វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3935 នាក់
ម្សិលមិញ 5378 នាក់
សរុប 14083228 នាក់
ញូវយ៉ក៖កាលពីថ្ងៃទី ១៣ ខែមិថុនា២០១៨សម័យប្រជុំរបស់អង្គការសហប្រជាជាតិបានអនុម័តទៅលើសេចក្តីសម្រេចមួយដែលស្នើឡើង ដោយប្រទេសអាល់ហ្សេរី ទួរគី និង ប៉ាឡេ ស្ទីន ថ្កោលទោសប្រទេសស្រាអែល ដែល បានសម្លាប់ពលរដ្ឋស្លូតត្រង់ប៉ាឡេស្ទីន ។សេចក្តីសម្រេចខាងលើ ដោយទទួលបានសំឡេងគាំទ្រ១២០ សំឡេង និង៤៥សំឡេងអនុបវាទ ប្រឆាំងមានតែ៨សំឡេងប៉ុណ្ណោះ។
ឯកអគ្គរដ្ឋទូត ប៉ាឡេស្ទីនប្រចាំនៅអង្គការសហប្រជាជាតិ លោក Riyad Mansour បញ្ជាក់ថា ការអនុម័ត សេចក្តីសម្រេចខាងលើ នឹងធ្វើឲ្យភាពតាន តឹង ត្រូវថយចុះ ។ ជាមួយគ្នានោះលោក បញ្ជាក់ទៀតថា ពលរដ្ឋប៉ាឡេស្ទីនមិនធ្វើព្រងើយចំពោះបទល្មើស និងសកម្មភាព បំពានសិទ្ធិមនុស្ស ប្រឆាំងពលរដ្ឋប៉ាឡេ ស្ទីនឡើយ។
អាមេរិកក៏បានធ្វើសេចក្តីព្រាងច្បាប់មួយដែរតែថ្កោលទោសក្រុមប្រដាប់អាវុធហាម៉ាស់របស់ប៉ាឡេស្ទីន បង្កឲ្យមានអំពើហិង្សានៅតាមព្រំដែន មិនទទួលបាន សំឡេងគាំទ្រ ២/៣ឡើយ។ ឯកអគ្គរដ្ឋទូតអាមេរិក ប្រចាំនៅអង្គការ សហប្រជាជាតិ លោកស្រី Nikki Haley បានរិះគន់ដល់សេចក្តីសម្រេចខាងលើថា មិនបានផ្តល់យុត្តិធម៌ដល់អ៊ីស្រាអែលឡើយ ។ទន្ទឹមនឹងនោះក៏បានចោទប្រកាន់បណ្តាប្រទេសអារ៉ាប់ កំពុងស្វែងរកការ គាំទ្រនៅក្នុងប្រទេសតាមរយៈការថ្កោលទោស អ៊ីស្រាអែលនៅអង្គការសហប្រជា ជាតិ។
ឯកអគ្គរដ្ឋទូតអ៊ីស្រាអែល លោក Danny Danon ក៏បានរិះគន់ដល់សេចក្តីសម្រេចរបស់អង្គការសហប្រជាជាតិ ដោយបញ្ជាក់ ថា ការអនុម័តទៅលើសេចក្តីសម្រេចខាង លើ គឺជាការផ្តល់សិទ្ធិដល់ក្រុមហាម៉ាស់ បង្កអំពើហិង្សាគំរាមកំហែងដល់អ៊ីស្រាអែល។
សូមបញ្ជាក់ថា៖ចាប់តាំងពីចុងខែមីនាឆ្ន២០១៨មក ទល់ពេល នេះ មានពលរដ្ឋប៉ាឡេស្ទីន រហូតដល់ទៅ ១២០នាក់ស្លាប់និងរាប់ពាន់នាក់រងរបួស នៅព្រំដែនហ្គាហ្សា -អ៊ីស្រាអែល។ អ្នកស្លាប់និងរបួសកើនឡើងខ្ពស់បំផុតគឺនៅថ្ងៃ អាមេរិកប្តូរស្ថានទូតពីក្រុងតែងអាវីវ ទៅកាន់តំបន់ហ្ស៊េរុយ សាឡឹមវិញ ៕