គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 7681 នាក់

ម្សិលមិញ 9639 នាក់

សរុប 20697852 នាក់

គណបក្សប្រឆាំងតៃវ៉ាន់ជ្រើសតាំងចៅហ្វាយក្រុងតៃប៉ិជាបេគក្ខជនប្រធានាធិបតី

21-September-2026 / ព័ត៌មានអន្តរជាតិ

តៃវ៉ាន់៖ គណបក្សប្រឆាំងធំជាងគេរបស់កោះតៃវ៉ាន់ គឺគណបក្ស គួមីនតាង (Kuomintang/KMT) នៅថ្ងៃពុធទី១៧ឧសភា បានសម្រេចជ្រើសរើស អភិបាលក្រុងតៃប៉ិថ្មី (New Taipei City) លោក ហូ យ៉ូអ៊ី (Hou Yu-ih) ជាបេក្ខជនប្រធានាធិបតីរបស់ខ្លួន សម្រាប់ការបោះឆ្នោតឆ្នាំ២០២៤។ a tai codidate

ទីភ្នាក់ងារព័ត៌មាន AFP បានឲ្យដឹងថាប្រធានបក្សគួមីនតាង( KMT) លោក អេរិគ ជូ (Eric Chu) បាននិយាយថា ដើម្បីអនាគតរបស់កោះតៃវ៉ាន់ និងសន្តិភាពនៅត្រើយទាំងសងខាងនៃច្រកសមុទ្រតៃវ៉ាន់ គណបក្ស KMT ចាំបាច់ត្រូវតែវិលត្រឡប់មកកាន់អំណាចវិញ។ គួរបញ្ជាក់ថា ជាអតីតប្រធានទីភ្នាក់ងារប៉ូលិសជាតិតៃវ៉ាន់ លោក ហូ បានបន្តជាប់ឆ្នោតជាអភិបាលទីក្រុងតៃប៉ិថ្មី ជាមួយសំឡេងគាំទ្រភ្លូកទឹកភ្លូកដី នៅក្នុងការបោះឆ្នោតថ្នាក់តំបន់កាលពីចុងឆ្នាំមុន នៅពេលដែលគណបក្សកាន់អំណាចរបស់លោកស្រីប្រធានាធិបតីសៃអ៊ីវិនបច្ចុប្បន្នគឺ DPP បានទទួលបរាជ័យក្រោមដៃបក្ស KMT។

សម្រាប់ការបោះឆ្នោតជ្រើសរើសប្រធានាធិបតីតៃវ៉ាន់ នាខែមករា ឆ្នាំ២០២៤ លោក ហូ នឹងត្រូវប្រកួតប្រជែងជាមួយអនុប្រធានាធិបតីតៃវ៉ាន់ លោក វីលៀម ឡៃ (William Lai) ដែលជាបេក្ខជនតំណាងបក្ស DPP ហើយកំពុងតែមានសំឡេងគាំទ្រនាំមុខ ក្នុងលទ្ធផលស្ទង់មតិ ដែលចេញផ្សាយក្នុងសប្តាហ៍នេះ។ការបោះឆ្នោតឆ្នាំ២០២៤ជ្រើសរើសប្រធានាធិបតីថ្មី មកជំនួសលោកស្រី សៃ អ៊ីងវេន ដែលត្រូវចប់អាណត្តិ។ ការបោះឆ្នោតដែលមានសារៈសំខាន់បំផុត ព្រោះអនាគតរដ្ឋាភិបាលថ្មី គឺជាអ្នកកំណត់ទិសដៅនយោបាយរបស់តៃវ៉ាន់និងចិន។បេក្ខជនប្រធានាធិបតីរបស់គណបក្សលោកស្រីសៃ អ៊ីងវេន គឺលោក Lai William អាយុ៦៣ឆ្នាំ បច្ចុប្បន្នជាអនុប្រធានាធិបតី។ ទាក់ទិននឹងសំណុំរឿងចិន លោកម្នាក់នេះ មានគោលជំហររឹងខ្លាំង ហើយប្រាថ្នាចង់ឲ្យតៃវ៉ាន់មានឯករាជ្យពេញបរិបូរ។

