ប្រជាពលរដ្ឋតវ៉ារឿងមេភូមិមេឃុំឲ្យឈ្មួញជីកដីបឹងលក់រាលចូលដីរបស់គាត់

ចាប់ឧកញ៉ា អ៊ឹម ប្រុស ពីបទ «ឆបោក», បញ្ជូនទៅាមួយកាំភ្លើងខ្លី៥ដើម និងគ្រាប់កាំភ្លើងជាង ២០០គ្រាប់

ស្ត្រីម្នាក់បានស្លាប់ដោយសារកែសុដន្យនៅគ្លីនិកអន្តរជាតិM25ក្រសួងបិទ

សម្តេចតេជោ ឲ្យសម្រួលជាមួយថៃ រឿងដណ្តើមកម្មសិទ្ធិលើ «ក្បាច់ប្រដាល់»និងផ្តល់អនុសាសន៍រឿងភ្លេងពិណាធតាមវត្ត្

ប្រជាពលរដ្ឋរស់នៅភូមិពោធិមង្គល ឃុំព្រែកតាទែន ស្រុកពញាឮ ខេត្តកណ្តាលចំនួន ២២គ្រួសារ បណ្ដឹងមន្ត្រីស្រុកទៅ អង្គភាពប្រឆាំងអំពើពុករលួយ

ដកលោក ហាន សាខន ពីប្រធានដែនជម្រកសត្វព្រៃកែវសីមា

មិនទាន់មានច្បាប់អនុញ្ញាតិផងតែឈ្មួញហន់សុជាហ៊ានយកគ្រឿងចក្រឈូសឆាយពុះជាឡូត៍លក់យ៉ាងរំភើយ

ជាច្រើនទៀត

ចំនួនអ្នកទស្សនា

ថ្ងៃនេះ 2101 នាក់

ម្សិលមិញ 5456 នាក់

សរុប 12337095 នាក់

របបយោធាមិយ៉ានម៉ាចេញច្បាប់កៀបគណបក្សនយោបាយមុនការបោះឆ្នោតមកដល់

26-February-2023 / ព័ត៌មានអន្តរជាតិ

ប្រទេសមីយ៉ានម៉ា៖របរបយោធាមីយ៉ាន់ម៉ា ដែលបានដណ្ដើមអំណាចដោយការធ្វើរដ្ឋប្រហារកាលពីជិត២ឆ្នាំមុន បានប្រកាសច្បាប់ថ្មីដ៏តឹងរ៉ឹង ស្តីពីគណបក្សនយោបាយ នៅមុនការបោះឆ្នោតនាពេលខាងមុខ។ a burma russ

សារព័ត៌មាន អាល់ចាហ្សីរ៉ា(Al Jazeera )នៅថ្ងៃទី២៧ ខែមករា ឆ្នាំ២០២៣ នេះបានឲ្យដឹងថា៖ច្បាប់ថ្មីចេញដោយរបរបយោធានេះ រារាំងគណបក្ស និងបេក្ខជនដែលមានទំនាក់ទំនងជាមួយបុគ្គល ឬអង្គការដែលត្រូវបានកំណត់ថាជា «អ្នកប្រព្រឹត្តអំពើភេរវកម្ម» ឬ «ខុសច្បាប់»។ច្បាប់ថ្មីនេះបញ្ជាក់ថា គណបក្សដែលចង់ចូលរួមប្រកួតប្រជែងក្នុងការបោះឆ្នោតជាតិ ត្រូវមានសមាជិកយ៉ាងតិច ១០០ ០០០នាក់ ក្នុងរយៈពេល៣ខែនៃការចុះឈ្មោះ និងមានមូលនិធិចំនួន៤៥ ៥០០ដុល្លារ ដែលជាចំនួនច្រើនជាងមុន១០០ដង ហើយមូលនិធិនេះត្រូវតម្កល់នៅធនាគារ Myanma Economic Bank របស់រដ្ឋ។ច្បាប់ដែលចុះហត្ថលេខាដោយមេដឹកនាំរដ្ឋប្រហារ លោក មីន អ៊ុងឡាំង (Min Aung Hlaing) ត្រូវបានផ្សព្វផ្សាយដោយសារព័ត៌មាន Global New Light of Myanmar នៅថ្ងៃសុក្រនេះ។

