សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ឆ្មក់ចូលក្លឹបថាំងហួយឃាត់មនុស្សបាន១១១នាក់គ្រឿងញៀន៥គីឡូក្រាម?

ខេត្តក្រចេះមិនអនុញ្ញាតឲ្យអាជីវករលក់ត្រីបបែលទៀតទេ រួមទាំងត្រី ២៩ប្រភេទផ្សេងទៀត ដែលជាប្រភេទត្រីជិតផុតពូជ

មន្ត្រីសុរិយោដីស្រុកសំរោងទង ស្រវឹងស្រាបើកឡានបុកផ្ទាំងផ្សាយពាណិជ្ជកម្មនៅសួនច្បារសម្តេចព្រះសង្ឃរាជ ជួន ណាត

លោកកើត រិទ្ធ រដ្ឋមន្ត្រីក្រសួងយុត្តិធម៍ប្រកាសបើកយុទ្ធនាការលុបពាក្យបណ្តាសា ត្រីមួយកន្ត្រកស្អុយមួយ ស្អុយទាំងអស់ក្នុងប្រពន្ធ័យុត្តិធម៍

ជាច្រើនទៀត

ចំនួនអ្នកទស្សនា

ថ្ងៃនេះ 8568 នាក់

ម្សិលមិញ 8227 នាក់

សរុប 14135449 នាក់

បន្ទាប់ពីប្រកាសកំទេចបក្សប្រឆាំងរបបយោធាមីយ៉ាន់ម៉ា ប្រកាសរំលាយគណបក្ស NLD របស់លោកស្រី អោងសាន ស៊ូជី

27-March-2024 / ព័ត៌មានអន្តរជាតិ

មីយ៉ានម៉ា៖ គណៈកម្មការរៀបចំការបោះឆ្នោតគ្រប់គ្រងដោយយោធាមីយ៉ាន់ម៉ា បានប្រកាសថាគណបក្សរបស់លោកស្រី អោងសាន ស៊ូជី នឹងត្រូវបានរំលាយចោល ដោយសារតែបរាជ័យក្នុងការ ចុះបញ្ជីគណបក្សនយោបាយឈរឈ្មោះបោះឆ្នោតឡើងវិញ នៅក្រោមច្បាប់បោះឆ្នោតថ្មី។ a burma sujy

កាលពីខែមករាកន្លងទៅនេះ របបដឹកនាំយោធាមីយ៉ាន់ម៉ា បានប្រកាសទុកពេល២ខែ សម្រាប់គណបក្សនយោបាយទាំងអស់ ដើម្បីចុះបញ្ជីគណបក្សនយោបាយឈរឈ្មោះបោះឆ្នោតឡើងវិញ នៅក្រោមច្បាប់បោះឆ្នោតថ្មី ដែលអ្នករិះគន់អះអាងថាមានការរឹតត្បិតខ្លាំង នៅមុនការបោះឆ្នោតសកលដែលមិនទាន់កំណត់កាលបរិច្ឆេទជាក់លាក់ចូលមកដល់។នៅក្នុងសេចក្ដីប្រកាសមួយកាលពីល្ងាចថ្ងៃអង្គារទី២៨មិនា ទូរទស្សន៍ Myawaddy TV បានបញ្ជាក់ថាគណបក្សសម្ព័ន្ធជាតិដើម្បីប្រជាធិបតេយ្យ (NLD) របស់លោកស្រី ស៊ូជី ស្ថិតនៅក្នុងចំណោម គណបក្សនយោបាយចំនួន៤០ ដែលមិនបានបំពេញតាមក្រិតក្រមនៃកាលបរិច្ឆេទចុះបញ្ជីសម្រាប់ការបោះឆ្នោតសកល.។

