វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2895 នាក់
ម្សិលមិញ 9706 នាក់
សរុប 14081138 នាក់
ថៃ៖ចិនតាមរយៈស្ថានទូតប្រចាំក្រុងបាងកក បានថ្កោលទោសពួកអ្នកនយោបាយថៃខ្លះដែលមានការពាក់ព័ន្ធជាមួយក្រុមគាំទ្រឯករាជ្យហុងកុង និងចាត់ទុកថាអាចធ្វើឲ្យប៉ះពាល់មិត្តភាពរវាងប្រទេសទាំងពីរ។
កាលពីថ្ងៃព្រហស្បតិ៍ទី១០តុលាអ្នកនាំពាក្យស្ថានទូតបាននិយាយនៅក្នុងសេចក្តីថ្លែងការណ៍មួយថា «ក្រុមដែលចង់បំបែកខ្លួនចេញពីចិនបានសមគំនិតជាមួយបណ្តាក្រុមបរទេស ដើម្បីផ្សព្វផ្សាយពាក្យចចាមអារ៉ាមនិងបំភ្លៃការពិតដើម្បីសំរេចគោលបំណងបង្ក្រប់របស់គេ»។សេចក្តីថ្លែងការណ៍បានបន្តថា« អ្នកនយោបាយថៃមួយចំនួនបានទាក់ទងក្រុមដែលអំពាវនាវអោយហុងកុងទាមទារឯករាជ្យភាពពីចិន និងគាំទ្រវា។អំពើនេះខុសឆ្គងខ្លាំងណាស់និងជាការមិនទទួលខុសត្រូវ។ចិនសង្ឃឹមថាបុគ្គលពាក់ព័ន្ធអាចទទួលស្គាល់ការពិតអំពីបញ្ហាហុងកុងនិងប្រយ័ត្នប្រយែងដោយធ្វើតែអ្វីដែលជាផលប្រយោជន៍សំរាប់មិត្តភាពរវាងចិននិងថៃ»។
ការខឹងសម្បារបស់ចិនគឺបន្ទាប់ពីសកម្មជននិស្សិតនិងអ្នកនយោបាយហុងកុងមកពីគណបក្ស ដេម៉ូស៊ីស្តូ ដែលជាគណបក្សគាំទ្រលទ្ធិប្រជាធិបតេយ្យហុងកុង លោកចូសួរ វ៉ុងបានថតរូបជាមួយមេដឹកនាំគណបក្សអនាគតឆ្ពោះទៅមុខរបស់ថៃ លោកថាណាថន ហ្សួងរុងរឿងគិត និងបង្ហោះវាក្នុងបណ្តាញសង្គម។
អ្នកទាំងពីរបានជួបគ្នាកាលពីថ្ងៃ០៥តុលានៅវេទិកាមួយនៅហុងកុង ដោយអ្នកទាំងពីរជាវាគ្មិន។
លោកថាណាថន បាននិយាយថា អ្វីដែលបានកើតឡើងនៅហុងកុងនៅប៉ុន្មានឆ្នាំមកនេះបានញ៉ាំងគណបក្សទើបបង្កើតថ្មីរបស់លោក។លោកថានៅឆ្នាំ២០១៨ ពេលលោកសំរេចចិត្តបង្កើតគណបក្សនយោបាយមួយ វាមានជំរើសពីរ គឺថាតើត្រូវបង្កើតគណបក្សឬចលនាមួយ តែលោកបានសំរេចបង្កើតគណបក្សដោយសារតែស្នាមរបួសពីការបង្ក្រាបនៅឆ្នាំ២០១០វានៅថ្មីៗពេក។«ហុងកុងញ៉ាំងទឹកចិត្តយើង»។
គណបក្សអនាគតឆ្ពោះទៅមុខនេះត្រូវបានបង្កើតឡើងនៅខែមីនាឆ្នាំ២០១៨ ដោយមហាសេដ្ឋីថាណាថន និងអ្នកច្បាប់ល្បីម្នាក់។ក្នុងការបោះឆ្នោតសកលកាលពីថ្ងៃ២៤មីនា ឆ្នាំនេះ វាទទួលបានសម្លេងឆ្នោតគាំទ្រលំដាប់ទី៣ គឺ៦,៣លានសម្លេង ស្មើនឹង៨១កៅអីក្នុងសភាដែលមាន៥០០កៅអីនិងក្លាយជាគណបក្សប្រឆាំងគួរអោយចាប់អារម្មណ៍បំផុតរបស់ថៃ៕