វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7595 នាក់
ម្សិលមិញ 6961 នាក់
សរុប 15994953 នាក់
រុស្ស៊ី៖ប្រទេសរុស្ស៊ីបានចាប់ផ្តើមរៀបផែនការកាត់បន្ថយការទូទាត់ប្រាក់រូបីយ៍បណ្ណដុល្លារអាមេរិកនៅក្នុងសេដ្ឋកិច្ចរបស់ខ្លួន។ជាកស្តែងលោកយូរីបូរីសូវ( Yuri Borisov) ឧបនាយករដ្ឋមន្ត្រីរុស្ស៊ី បានឱ្យកាសែតដឹងថា កិច្ចសន្យារវាងរដ្ឋាភិបាលទីក្រុងម៉ូស្គូ(រុស្ស៊ី) និងក្រុងញូវដែលី(ឥណ្ឌា) ស្តីពីការផ្គត់ផ្គង់ប្រព័ន្ធការពារដែន អាកាសកាំជ្រួចប្រភេទ S-400 របស់រុស្ស៊ី(មានតម្លៃ៥ពាន់លានដុល្លារអាមេរិកដែលចាប់ផ្តើមអនុវត្តនៅក្នុងឆ្នាំ២០២០)នឹងត្រូវទូទាត់ជាប្រាក់រូពី ជំនួសឲ្យប្រាក់ដុល្លារអាមេរិក។
សារព័ត៌មានរុស្ស៊ី RT ចេញផ្សាយនៅថ្ងៃទី៣១ ខែតុលា ឆ្នាំ២០១៨ បានឲ្យដឹងថា ការផ្លាស់ប្តូរនេះបានកើតឡើងនៅពេលដែលក្រុងម៉ូស្គូបានបង្កើន កិច្ចខិតខំប្រឹងប្រែងនាពេលថ្មីៗនេះ ដើម្បីកាត់បន្ថយ ប្រាក់ដុល្លារអាមេរិក នៅក្នុងសេដ្ឋកិច្ចរុស្ស៊ី ។ ចំណុចសំខាន់នៃផែនការនេះ គឺធ្វើឱ្យប្រាក់ចំណេញកាន់តែច្រើនសម្រាប់អ្នកនាំចេញ និងអ្នកនាំចូលរបស់រុស្ស៊ី ដើម្បីប្រើរូបីយបណ្ណរុស្ស៊ី ជំនួសប្រាក់ដុល្លារ។សូមបញ្ជាក់ថាប្រទេសដែលទិញកាំជ្រួចs400ដ៏មានឥទ្ធិពលពីរុស្ស៊ីមានប្រទេសចិនប្រទេសទួគីផងដែរ។
លោកប្រធានាធិបតីវ្ល៉ាឌីមៀរ ពូទីន បាននិយាយកាលពីដើមខែនេះថា សុវត្ថិភាព និងសន្តិសុខសេដ្ឋកិច្ចគឺជាកត្តាជំរុញចម្បងនៅពីក្រោយការសម្រេចចិត្តលុបបំបាត់តួនាទីរបស់ប្រាក់ដុល្លារអាមេរិក។ វិធានការនេះត្រូវបានគេរាយការណ៍ថាកើតមានចំពេលមានការគំរាមកំហែងពីវ៉ាស៊ីនតោន ដើម្បីកាត់បន្ថយប្រតិបត្តិការរបស់រុស្ស៊ីចេញពីកិច្ចការជំនួញអន្តរការ និងវាយប្រហារលើឆ្អឹងខ្នងរុស្ស៊ីជាមួយនឹងទណ្ឌកម្មមួយផ្សេងទៀត៕