អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

អ្នកនាងកុសុម៉ានិងសាច់ញាតិចូលពេទ្យដោយសារហាងមួយនៅខេត្តសីហនុ!

តើលោកឧបនាយករដ្ឋមន្ក្រីកើតរិទ្ធរដ្ឋមន្ត្រីក្រសួងយុត្តិធម៍គិតយ៉ាងណារករណីយ៍អតីតប្តីប្រពន្ធឧកញ៉ាឌួងឆាយ?

អន្ទឹត ជួន កក្កដា ដែលប្រកាសសឹកយ៉ាងតក់ក្រហល់នឹងក្លាយជាអនុរដ្ឋលេខាធិការក្រសួងធម្មការ!

កាស៊ីណូខុសច្បាប់មួយនៅព្រំដែនបន្ទាយចក្រី គ្មានស្លាកយីហោដែបើកអោយរដ្ឋខ្មែរ និងយួនចូលលេងល្បែង!

ជាច្រើនទៀត

ចំនួនអ្នកទស្សនា

ថ្ងៃនេះ 798 នាក់

ម្សិលមិញ 11025 នាក់

សរុប 16475851 នាក់

នាយករដ្ឋមន្ត្រីអ៊ីរ៉ាក់ដឹកនាំកិច្ចប្រជុំសន្តិសុខក្រោយការធ្វើឃាតដោយយន្តហោះដ្រូនមិនបានសម្រេច

20-March-2025 / ព័ត៌មានអន្តរជាតិ

ប្រទេសអ៊ីរ៉ាក់៖កិច្ចប្រជុំនៅថ្ងៃទី ៧ខែវិច្ឆិកា នាយករដ្ឋមន្ត្រី អ៊ីរ៉ាក់ លោកមុស្តាហ្វាអាល់កាធីមី( Mustafa al-Kadhimi) បានដឹកនាំកិច្ចប្រជុំសន្តិសុខជាមួយបណ្តាមន្ត្រីជាន់ខ្ពស់ ទទួលបន្ទុកសន្តិសុខនៅក្នុងប្រទេសនេះ ក្រោយការប៉ុនប៉ងធ្វើឃាតតាមយន្តហោះគ្មានមនុស្សបើកលើភូមិគ្រឹះរបស់លោកលោកមិនបានសម្រេច តែបានបណ្តាលឲ្យសន្តិសុខ៦នាក់ដែលជាកងការពារនាយករដ្ឋមន្ត្រី យាមនៅខាងក្រៅភូមិគ្រឹះរងរបួស។ a iraq

ការិយាល័យនាយករដ្ឋមន្ត្រីអ៊ីរ៉ាក់បានចេញសេចក្តីប្រកាសថ្កោលទោសយ៉ាងខ្លាំងដល់ការប៉ុនប៉ងធ្វើឃាតនាយករដ្ឋមន្ត្រី Kadhimi នៅយប់ថ្ងៃទី ៦ខែវិច្ឆិកា តាមយន្តហោះគ្មានមនុស្សបើក(ដ្រូន)ដែលជាការវាយប្រហារទ្រង់ទ្រាយធំបំផុតបង្កឡើងដោយក្រុមភេរវកម្ម។ អ្នកនាំពាក្យក្រសួងមហាផ្ទៃអ៊ីរ៉ាក់បានឲ្យដឹងថា មានយន្តហោះគ្មានមនុស្សបើកដល់ទៅ ៣គ្រឿងចូលរួមធ្វើឃាតនាយករដ្ឋមន្ត្រី ក្នុងនោះមានពីរគ្រឿងត្រូវសន្តិសុខបាញ់កម្ទេច និងមួយគ្រឿងទៀតធា្លក់ចំផ្ទះនាយករដ្ឋមន្ត្រីបណ្តាលឲ្យផ្ទុះ។

សហរដ្ឋអាមេរិកបានថ្កោលទោសការវាយប្រហារដោយយន្តដ្រូនទៅលើគេហដ្ឋានរបស់នាយករដ្ឋមន្ត្រីអ៊ីរ៉ាក់នៅថ្ងៃអាទិត្យនេះ ដោយចាត់ទុកវាថាជាអំពើភេរវកម្មជាក់ស្តែងមួយ។នៅក្នុងសេចក្តីថ្លែងការណ៍មួយ អ្នកនាំពាក្យក្រសួងការបរទេសអាមេរិកលោក Ned Price បានបង្ហាញពីអារម្មណ៍ធូរស្រាលក្រោយទទួលបានដំណឹងថានាយករដ្ឋមន្ត្រីអ៊ីរ៉ាក់ កាដហ៊ីមី រួចផុតពីការវាយប្រហារនិងមានសុវត្ថិភាពនាខណៈពេលនេះ។លោក Ned Price បានបង្ហាញពីជំហរគាំទ្ររបស់សហរដ្ឋអាមេរិកចំពោះរដ្ឋាភិបាលអ៊ីរ៉ាក់ ហើយបានប្រាប់ដែរថាអាមេរិកបានបោះដៃចូលជួយអាជ្ញាធរអ៊ីរ៉ាក់ក្នុងដំណើរការស៊ើបអង្កេតទាក់ទងការវាយប្រហារនេះ។

