រុស្ស៊ីប្រកាសបញ្ឈប់សហការនាចេញគ្រាប់ធុញ្ញជាតិជាមួយអ៊ុក្រែនក្រុមប្រឹក្សាសន្តិសុខអង្គកាសហប្រជាជាតិព្រួយតែអ៊ុក្រែនថាមិនអីទេ!
03-April-2024 / ព័ត៌មានអន្តរជាតិ
សហប្រជាជាតិ៖កាលពីថ្ងៃទី១៧កក្កដាសមាជិកក្រុមប្រឹក្សាសន្តិសុខអង្គការសហប្រជាជាតិ (អ.ស.ប) បានថ្កោលទោសការសម្រេចចិត្តរបស់រុស្ស៊ីក្នុងការបញ្ឈប់ការចូលរួមនៅក្នុងគំនិតផ្តួចផ្តើមនាំចេញគ្រាប់ធញ្ញជាតិតាមសមុទ្រខ្មៅ ដែលជាកិច្ចព្រមព្រៀងមានរយៈពេលមួយឆ្នាំរបស់ (អ.ស.ប)ដោយអនុញ្ញាតឱ្យអ៊ុយក្រែនអាចនាំចេញគ្រាប់ធញ្ញជាតិដោយឆ្លងកាត់សមុទ្រខ្មៅ ។ករណីយ៍នេះ(អ.ស.ប)បានសម្តែងក្តីព្រួយបារម្ភថាតម្លៃស្បៀងអាហារនឹងកើនឡើនហួសពីលទ្ធភាព ជាពិសេសនៅតាមបណ្តាប្រទេសក្រីក្រ។
លោកឌីម៉េទ្រី គូឡេបា (Dymitri Kuloba) រដ្ឋមន្ត្រីការបរទេសអ៊ុយក្រែន បានថ្លែងប្រាប់អ្នកសារព័ត៌មាននៅមុនកិច្ចប្រជុំក្រុមប្រឹក្សាសន្តិសុខថា ប្រទេសភាគច្រើននៅតំបន់អាស៊ី និងអាហ្វ្រិក នឹងមានហានិភ័យខ្ពស់ក្នុងការប្រឈមមុខនឹងកំណើនតម្លៃ ជាមួយនឹងភាពអត់ឃ្លាន ដូចនេះ រុស្ស៊ីគួរបញ្ឈប់សកម្មភាពបែបនេះ ។ នៅប៉ុន្មានម៉ោង និងប៉ុន្មានថ្ងៃបន្ទាប់ នឹងមានកិច្ចពិភាក្សាយ៉ាងស៊ីជម្រៅពាក់ព័ន្ធនឹងបញ្ហានេះ ។
ប្រទេស អ៊ុយក្រែន និងរុស្ស៊ីគឺជាប្រទេសនាំចេញគ្រាប់ធញ្ញជាតិ និងគ្រឿងឧបភោគបរិភោគច្រើនជាងគេបំផុតរបស់ពិភពលោក ហើយប្រសិនបើមានសកម្មភាពរំខានណាមួយ វានឹងអាចជំរុញឱ្យតម្លៃស្បៀងអាហារកើនឡើងនៅទូទាំងពិភពលោក ។
ភាគីរុស្ស៊ី បានប្រកាសដកខ្លួនចេញ កិច្ចព្រមព្រៀងនាំចេញគ្រាប់ធញ្ញជាតិតាមសមុទ្ទខ្មៅ បានអស់សុពលភាពនៅយប់ថ្ងៃចន្ទទី១៧កក្កដាវេលាម៉ោង១១អាធ្រាត្រម៉ោងនៅក្រុងប៉ារីស។ ចុះហត្ថលេខាដោយរុស្ស៊ី អ៊ុយក្រែន អង្គការសហប្រជាជាតិ និងតួកគី កាលពីខែកក្កដាឆ្នាំ២០២២ កិច្ចព្រមព្រៀងបានសម្រួលការនាំចេញធញ្ញជាតិបានប្រមាណ៣៣លានតោនក្នុងរយៈពេលមួយឆ្នាំ។ ប៉ុន្តែសម្រាប់ពេលភ្លាមៗនេះ ការព្យួរកិច្ចព្រមព្រៀង បង្កផលប៉ះពាល់ខ្សោយណាស់លើទីផ្សារធញ្ញជាតិ។ តែសម្រាប់លោកប្រធានាធិបតីអ៊ុយក្រែន ហ្សេឡេនស្គី ទោះគ្មានរុស្ស៊ី ក៏ក្រុងកៀវនៅតែអាចបន្តនាំចេញតាមច្រកសមុទ្ទខ្មៅដដែល ព្រោះអ៊ុយក្រែនមិនខ្លាចទេ។