គណបក្សសម្ព័ន្ធជាតិដើម្បីប្រជាធិបតេយ្យបង្កើតឡើងដោយលោកស្រីជ័យលាភីរង្វាន់ណូបែលសន្តិភាព អ៊ុងសានស៊ូជី យ ជាកម្លាំងនយោបាយប្រឆាំងដ៏ចម្បងនៅភូមា តាំងពីឆ្នាំ១៩៨៨មក និងបានជាប់ឆ្នោតដឹកនាំប្រទេសតាមគន្លងលទ្ធិប្រជាធិបតេយ្យ នៅឆ្នាំ២០១៥ និង២០២០។ ប៉ុន្តែក្រោមលេសលួចបន្លំសន្លឹកឆ្នោត ក្រុមយោធាបានធ្វើរដ្ឋប្រហារទម្លាក់រដ្ឋាភិបាលស៊ីវិល នៅថ្ងៃទី ១កុម្ភៈ២០២១។ លោកស្រីប្រមុខបក្ស ត្រូវកាត់ទោសឱ្យជាប់ពន្ធនាគារ៣៣ឆ្នាំ។ ឯមេដឹកនាំសំខាន់ៗផ្សេងខ្លះទៀតត្រូវបង្ខំចិត្តរត់និរទេសខ្លួន។

របបសឹកបានតាក់តែងច្បាប់តម្រូវឱ្យគ្រប់គណបក្សបំពេញនូវលក្ខខណ្ឌដ៏តឹងតែងនិងថ្មី ដើម្បីអាចបន្តលក្ខន្តិកៈជាគណបក្សនយោបាយបាន ឬត្រូវរំលាយចោលជាស្វ័យប្រវត្តិ។ នោះគឺ ត្រូវមានសមាជិក១សែននាក់ នៅថ្ងៃចុះឈ្មោះបោះឆ្នោត មិនមែន១ពាន់នាក់ដូចមុន។ លក្ខខណ្ឌថ្មីតម្រូវឱ្យគណបក្សបើកគណនីដែលមានតម្កល់ថវិកាយ៉ាងហោច៣៥០០០ដុល្លារ បើកការិយាល័យអចិន្ត្រៃយ៍នៅតាមខេត្ត ឱ្យយ៉ាងហោចពាក់កណ្តាល១៥០ខេត្តក្នុងចំណោមខេត្តទាំង៣៣០របស់ប្រទេស ក្នុងរយៈពេល១៨០ថ្ងៃ និងត្រូវចូលរួមឈរឈ្មោះបោះឆ្នោតឱ្យបានយ៉ាងហោចពាក់កណ្តាល នៃកំរិតថ្នាក់ជាតិ មិនមែនត្រឹមបីមណ្ឌលដូចពេលមុនទេ។

ជាមួយលក្ខខណ្ឌថ្មីនេះ និងបើតាមសេចក្តីប្រកាសរបស់គណៈកម្មការជាតិរៀបចំការបោះឆ្នោត មានគណបក្សប្រមាណតែ៥០ប៉ុណ្ណោះ ដែលចូលរួមបោះឆ្នោត ចំណែក៤០គណបក្សផ្សេងទៀតត្រូវរំលាយចោលដោយស្វ័យប្រវត្តិ។គណបក្សសម្ព័ន្ធជាតិដើម្បីប្រជាធិបតេយ្យ (NLD) របស់លោកស្រី ស៊ូជី ធ្លាប់បានប្រកាសថាខ្លួននឹងមិនចូលរួមក្នុងការបោះឆ្នោតសកលដែលប្រមុខរបបយោធាមីយ៉ាន់ម៉ា លោក មីន អោងឡាំង សន្យាថានឹងរៀបចំឡើងនោះទេ ដោយអះអាងថា គឺជាការបោះឆ្នោតខុសច្បាប់។

របបសឹកបានសន្យារៀបចំការបោះឆ្នោតដោយសេរីនិងត្រឹមត្រូវ ឱ្យបានមុនខែសីហា២០២៣ ប៉ុន្តែកាលពីថ្ងៃចន្ទទី ២៧មីនា លោក មីងអ៊ុងឡាំងមេយោធា បានប្រកាសកម្ចាត់ក្រុមប្រឆាំងឱ្យខ្ទេចសិន នឹងលើកពេលរៀបចំការបោះឆ្នោត នៅរវាងពីរឆ្នាំទៀតខាងមុខ ក្រោយពីប្រទេសចេញពីភាពអាសន្ន?៕ a burma party