ច្បាប់ថ្មីនេះចែងថា គណបក្ស [ដែលមានស្រាប់] ទាំងឡាយត្រូវដាក់ពាក្យសុំចុះឈ្មោះក្នុងរយៈពេល២ខែ បន្ទាប់ពីច្បាប់ត្រូវបានប្រកាស បើពុំនោះទេ នឹងត្រូវ «អស់សុពលភាពដោយស្វ័យប្រវត្តិ»។ គណបក្សណាដែលមិនអនុលោមតាមបទប្បញ្ញត្តិនៃច្បាប់ថ្មីនេះ អាចនឹងត្រូវព្យួររយៈពេល៣ឆ្នាំ ឬរំលាយចោល។ច្បាប់នេះក៏និយាយដែរថា គណបក្សមិនត្រូវបានអនុញ្ញាតឱ្យប្តឹងឧទ្ធរណ៍ចំពោះសេចក្តីសម្រេចរបស់គណៈកម្មការរៀបចំការបោះឆ្នោត លើការចុះបញ្ជីគណបក្សនយោបាយឡើយ។

គួរបញ្ជាក់ថា យោធាបានឃុំខ្លួនមេដឹកនាំជាប់ឆ្នោត លោកស្រី អ៊ុងសាន ស៊ូជី (Aung San Suu Kyi) និងបានឡើងកាន់អំណាចនៅថ្ងៃទី១ ខែកុម្ភៈ ឆ្នាំ២០២១។យោធាបានអះអាងដោយគ្មានភស្តុតាងថា មានការក្លែងបន្លំនៅក្នុងការបោះឆ្នោត កាលពីខែវិច្ឆិកា ឆ្នាំ២០២០។ ទោះយ៉ាងណា អ្នកឃ្លាំមើលអន្តរជាតិដែលបានសង្កេតមើលការបោះឆ្នោតនាពេលនោះ បានរកឃើញថា វាមានលក្ខណៈសេរី និងយុត្តិធម៌។
លោកស្រី អ៊ុងសាន ស៊ូជី ដែលនៅតែមានប្រជាប្រិយភាពខ្លាំង ត្រូវបានផ្តន្ទាទោសឱ្យជាប់ពន្ធនាគារជាង៣០ឆ្នាំ ដែលយោធាចោទលោកស្រីជាច្រើនករណី។ ក្រុមអ្នករិះគន់និយាយថា វាជាវិធីកម្ចាត់លោកស្រីពីជីវិតនយោបាយ។

ចំពេលមានការរិះគន់យ៉ាងខ្លាំងពីអន្តរជាតិចំពោះរដ្ឋប្រហារ និងការដាក់ទណ្ឌកម្មពីសហរដ្ឋអាមេរិក និងប្រទេសដទៃទៀត យោធាបានប្រកាសថា ខ្លួននឹងរៀបចំការបោះឆ្នោតជាថ្មីនៅចន្លោះខែកុម្ភៈ និងខែសីហា ឆ្នាំ២០២៣។មនុស្សជិត៣ ០០០នាក់ត្រូវបានសម្លាប់ និងរាប់ពាន់នាក់ផ្សេងទៀតត្រូវបានចាប់ខ្លួនដោយយោធា ចាប់តាំងពីបានដណ្តើមអំណាច។ នេះបើយោងតាមសមាគមជំនួយសម្រាប់អ្នកទោសនយោបាយ (Assistance Association for Political Prisoners)៕ a burma coupa