នៅព្រឹកថ្ងៃចន្ទដើមសប្តាហ៍នេះ មានករណីបំផ្ទុះមួយបានកើតឡើងនៅឯស្ពានសម្រាប់ឆ្លងចូលពីរុស្ស៊ីទៅកាន់តំបន់គ្រីមៀ ដោយទីក្រុងមូស្គូហៅថា គឺជាការវាយប្រហារដោយនាវាគ្មានមនុស្សបើកនៅលើផ្ទៃសមុទ្ររបស់អ៊ុយក្រែន ។ ហេតុការណ៍នេះ បានសម្លាប់មនុស្ស ២នាក់ ស្របពេលទីក្រុងម៉ូស្គូ បានចាត់ទុកថា គឺជាការវាយប្រហារភេរវកម្មនៅត្រង់ចំណុចស្ពាននៃសរសៃឈាមដ៏សំខាន់សម្រាប់កងទ័ពរុស្ស៊ីដែលកំពុងប្រយុទ្ធគ្នានៅអ៊ុយក្រែន។ បន្ទាប់មកលោកពូទីនបានសងសឹកវីញដោយបញ្ជូនយន្តហោះគ្មានមនុស្សបើកនិងបាញ់កាំជ្រួចលើទីក្រុងកំពង់ផែអូដេសារបស់អ៊ុយក្រែនវិញ។តែមិនសូវមានប្រសិទ្ធិភាបដោយសារកងការពារអាកាសបាញ់ទម្លាក់បានច្រើន។តំបន់កំពង់ផែ Odessa ជាកំពង់ផែទឹកជ្រៅ និងដ៏ធំបង្អស់ របស់អ៊ុយក្រែន ជាកន្លែងដែលមានការដឹកជញ្ជួនទំនិញនាំចូលនិង នាំចេញប្រមាណ ៧០ភាគ រយរបស់ប្រទេសអ៊ុយក្រែនទាំងមូលតាមច្រកផ្លូវទឹកសមុទ្ទ។ អំពើវាយប្រហារនេះ បានកើត ឡើងក្រោយរយៈពេល២៤ម៉ោងដែលមេ ដឹកនាំរុស្ស៊ីលោកវ្លាឌីមៀរ ពូទីនបានប្តេជ្ញាថា នឹងធ្វើ ការវាយប្រហារតបតសងសឹក។
ស្ពានប្រវែងជិត២០គីឡូម៉ែត្រដែលគេស្គាល់ថាជាស្ពាន Kerch គឺជាស្ពាន ឆ្លងកាត់ដៃសមុទ្ទដែលវែងជាងគេនៅអឺរ៉ុប និងជាស្ពានដែលមានសារៈសំខាន់ជាយុទ្ធសាស្ត្រ និងក៏ជានិមិត្តរូបដ៏ធំសម្រាប់រដ្ឋាភិបាលក្រុងម៉ូស្គូ។
កាលពីចុងខែកុម្ភៈឆ្នាំ២០២២ ពេលរុស្ស៊ីចូលឈ្លានពានអ៊ុយក្រែនភ្លាម ចរាចរណ៍តាមសមុទ្ទខ្មៅដែលជាច្រកផ្លូវនាំចេញផលិតផលកសិកម្មដ៏ចម្បងរបស់អ៊ុយក្រែនត្រូវបិទខ្ទប់។ ពេលនោះ អ៊ុយក្រែន អ្នកនាំចេញប្រេងផ្កាឈូករ័ត្នលេខមួយនិងនាំចេញស្រូវសាលីលេខបួនពិភពលោកមានស្តុកផលិតផលកសិកម្មសម្រាប់នាំចេញពេញណែនជង្រុក។ ភាពរន្ធត់នឹងសង្គ្រាមដោយឥតព្រាងទុកបានធ្វើឱ្យទីផ្សារឡើងតានតឹងខ្លាំង។ ក្រោយពីការចុះកិច្ចព្រមព្រៀងនាំចេញរវាងរុស្ស៊ីនិងអ៊ុយក្រែនក្រោមការផ្តួចផ្តើមរបស់តួកគីនិងអង្គការសហប្រជាជាតិមក ការនាំចេញគ្រាប់ធញ្ញជាតិពីអ៊ុយក្រែនបានចាប់ផ្តើម នៅថ្ងៃទី១សីហា២០២២ និងបានសម្រួលទីផ្សារស្រូវសាលី នៅអាហ្វ្រិកនិងតំបន់មេឌីទែរ៉ាណេ ហើយបានបញ្ចុះតម្លៃគ្រាប់ធញ្ញជាតិពិភពលោក ដល់កំរិតដ៏ទាបបំផុតមួយកាលពីខែឧសភា។ពេលនេះ ផលិតផលកសិកម្មរបស់អ៊ុយក្រែនបានធ្លាក់ចុះស្ទើរអស់ពាក់កណ្តាល។ តាមការព្យាករណ៍ អ៊ុយក្រែននឹងទទួលទិន្នផលពោតត្រឹមតែ២៥លានតោន និងស្រូវសាលី ១៧លានតោនកន្លះ សម្រាប់ឆ្នាំ២០២៣-២៤ ទល់នឹង៤២លានតោនពោតនិង៣៣លានតោនស្រូវសាលីកាលពីឆ្នាំ២០២១-២២ ដោយអាចនាំចេញតិចជាងមុនប្រមាណ៦លានតោនស្រូវ និងពោត១០លានតោន។តែដោយសារពិភពលោកមិនខ្វះស្រូវសាលី និងក្នុងរដូវប្រមូលផលដូច្នេះ ទីផ្សារធញ្ញជាតិស្ងប់ស្ងាត់ល្អ ទើបមិនសូវមានប្រតិកម្មខ្លាំងនឹងដំណឹងព្យួរកិច្ចព្រមព្រៀងនាំចេញនេះទេ។
ទោះបីយ៉ាងណាម ការព្រួយបារម្ភអាចកើតមានសម្រាប់រយៈពេលយូរនិងមធ្យមទៅមុខ។ រុស្ស៊ីជាប្រទេសនាំចេញស្រូវសាលីលេខ១ និងជាស្រូវដ៏ថោកជាងគេនៅលើពិភពលោក។ ភ្លាមៗនេះ រុស្ស៊ី និងអឺរ៉ុប អាចបំពេញសេចក្តីត្រូវការទីផ្សារស្រូវសាលីជំនួសអ៊ុយក្រែនបាន ប៉ុន្តែយូរទៅវាអាចនឹងធ្វើឱ្យប្រទេសទីបី (អ្នកនាំចូលស្រូវសាលី) រំពឹងលើរុស្ស៊ីកាន់តែខ្លាំង ហើយកាន់តែពិបាកចាត់ចែងទៀត បើមានគ្រោះធម្មជាតិអាកាសធាតុលេចឡើង។សេចក្តីសម្រេចចិត្តរបស់រុស្ស៊ីដកខ្លួនចេញពីកិច្ចព្រមព្រៀងនាំចេញធញ្ញជាតិពេលនេះ មានន័យថាម៉ូស្គូលែងធានាសន្តិសុខដល់ចរាចរណ៍នាវានាំចេញតាមច្រកសមុទ្ទខ្មៅហើយ។ ហើយម៉ូស្គូក៏ព្យួរកិច្ចសហប្រតិបត្តិការសម្របសម្រួលរួមនៅក្រុងអ៊ីស្តង់ប៊ូល(តួគី)ដែលទទួលបន្ទុកត្រួតពិនិត្យនាវាមកពីឬទៅអ៊ុយក្រែនដែរ។ តែដោយជាក់ស្តែងនោះ គេលែងឃើញមាននាវាដឹកធញ្ញជាតិនាំចេញ ពីកំពង់ផែអ៊ុយក្រែនតាំងពីថ្ងៃទី ២៧មិថុនាមក ពោលគឺជិតមួយខែទៅហើយ។