លោក ហ៊ូ យូអ៊ី (Hou Yu-ih) អាយុ ៦៥ឆ្នាំ ត្រូវបានគណបក្សគួមីនតាង តែងតាំងជាបេក្ខជនប្រធានាធិបតី សម្រាប់ការបោះឆ្នោតនៅខែមករាខាងមុខជាអភិបាលក្រុងតៃប៉ិថ្មី ដែល មានប្រជាជនរស់នៅប្រមាណ៤លាននាក់។ ជាអតីនាយនគរបាល លោកបានចូលប្រលូកក្នុងនយោបាយ នៅឆ្នាំ២០១០ ដោយបានធ្វើជាអភិបាលរងទីមួយ ដែលកាលនោះគឺលោក Eric Chou បច្ចុប្បន្នជាប្រធានគណបក្សគួមីនតាង ជាអភិបាល។គួរកត់សំគាល់ថា ការតែងតាំងលោក ហ៊ូ យូអ៊ី ជាបេក្ខជនប្រធានាធិបតីរបស់បក្សគួមីនតាង គឺជារឿងគួរឲ្យភ្ញាក់ផ្អើល ខណៈពេលកន្លងមក គឺលោក Terry Gou ស្ថាបិនក្រុមហ៊ុនបច្ចេកវិទ្យាតៃវ៉ាន់ Foxconn ដែលត្រូវគេជឿថាអាចក្លាយជាបេក្ខជនរបស់បក្សគួមីនតាង។

គួរបញ្ជាក់ថា គណបក្សគួមីនតាង ត្រូវគេស្គាល់ថា ជានិច្ចជាកាលមានទំនោរចង់ភ្ជាប់ទំនាក់ទំនងល្អ ជាមួយចិនដីគោក។ នៅពេលអ្នកកាសែតចោទសួរ ស្តីអំពីទំនាក់ទំនងទៅថ្ងៃអនាគត រវាងតៃវ៉ាន់ និងចិន លោក ហ៊ូ យូអ៊ី បានបញ្ជាក់ថា លោកមិនគាំទ្រ ឲ្យតៃវ៉ាន់ប្រកាសឯករាជ្យនោះទេ ហើយលោកក៏មិនគាំទ្រ គោលការណ៍ “ប្រទេសមួយប្រព័ន្ធនយោបាយ២” នោះដែរ។ លោកបានអះអាងថា ចិនបានស្នើប្រើប្រាស់គោលការណ៍ ប្រទេសមួយប្រព័ន្ធ២នេះ មកតៃវ៉ាន់ ដូចនៅហុងកុងដែរ។ ក៏ប៉ុន្តែប្រជាជនតៃវ៉ាន់ជាទូទៅមិនគាំទ្រទេ បន្ទាប់ពីបានឃើញអ្វីដែលចិនបានធ្វើទៅលើហុងកុង។

នៅក្នុងសន្និសិទកាសែត នៅទីស្នាក់ការកណ្តាលបក្សគួមីនតាង កាលពីថ្ងៃពុធទី១៧ឧសភា លោកហ៊ូ យូអ៊ី បានបញ្ជាក់ថា ប្រសិនបើលោកឈ្នះឆ្នោត គឺលោកនឹងធ្វើគ្រប់យ៉ាង ដើម្បីថែរក្សាតៃវ៉ាន់ ការពារការរីកចម្រើនរបស់តៃវ៉ាន់។ លោកអះអាងថា តៃវ៉ាន់គឺជាផ្ទះរបស់ប្រជាជនតៃវ៉ាន់ ដែលត្រូវតែរួមសាមគ្គីគ្នា កសាងឯកភាព ការពារផ្ទះនេះ និងស្ថាបនាអនាគតសម្រាប់យុវជនកូនចៅជំនាន់ក្រោយ។ លោកបន្ថែមថា បច្ចុប្បន្ន ដោយសារតែការបែកបាក់គ្នានេះ តៃវ៉ាន់ត្រូវប្រឈមនឹងសង្គ្រាម ដោយសារតែបរិបទអន្តរជាតិ ចំណែកយុវជនតៃវ៉ាន់វិញ រស់នៅដោយគ្មានក្តីសង្ឃឹម។គណបក្សគួមីនតាង( KMT )គ្រប់គ្រងអំណាចគឺកាលពីចន្លោះឆ្នាំ២០០៨-២០១៦ អំលុងគ្រាដែលទំនាក់ទំនង មានភាពកក់ក្តៅជាមួយចិន។