វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2756 នាក់
ម្សិលមិញ 10264 នាក់
សរុប 14141938 នាក់
អ៊ុយក្រែនរុស្ស៊ី៖ ទូរទស្សន៍BBC ចេញផ្សាយ នៅថ្ងៃសៅរ៍ទី៧ ខែកញ្ញានេះបានឲ្យដឹងថា រវាងប្រទេសរុស្សី និងអ៊ុយក្រែបានធ្វើការដោះដូរ អ្នកទោសគ្នា ជាផ្លូវការហើយ។យន្តហោះដឹកអ្នកទោសបានធ្វើដំណើរ ចាកចេញពីប្រទេសទាំងពីរផ្ទុកជាមួយនឹងអ្នកទោសរៀងខ្លួន បានមកដល់ទីក្រុងមូស្គូ និងទីក្រុងកៀវហើយ។សរុបអ្នកទោសទាំងអស់ មានចំនួន៧០នាក់។
ស្នងការសិទ្ធិមនុស្សរុស្ស៊ី លោកស្រី Tatyana Moskalkova បានឱ្យដឹងថារដ្ឋាភិបាលរុស្ស៊ី និងអ៊ុយក្រែន បានដោះដូរអ្នកទោស៣៥នាក់ ទល់នឹង៣៥នាក់។ « ការដោះដូរអ្នកទោសត្រូវបានធ្វើឡើង ដោយឈរលើគោលការណ៍៣៥នាក់ ទល់នឹង៣៥នាក់ ពោលគឺ អ៊ុយក្រែនដោះលែងអ្នកទោសរុស្ស៊ី៣៥នាក់ ហើយយើង ដោះលែងអ្នកទោសអ៊ុយក្រែន ក្នុងចំនួនដូចគ្នានេះ»។
គួរបញ្ជាក់ថា ការដោះលែង និងដោះដូរអ្នកទោសខាងលើ ក៏រួមមានទាំងនាវិកអ៊ុយក្រែន ២៤នាក់ ដែលរុស្ស៊ី ចាប់ខ្លួនកាលពីខែវិច្ឆិកា ឆ្នាំ២០១៨ និងអ្នកទោសម្នាក់ ដែលមានជាប់ពាក់ព័ន្ធនឹងការបាញ់ទម្លាក់យន្ដហោះ MH17 ដោយផ្ដាច់ជីវិតមនុស្ស២៩៨នាក់ផងដែរ។ការដោះអ្នកទោសទាំងនេះគែជឿជាក់ថាបានកំពុងធ្វើឲ្យមានភាពធូរស្រាល បន្តិចនូវភាពតានតឹងរវាងប្រទេសទាំងពីរ។
ដោយឡែកបើតាម ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៦ ខែកញ្ញា ឆ្នាំ២០១៩ឲ្យដឹងថា លោក Ron Johnson និងលោក Chris Murphy សមាជិកព្រឹទ្ធសភាសហរដ្ឋអាមេរិក បានថ្លែងឲ្យដឹង កាលពីថ្ងៃព្រហស្បតិ៍ថា រដ្ឋាភិបាលអាមេរិកាំង មានបំណងនឹងផ្តល់មូលនិធិជំនួយ ផ្នែកសន្តិសុខចំនួន២៥០លានដុល្លារ ដល់ប្រទេសអ៊ុយក្រែន ។
យោងតាមការចុះផ្សាយព័ត៌មានដោយ ទីភ្នាក់ងារព័ត៌មាន Interfax Ukraine បានឲ្យដឹងថា ការប្រកាសយ៉ាងដូច្នេះ បានធ្វើឡើងដោយសង្ខេប ដោយសមាជិកព្រឹទ្ធសភា លោក Ron Johnson និងលោក Chris Murphy ក្រោយពីកិច្ចប្រជុំមួយជាមួយនឹងលោក Volodymyr Zelensky ប្រធានាធិបតីអ៊ុយក្រែន កាលពីថ្ងៃព្រហស្បតិ៍ម្សិលមិញនេះ ។ផ្អែកតាមមូលនិធិដែរ នឹងនាំឲ្យទឹកប្រាក់ ដែលជាជំនួយផ្នែកសន្តិសុខ របស់សហរដ្ឋអាមេរិក ផ្តល់ដល់អ៊ុយក្រែន រហូតដល់១,៥ពាន់លានដុល្លារ គិតចាប់តាំងពីឆ្នាំ២០១៤មក។