ប្រធានាធិបតីអ៊ុយក្រែន បានអះអាងនៅល្ងាចថ្ងៃទី១៧កក្កដាថា ទោះបីរុស្ស៊ីបញ្ឈប់កិច្ចព្រមព្រៀងក្តី ក៏អ៊ុយក្រែនត្រៀមជាស្រេចនឹងបន្តការនាំចេញធញ្ញជាតិ តាមច្រកសមុទ្ទខ្មៅ ដែលធ្លាប់មានចុះកិច្ចព្រមព្រៀងពីមុន។ ទោះបីជាលែងមានការធានាសន្តិសុខយ៉ាងណាក៏ដោយ លោកហ្សេឡេនស្គីប្រកាសថាមិនខ្លាចដែរ។ មិនខ្លាចការវាយប្រហាររបស់រុស្ស៊ីដែលជាអ្នកក្តោបក្តាប់សមុទ្ទខ្មៅឡើយ។មុនមានកិច្ចព្រមព្រៀងនាំចេញតាមសមុទ្ទខ្មៅ សហភាពអឺរ៉ុបបានដាក់ឱ្យដំណើរការបណ្តាញផ្លូវគោក និងផ្លូវទឹក(ទន្លេ) ដើម្បីសម្រួលការនាំចេញគ្រាប់ធញ្ញជាតិអ៊ុយក្រែនបានខ្លះដោយឆ្លងកាត់អឺរ៉ុប។
បើតាម Fondation Farm មូលនិធិគិតគូរអំពីចំណោទកសិកម្មពិភពលោក បច្ចុប្បន្ននេះការនាំចេញគ្រាប់ធញ្ញជាតិអ៊ុយក្រែនពាក់កណ្តាល ធ្វើដំណើរតាមផ្លូវដែកនិងទន្លេដានូប ឆ្លងតាមប៉ូឡូញនិងរ៉ូមានី។ ប៉ុន្តែបញ្ហាចោទមួយនៅត្រង់ថាតើសហភាពអឺរ៉ុប ដែលទទួលទិញគ្រាប់ធញ្ញជាតិពីអ៊ុយក្រែន៥០%តាំងពីសង្គ្រាមផ្ទុះឡើងមក មានសមត្ថភាពនាំចេញបន្តបានកំរិតណា? ម្យ៉ាងទៀត អឺរ៉ុបកំពុងគិតគូរពង្រីកមធ្យោបាយដឹកជញ្ជូនតាមផ្លូវដែកហើយតែត្រូវការចំណាយពេលវេលា តែទោះជាពង្រីកយ៉ាងណាក៏គេមិនអាចដំឡើងទំហំនៃការនាំចេញតាមផ្លូវដែកនិងផ្លូវទន្លេមិនបានច្រើនឡើយ។រដ្ឋមន្ត្រីការបរទេសអ៊ុយក្រែនលោក Dmitry Kuleba បានប្រាប់ស៊ីអិនអិននូវសារៈសំខាន់ស្ពាន Kerch របស់រុស្ស៊ីនោះថា ជាផ្លូវសំខាន់ណាស់របស់រុស្ស៊ី ក្នុងការជួយផ្គត់ផ្គង់កងកម្លាំងរុស្ស៊ីក្នុងគ្រីមៀ និងកងកម្លាំងរុស្ស៊ីក្នុងភាគខាងត្បូងទឹកដីអ៊ុយក្រែន ដែលដឹកជញ្ជួនទាំងកម្លាំង, គ្រាប់រំសេវ, អាវុធយុទ្ធភណ្ឌ, ប្រេងឥន្ធនៈនិងគ្រឿងបរិក្ខា ជា ច្រើនទៀត»។ លោកបានថ្លែងបញ្ជាក់ថា នៅមានចំណុចសំខាន់មួយទៀតដែលគេត្រូវយកចិត្តទុកដាក់នោះ គឺស្ពាននេះ បានកសាងឡើងដែលមិនស្ថិតក្នុងរង្វង់ច្បាប់ឡើយ។ វាគឺជា ស្ពាននិងជាសំណង់ដែលខុសច្បាប់ដែលបានធ្វើដោយមិបានសុំរកភាពស្របច្បាប់ពី ប្រទេស អ៊ុយក្រែនឡើយ។