បើតាមការកត់សម្គាល់ការវាយប្រហារដោយដ្រូនទៅលើគេហដ្ឋានរបស់នាយករដ្ឋមន្ត្រីអ៊ីរ៉ាក់បានកើតឡើងក្នុងអំឡុងពេលដែលភាពតានតឹងកំពុងកើនឡើងខ្លាំងពាក់ព័ន្ធលទ្ធផលនៃការបោះឆ្នោតកាលថ្ងៃទី១០ ខែតុលា ឆ្នាំ ២០២១ដែល ជាការបោះឆ្នោតលើកទី៥ បន្ទាប់ពីការឈ្លានពានដឹកនាំដោយសហរដ្ឋអាមេរិកក្នុងឆ្នាំ ២០០៣ បានទម្លាក់មេដឹកនាំផ្តាច់ការ សាដាម ហ្វូសេន ។

គួរបញ្ជាក់ជូនថាក្នុងការបោះឆ្នោតកាលពីខែតុលាកន្លងទៅ គណបក្សចលនា ម៉ុកតាដា សាដ (Moqtada Sadr) ដែលមានថ្នាក់ដឹកនាំកាន់និកាយស្ហ៊ីអ៊ីត ជាអ្នកជាតិនិយមនិងជាអ្នករិះគន់អ៊ីរ៉ង់ ទទួលបានអាសនៈយ៉ាងច្រើនរហូតដល់ ៧០ អាសនៈ។ ចំណែកគណបក្សនយោបាយអ៊ីរ៉ាក់ដែលមានទំនោរទៅរកអ៊ីរ៉ង់វិញទទួលបរាជ័យជាខ្លាំងក្នុងការបោះឆ្នោតលើកនេះ។

សហគមន៍អន្តរជាតិបានសាទរចំពោះលទ្ធផលនៃការបោះឆ្នោតនៅអ៊ីរ៉ាក់ ប៉ុន្តែក្រុមបាតុករអ៊ីរ៉ាក់ដែលគាំទ្រអ្នកនយោបាយមានទំនោរទៅខាងអ៊ីរ៉ង់ស្រែកតវ៉ាថាមានការក្លែងបន្លំសន្លឹកឆ្នោត។ ពួកគេបានចេញធ្វើបាតុកម្មនិងទាមទារឲ្យមានការរាប់សន្លឹកឆ្នោតឡើងវិញ។កាលពីថ្ងៃសុក្រទី៥វិច្ឆិកាមានបាតុករចំនួនរាប់រយនាក់បានប៉ះទង្គិចគ្នាជាមួយប៉ូលិស ខណៈពេលកំពុងតវ៉ានៅជិតតំបន់បៃតងដើម្បីបញ្ចេញកំហឹងរបស់ពួកគេចំពោះលទ្ធផលបឋមនៃការបោះឆ្នោត។
ភាពតានតឹងបានកើនឡើងខ្លាំងនៅពេលដែលបាតុករម្នាក់បានស្លាប់បន្ទាប់ពីព្យាយាមដើរចូលតំបន់បៃតងដែលជាតំបន់មានការយាមកាមតឹងតែងពីអាជ្ញាធរ។ កងកម្លាំងរក្សាសន្តិសុខអ៊ីរ៉ាក់ជាច្រើននាក់ ក៏បានទទួលរងរបួសដែរ។

កាលពីថ្ងៃសៅរ៍ម្សិលមិញ បាតុករជាច្រើនរយនាក់ដែលសុទ្ធជាអ្នកគាំទ្រអ្នកនយោបាយអ៊ីរ៉ាក់មានទំនោរទៅរកអ៊ីរ៉ង់ បានត្រលប់ទៅកាន់តំបន់បៃតងជាថ្មីម្តងទៀតដើម្បីធ្វើបាតុកម្ម។ ក្រុមអ្នកតវ៉ាខ្លះបានដុតរូបភាពលោកនាយករដ្ឋមន្ត្រី លោកមុស្តាហ្វាអាល់កាធីមី( Mustafa al-Kadhimi) ដែលពួកគេចាត់ទុកថាជាក្រិដ្ឋជនមួយរូប៕ a iraq1