆាំង នឹងការរំលោភអំណាចរបស់លោកស្រី .។លោកស្រីត្រូវបានតុលាការធម្មនុញ្ញចេញសាលក្រមទម្លាក់ចេញពីតំណែង ក្រោយពីផ្ទុះមានរឿងអាស្រូវដ៏អាក្រក់មួយទាក់ទងនឹងអំពើពុករលួយ និងការបណ្តោយឲ្យមិត្តភក្តិជិតស្និទ្ធឈ្មោះ ឆយ ស៊ូនស៊ីល លូកលាន់កិច្ចការរដ្ឋទាំងដែលគ្មានតួនាទីអ្វីសោះ៕